KAINGKUALAN 7:5 - Tanou Moonsoi Timugon

⁵ Makapandai boo ulun ru Misir ra Aku noyo Tuhan paat ra Aku mangukum risilo am magibit ra ulun ru Israil mingkual intor ra pagun ru Misir.”

KAINGKUALAN 7:5 ပူးပေါင်းရင်းမြစ်များ

MAZMUR 138:7

Bulintok ra aku natiu' ra kapaganan, alungin Mu aku; anggalon Mu pantula' kuno ondo' malaat, am bayagon Mu aku ra kuasa' Muno.

MAZMUR 9:16

Bansa'-bansa' ondo' kalo makaulig Rirun maratu' ilo ra luang ondo' kinali nilo galama'; napataan ilo ra paninigot, kaa' ilo galama' siminulung.

KAINGKUALAN 10:2

am maa' raginio mabalaan min anak am akupu min ati kulaan inanja'-anja' Ku ulun ru Misir, paat ra Aku mambaal ra kaimuagan. Makapandai kau ngaangai' ra Aku noyo Tuhan.”

KAINGKUALAN 10:7

Indagu pagawai no ra raja', “Kula' poyo buoi ru ulun no mantipagon ritakau? Polosoon noyo ulun ru Israil no mugar maa' raginio makasambayang ilo ra Tuhan i Aki Kapuuno' nilo. Ilai' noyo, jajajou ayuk boo pagun takau ti!”

KAINGKUALAN 14:18

Paat ra kalaan Ku ilo, makapandai ulun ru Misir ra Aku noyo Tuhan.”

KAINGKUALAN 14:4

Mangkinibit Aku ra raja' ru Misir bambalingatan saboi mangilou io ramuyun; kamanangan Kuno ra raja' no maparatong ra pangurumatan Raki'. Makapandai boo ulun ru Misir ra Aku noyo Tuhan.” Nambaal ulun ru Israil ra atan ondo' nanusuban risilo.

KAINGKUALAN 18:8

Nambala' i Musa ri Jitro ra ngaangai' ondo' binaal ru Tuhan ra raja' am ulun ru Misir koson mamayag ra ulun ru Israil. Nambala' io niayuk ri Jitro ra kapaganan ondo' mauma' nilo ralalom pangkiralanan am ati kulaan ilo binayag ru Tuhan.

KAINGKUALAN 3:20

Kaa' mamakai Aku ra kuasa' Kuno am mangukum ra ulun ru Misir am mambaal ra sauk ondo' makalalaa' ra giu' no. Mopongo raginio paugaron no akau.

KAINGKUALAN 6:1

Indagu Tuhan ri Musa, “Raino makakito kou ra atan ondo' baalon Kuno ra raja' ru Misir. Jajalin Ku io mapaugar ra ulun Kuno. Sotopot no mampajajal Aku riso mapagiru' risilo mingkual intor ra pagun nano.”

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

KAINGKUALAN 7:17

Ginio ra indagu Tuhan ra makapandai kou raja' ra osoi Tuhan no intor ra atan ondo' binaal Nano. Ilai' noyo, lambaan ku timug ru sungoi ra jujuga' ti, am makulau timug no sumauk ra raraa'.

KAINGKUALAN 8:10

Taam raja' no, “Pakiasi' noyo ra bala kuno ra susuab no.” Indagu i Musa, “Makiasi' aku koson ra kitaak muno raja', am makapandai kou raja' boo ra kolondo' koson ra Tuhan i Aki Kapuuno' mai.

KAINGKUALAN 8:19

Indagu ulun mapandai kaga' ra sihir no ra raja', “Binaal gitio ri Aki Kapuuno'!” Kaa' lakat poyo bambalingatan raja' am marara' mangining ra ragu ri Musa am i Arun, koson ra rinagu ru Tuhan.

KAINGKUALAN 8:22

Kalo mapatiu' Aku ra tampilon Gosyin intok inayanan ru ulun Kuno. Kolondo' bulongor ra giu' no. Mambaal Aku ra baal ragitio maa' raginio makapandai kou ra Aku, Tuhan, makakuasa' ra pagun ti.

YEHEZKIEL 25:17

Ukumin Ku ilo ra maagat am paabuson guang mansuli' risilo. Paat ra ilo makaliman ra sangit Kuno, makapandai ilo ra Aku noyo Tuhan.”

YEHEZKIEL 28:22

Balai' mamagun ra giu' no atan ondo' paraguon Kuno, Tuhan Raja': Aku pantula' muno Sidon. Ulun mongompor Raki' sabap ra atan ondo' binaal Kuno rirun. Makapandai ilo ra Aku noyo Tuhan ondo' matulai, paat ra Aku mangukum ra mamagun muno.

YEHEZKIEL 32:15

Paat ra pasaukon Ku Misir ra tana' kaagisan ondo' kolondo' tutuu' am masiluk, am niayuk mamuso ra ngaangai' mamagun ra giu' no, bagu no makapandai ilo ra Aku noyo Tuhan.

YEHEZKIEL 36:23

Paat ra pakitonon Ku katulayan ru inggalan Kuno ondo' maayo no ra bansa'-bansa' – inggalan ondo' jinamol min ra akau po ngai' – bagu no makapandai bansa'-bansa' ra Aku noyo Tuhan. Aku, Tuhan Raja' nakaindagu noyo. Pakayon Takamin koson mampakito ra katulayan Kuno risilo.

YEHEZKIEL 39:22

Intor raginio boo Israil makapandai ra Aku noyo Tuhan, i Aki Kapuuno' nilo.

YEHEZKIEL 39:7

Tutunon Ku Israil, ulun Kuno, makaulig ra inggalan Kuno ondo' matulai, am kalo polosoon Ku jamalin inggalan Kuno. Bansa'-bansa' makapandai boo ra Aku noyo Tuhan, i Aki Kapuuno' ru Israil, i Aki Kapuuno' ondo' matulai.”