KAINGKUALAN 9:20 - Tanou Moonsoi Timugon

²⁰ Malaa' kukula' ngaulun pagawai ru raja' sabap ra bala' ru Tuhan no. Ginio ra ibito' nilo inulipon am bibiag tinambiag nilo mumpos ralalom baloi maa' raginio makasindung.

KAINGKUALAN 9:20 ပူးပေါင်းရင်းမြစ်များ

KAINGKUALAN 7:23

Kaa' uli' raja' ra istana nano ra kalo noyo nampalio ra baal ondo' nasauk no.

KAINGKUALAN 9:21

Kaa' pagawai ra bokon no kalo nampalio ra bala' ru Tuhan am nopoloso ra inulipon am bibiag tinambiag nilo ra lisar.

KAINGKUALAN 9:6

Paat ra suabon no nambaal Tuhan koson ra rinagu Nali, am ngaangai' bibiag tinambiag ru ulun ru Misir namagatoi, kaa' bibiag tinambiag ru ulun ru Israil kolondo' minatoi.

AMSAL 13:13

Ulun ondo' kalo mampagagaya' ra ragu ri Aki Kapuuno' maninduol ra inan galama', kaa' ulun ondo' gumagaya' ra susuban ri Aki Kapuuno' makaalap ra balos moonsoi.

AMSAL 16:16

Moonsoi poyo makaalap ra kapintaran am katutunan ka makaalap ra mas am pirok.

AMSAL 22:23

Saungon ilo ru Tuhan, am butuson painawo ru ulun mangimpai risilo.

AMSAL 22:3

Ulun mapintar miliu ra makalalaa' amon ru makito no, kaa' ulun budu polosoon no inan nano malumpa' ru karaat am pansagulian guang nano ra tauli no.

IBRANI 11:7

Sabap ra pangintapatan noyo, i Nuu binalaan ri Aki Kapuuno' intor ra sauk ondo' matong no, ondo' kalo poyo nakito nali. Ginio boo ra io giminagaya' ra ragu ri Aki Kapuuno' am nambaal ra kapal maayo, am mansail raginio noyo ilo ngaangai' sambaloi binayag. Nampakito i Nuu ra ulun ru tana' ti ra ukumin ilo ri Aki Kapuuno', am sabap ra pangintapatan nali, iniou io ri Aki Kapuuno' koson sangulun motopot.