KAINGKUALAN 8:9 - Tanou Moonsoi Timugon

⁹ Indagu i Musa ra raja', “Nakatampos aku noyo makiasi' rirun raja'. Aruo' noyo paat no am makiasi' aku rirun raja', pagawai muno am mamagun muno. Palabuson kou raja' intor ra antit-antit no, am kolondo' boo soroi ondo' ayuk am antit ondo' soroi ralalom ru Sungoi Nil.”

KAINGKUALAN 8:9 ပူးပေါင်းရင်းမြစ်များ

1 RAJA'-RAJA' 18:25

Kopongo raginio indagu i Ilia ra nabi-nabi ru Baal, “Sabap ra masuang kau, polosoon akau galing momongo ra sapi' gawayan no. Pakiasi' no ra dewa mino, kaa' pai' paangi' apui ra tataun no.”

KAINGKUALAN 7:25

Nasailan noyo tulu' ngoorou intor ra kinulau ru Tuhan timug ru sungoi no nasauk ra raraa'.

KAINGKUALAN 8:10

Taam raja' no, “Pakiasi' noyo ra bala kuno ra susuab no.” Indagu i Musa, “Makiasi' aku koson ra kitaak muno raja', am makapandai kou raja' boo ra kolondo' koson ra Tuhan i Aki Kapuuno' mai.

KAINGKUALAN 8:11

Antit-antit no painggaluron intor rirun raja', baloi muno, pagawai muno am mamagun muno. Kolondo' boo antit soroi ondo' ayuk am soroi ralalom ru Sungoi Nil.”

KAINGKUALAN 8:8

Nampiau raja' ri Musa am i Arun am indagu, “Pakiasi' noyo ra Tuhan maa' raginio pusoon No antit-antit ti, am paugaron ku bansa' min, maa' raginio makapapataak ilo ra taak simbalui ra Tuhan.”

JISAYA 10:15

Kaa' mindagu Tuhan, “Makapamanggo kia kapak no ra ulun ondo' mamakai riso no? Maatang kia toojo rondo' garagaji' no ka ulun ondo' mamakai ra garagaji' no? Sala' ka tataun pamalamba' no mampaguut ra ulun kaa' ulun no mampaguut ra tataun pamalamba'.”

UNTABAN 14:20

Taam Tuhan, “Mangampun Aku risilo sumugut ra kinitaak muno.

TINGGANAI RU BANSA' 7:2

Indagu Tuhan ri Gidion, “Masuang kaga' ulun muno. Kalo masaga' Aku manaak risilo ra kamanangan ra ulun ru Midian. Maaru' mangkara' ilo ra mamanang ilo sabap kaikangan nilo galama', saboi kalo mapatulai Raki'.