KAINGKUALAN 9:29 - Tanou Moonsoi Timugon

²⁹ Indagu i Musa ra raja', “Makaingkual aku ayuk ra bandar, makiasi' aku ra Tuhan liliwa' mangakat ra longon. Lumonggo' tingkalur am tuminas rasam batu ti, koson makapandai kou ra tana' ti longgom ru Tuhan.

KAINGKUALAN 9:29 ပူးပေါင်းရင်းမြစ်များ

1 RAJA'-RAJA' 8:22

Kopongo raginio giu' ra saang ru mamagun, minigor Raja' Salomo tumingkuang ra altar. Potoroyo' no karuo-ruo kalindu' nano

1 RAJA'-RAJA' 8:38

rongogo' noyo pakiasian nilo. Amon ru mokoondo' ra ulun ra gino ngai' ru ulun Muno Israil, ra mangiluk guang mopotoroi ra kalindu' am makiasi' Rirun liliwa' tumingkuang ra Baloi ti,

IJRA 9:5

Paat ra taak simbalui ra mamai' no tumalimpuun pataakon, ingkakat aku intor ra intok nanturungan kuno ra mangiluk guang am nambayang ra naririlak, igulatur aku boo am kakato' kalindu' ra Tuhan, i Aki Kapuuno' kuno.

AYUP 11:13

Ayup, kapasawo' guang muno, talikur no intor ra tula. Kakato' kalindu' am pakiasi' no ri Aki Kapuuno'.

MAZMUR 135:6

Baalon No atan ondo' kasaga' Nano, giu' ra limbowon kapoam tana' ti; giu' ra raat kapoam tatanga' ru raat ondo' malandom.

MAZMUR 143:6

Patunuyon ku longon kuno makiasi' Rirun; mikimasi' aku Rirun koson ra tana' mapua' makimasi' ra timug.

MAZMUR 50:12

Amon maitilan Aku, kalo makipakan Aku ramuyun, sabap ra tana' ti am niayuk suang no longgom Kuno.

KAINGKUALAN 19:5

Raino amon gumagaya' kau Raki' am gumuut ra nabantuan Kuno, masauk kau ra ulun Kuno galama'. Titikop ru tana' ti Aku tatangan, kaa' masauk kau ra ulun pilion Kuno.

KAINGKUALAN 20:11

Buoi onom ngoorou Aku, Tuhan nambaal ra tana' ti, limbowon, raat am ngaangai' ondo' soroi ralalom no, kaa' paat ra orou ra katulu' timinangus Aku. Ginio ra Aku Tuhan mambarakat ra orou Sabat am patimpokon ginio Raki'.

KAINGKUALAN 8:22

Kalo mapatiu' Aku ra tampilon Gosyin intok inayanan ru ulun Kuno. Kolondo' bulongor ra giu' no. Mambaal Aku ra baal ragitio maa' raginio makapandai kou ra Aku, Tuhan, makakuasa' ra pagun ti.

KAINGKUALAN 8:6

Patutuyo' ri Arun jujuga' nano ra rasawat ru timug, ujak boo antit no saboi nokototop ra titikop ru pagun no.

KAINGKUALAN 9:33

Iruani' boo ri Musa raja' am ongoi ra liwar ru bandar. Giu' no nakiasi' io ra Tuhan am nangakat ra longon, longgo' boo tingkalur, rasam batu am rasam.

JISAYA 1:15

Bulintok ra akau mapatunui ra longon koson makiasi', kalo ilain Takamin. Kabalu' pana masalok kau makiasi', kalo rongogon Ku, sabap ra kalindu' mino masalok mampatoi.

1 KORINTUS 10:26

Sabap ra mokoondo' tinulisan ra Buuk Kitab, “Tana' ti am ngaangai' ru suang nano longgom ri Aki Kapuuno'.”

1 KORINTUS 10:28

Kaa' amon ru mokoondo' mindagu ramuyun ra, “Akanon ti nakapakan noyo ra sinungkalalaing,” pai' noyo akano', sabap ra mangkara' ra kaatangan ru ulun no am sabap ra kaimamangan ru guang. (

SAGULION 10:14

Limbowon ondo' masawat kaga' pana Tuhan tatangan; tana' ti am ngaangai' ondo' soroi ra rasawat no niayuk Io tatangan.