KAINGKUALAN 5:1 - Tanou Moonsoi Timugon

¹ Ongoi boo tuum i Musa am i Arun ra raja' ru Misir am indagu, “Koson ragitio ragu ru Tuhan i Aki Kapuuno' ru ulun ru Israil, ‘Paugaro' noyo ulun Kuno maa' raginio makasambayang ilo Raki' giu' ra tana' kaagisan.’ ”

KAINGKUALAN 5:1 ပူးပေါင်းရင်းမြစ်များ

1 RAJA'-RAJA' 21:20

Paat ra Raja' Agab nakatuum ri Ilia, indagu io, “Okou pantula', pupus ti nakasugut kou nakatuum raki'!” Taam i Ilia, “Topot. Binaal muno malaat ra pagilangan ru Tuhan.

MAZMUR 119:46

Potonowon ku panusuban inatang Muno ra ngaangai' raja', am kalo boo tauyuon aku.

KAINGKUALAN 10:3

Ginio ra ongoi boo tuum i Musa am i Arun ra raja' am indagu riso, “Tuhan i Aki Kapuuno' ru ulun ru Ibrani mindagu, ‘Kula' poyo buoi mu kalo masaga' kumuku' Raki'? Paugaro' noyo ulun Kuno maa' raginio makasambayang ilo Raki'.

KAINGKUALAN 10:4

Amon ru lakat poyo marara' kou, ra susuab no maparatong Aku ra gapu' ra pagun muno.

KAINGKUALAN 10:9

Taam i Musa, “Makakai' akai mugar, makaaya' lalaing am ulun mangatutuo. Anak ungkuyon am anak ruandu', ngaangai' domba, kambing am sapi' ibiton mai sabap ra moonsoi ra akai mambaal ra rondo' pangiantakan maayo koson mangurumat ra Tuhan.”

KAINGKUALAN 3:18

Ulun Kuno mangining ra ragu muno. Mongoi kou toojo uma' ra raja' ru Misir mabaya' ra tingganai-tingganai ru ulun ru Israil no am mindagu riso, ‘Tuhan i Aki Kapuuno' ru ulun ru Ibrani minintalang noyo ramon. Raino iowo' akai no mugar buoi talu ngoorou pangkiralanan mongoi ra tana' kaagisan, mampataak ra taak simbalui ra Tuhan i Aki Kapuuno' mai.’

KAINGKUALAN 33:13

Amon ru topot ginio, pambala' ra inatangan Muno maa' raginio makapangandoi aku Rirun am magulayun mapabansuk ra guang Muno. Karaa' niayuk ra Okou nampili' ra ulun ragitilo masauk ra Okou galama' tatangan.”

KAINGKUALAN 4:23

Nanusub Aku noyo rirun ra makataak ra anak Kuno mugar maa' raginio makasamba io Raki', kaa' marara' kou. Raino potoyon Ku anak ungkuyon katuaan muno.’ ”

KAINGKUALAN 6:11

“Ongoi no tuum ra raja' ru Misir am raguo' ra moonsoi paugaron ulun-ulun ru Israil mangiruan ra pagun nano.”

KAINGKUALAN 6:27

Ilo ruo noyo timinuum ra raja' ru Misir am makitaak ra raja' maa' raginio mapalabus ra ulun ru Israil.

KAINGKUALAN 7:16

Ragui' raja' no, ‘Tuhan i Aki Kapuuno' ru ulun ru Ibrani nanusub raki' koson mapasaboi ra bala' Nano rirun raja' maa' raginio mangiou kou ra ulun Nano mongoi sambayang Riso giu' ra tana' kaagisan. Kaa' saboi raino, okou raja' lakat poyo marara' mangining ra bala' no.

KAINGKUALAN 7:2

Balai' i Arun ra ngaangai' ondo' nanusuban Kuno rirun. Susubo' noyo io mambala' ra raja' maa' raginio mangiou ra ulun ru Israil manatang ra pagun nati.

KAINGKUALAN 8:1

Indagu boo Tuhan ri Musa, “Ongoi tuum ra raja' am balai' io ra ragu ru Tuhan, ‘Paugaro' noyo ulun Kuno maa' raginio makasambayang ilo Raki'.

KAINGKUALAN 8:16

Indagu Tuhan ri Musa, “Susubo' i Arun mapalamba' ra tana' no ra jujuga' nano, am makulau boo kaau sumauk ra pulias ra titikop ru pagun ru Misir.”

KAINGKUALAN 8:17

Ginio ra lambaa' ri Arun tana' ra jujuga' nano, am kaau ra titikop ru pagun ru Misir nakulau nasauk ra pulias ondo' muroom ra ulun am bibiag.

KAINGKUALAN 8:20

Indagu Tuhan ri Musa, “Ongoi noyo tuum ra raja' rumondom ra susuab no paat ra io mongoi ra sungoi. Balai' io ra indagu Tuhan, ‘Paugaro' noyo ulun Kuno mongoi sambayang Raki'.

KAINGKUALAN 8:27

Musiti' akai mongoi ra tana' kaagisan galur no talu ngoorou pangkiralanan koson mapataak ra taak simbalui ra Tuhan i Aki Kapuuno' mai, koson ra nanusuban Nali.”

KAINGKUALAN 9:1

Indagu Tuhan ri Musa, “Ongoi noyo tuum ra raja' am balai' io ra Tuhan i Aki Kapuuno' ru ulun ru Ibrani mindagu, ‘Paugaro' noyo ulun Kuno maa' raginio makasambayang ilo Raki'.

KAINGKUALAN 9:2

Amon ru lakat poyo marara' kou mapaugar risilo,

JISAYA 25:6

Giti ra Bulur Sion, Tuhan Ondo' Maayo' Kaga' Kuasa' mangatang ra pagakanan maayo koson mampaakan ra ngaangai' bansa' ra tana' ti. Pasulungon No akanon ra mangaamis am wain ra pinili'.

YEHEZKIEL 2:6

Kaa' okou, ulun ondo' mapandai matoi, pai' kalaa' risilo kapoam atan ayuk ondo' raguon nilo. Anggalon am asabin nilo okou. Malimanan mu koson maayag ra tatanga' ru lingait. Kabalu' pana raginio, pai' kalaa' ra ulun-ulun gumuor no, kapoam atan ayuk ondo' raguon nilo.

MATIUS 10:18

Akimin kau ra saang ru tingganai-tingganai ru ulun am niayuk raja'-raja' sabap ra akau mangintopot Raki', am mampatanou kau boo ra Tanou Moonsoi no risilo am poyo ra ulun sala' ka Jaudi.

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

RINALATAN 4:29

Raino Tuhan, ilai' ati kulaan akai lolobon nilo. Anii' akai, ulipon-ulipon Muti, ra kakawan mampabala' ra tanou Muno.

1 KORINTUS 5:8

Ginio poyo, ibok iantako' takau bunsag ra Ruti' Kalo Linatakan ra Ragi no, ioginio kapasawan ru guang am ondo' kasagain ri Aki Kapuuno'. Pai' takau iantako' bunsag no ra ruti' ondo' linatakan ra ragi nakalair, ioginio makatula am kalaatan.