KAINGKUALAN 5:9 - Tanou Moonsoi Timugon

⁹ Jajalin ulun raginilo mangandoi ra maagat poyo, maa' raginio kumantisuk ilo ra kandoi am kolondo' boo kaluagan mangining ra tunung abawon ayuk.”

KAINGKUALAN 5:9 ပူးပေါင်းရင်းမြစ်များ

2 RAJA'-RAJA' 18:20

Mangkara' io kia ra ragu-ragu makapalit ra katasikan am kaikangan ru saujor? Osoi kia lansanin mu raja' koson mangindangan rirun gumuor ra Asyur?

AYUP 16:3

Mindagu kau kia ra sabubuoi no? Atan kia nangunsu' ramuyun koson marayus mindagu?

KAINGKUALAN 5:10

Tingganai ru ulipon ra bansa' ru Misir am mandur ra bansa' ru Israil miningkual am indagu ra ulun ru Israil, “Nanusub raja' ra kalo boo aniin kau ra rami.

KAINGKUALAN 5:8

Kaa' susubo' ilo mambaal ra batu bata koson ragili suang nali; pai' irurui' suang no kabalu' pana rondo'. Kalo nosonong ilo ra kandoi, ginio sabap ra makitaak ilo mugar mapataak ra taak simbalui ri Aki Kapuuno' nilo.

JIRIMIA 43:2

Kopongo raginio i Ajaria anak ri Gosaya am i Joganan anak ri Karia am ngaangai' ulun ra bokon ondo' malilimbau no minindagu raki', “Magabau kou! Tuhan, i Aki Kapuuno' takau, kalo nanusub rirun manginga' ramon koson mayan giu' ra Misir.

JAKARIA 1:6

Pinabala' galing ra nabi-nabi, ulipon Kuno, nampasaboi Aku ra susuban am pampakaraan Kuno ra kinamatuaan min. Kaa' kalo nampalio ilo raginio saboi musiti' mansaan ra kinibit nano. Kopongo raginio timinalikur ilo intor ra tula am nangiou ra Aku, Tuhan Ondo' Maayo Kaga' Kuasa', nangukum noyo risilo nontopot ra kasalaan nilo am nontopot ra nangaruan Kuno.”

MALIAKI 3:14

Kamin, ‘Kolondo' onong mangandoi ayuk ri Aki Kapuuno'. Atan onong no sumugut ra susuban Nano, kapoam mampakito ra itakau pansagulian guang ra kasalaan takau giu' ra saang ru Tuhan Ondo' Maayo Kaga' Kuasa'?

IPISUS 5:6

Pai' min polosoo' sangulun pana mamparuung ramuyun ra abau. Sabap ra paliso ragitio noyo mampakasalula' ra sangit ri Aki Kapuuno' ra ulun ondo' kalo gumagaya' Riso.