KAINGKUALAN 40:20 - Tanou Moonsoi Timugon

²⁰ Kopongo raginio alapo' ri Musa ruo batu pamatikan no am pabantaa' no ra Kaban Nabantuan. Pasulungo' no tataun bandasan ru Kaban ra golong no, am taubi' no Kaban no ra panaub no.

KAINGKUALAN 40:20 ပူးပေါင်းရင်းမြစ်များ

1 RAJA'-RAJA' 8:9

Kaban Nabantuan sinuangan ayuk ra ruo batu ondo' pinabanta' ra giu' no ri Musa, giu' ra Gunung Sinai ragili, paat ra Tuhan nambaal ra nabantuan Nano ra ulun ru Israil, kalupus ilo miningkual intor ra Misir.

1 TUNUNG RU BANSA' ISRAIL 15:3

Ginio ra nampiau Raja' Daut ra ngaangai' ulun ru Israil matong ra Jirusalim koson mapabanding ra Kaban Nabantuan ru Tuhan ra intok ondo' tinampos nano.

2 TUNUNG RU BANSA' ISRAIL 5:10

Kaban Nabantuan sinuangan ayuk ra ruo batu ondo' pinabanta' ra giu' no ri Musa giu' ra Gunung Sinai ragili, paat ra Tuhan nambaal ra nabantuan Nano ra ulun ru Israil, nalupus ilo miningkual intor ra Misir.

MAZMUR 40:8

Ginio sabap ra aku tumaam, “Gitio aku ti; panusuban Muno raki' natulisan ralalom ru kitab ru Ukum.

KAINGKUALAN 16:34

Pabantaa' ri Arun rarapu' no ra saang ru Kaban Nabantuan ra buliin, sumugut ra susuban ru Tuhan ri Musa.

KAINGKUALAN 26:34

Taubi' ra panaub ralimbou ru Kaban Nabantuan no.

KAINGKUALAN 31:18

Kopongo Tuhan minindagu ri Musa giu' ra Gunung Sinai, panaak i Aki Kapuuno' riso ruo batu pamatikan ondo' tinulisan ri Aki Kapuuno' galama' ra susuban Nano.

KAINGKUALAN 40:19

Bingkalo' no panaub ra Kim ru Tuhan, am taubi' no ra panaub ra bokon, koson ra nanusuban ru Tuhan.

KAINGKUALAN 40:3

Pabantaa' Kaban Nabantuan ondo' makasuang Mopor Ukum ralalom Kim no am tabirin ra tabir giu' ra saang ru Kaban.

MATIUS 3:15

Kaa' taam i Jisus, “Polosoon ayuk ra raino ti, sabap ra koson ragitio ito sumugut ra kasagaan ri Aki Kapuuno'.” I Juanis pana nangiou.

ROMA 10:4

Pinupusan noyo ri Kristus Ukum ri Musa, maa' raginio osoi ayuk mangintopot Riso, io no pobonsoyon saguli' ri Aki Kapuuno'.

ROMA 3:25

Ginio ra i Jisus Kristus pinataak ri Aki Kapuuno' ra potoyon maa' raginio ra pinatayan Nano, tula ru ulun ampunon amon ru mangintopot ilo Riso. Binaal ri Aki Kapuuno' ginio koson manulu' ra kinabanis ru guang Nano, sabap ra galing i mataan guang Nano ra tula ru ulun saboi kalo nangukum risilo.

SAGULION 10:5

am tuun aku intor ra gunung. Koson ra nanusuban ru Tuhan, pinabanta' ku batu tulis no giu' ralalom ru kaban ondo' binaal kuli. Binulian batu tulis no giu' ralalom kaban intor ragili saboi raino.” (

IBRANI 4:16

Intor raginio makakau' takau minggaar ra takhta ri Aki Kapuuno' ondo' maayo kaga' togom, koson makitaak ra asi', kataawan am indangan Nano paat ra itakau makakapaganan.

IBRANI 9:4

Giu' no mokoondo' panalaban ra kaminyan ondo' binaal intor ra mas, am poyo Kaban Nabantuan ondo' inangkupan ra mas. Ralalom no mokoondo' rarapu' mas boborok makasuang ra akanon inggalanin ra manna, am poyo jujuga' ri Arun ondo' nanalantar ragili am ruo ngampila' batu ondo' tinulisan ra mopor panusuban.

1 JUANIS 2:2

I Jisus galama' pabansayan ra tula takau. Sala' ka tula takau ayuk, kaa' tula ru ngaangai' ulun.