KAINGKUALAN 4:31 - Tanou Moonsoi Timugon

³¹ Mangintopot ilo, am igulatur samba paat ra nakaining ra nampalio Tuhan risilo am nakakito ra ngaangai' kaimbalaan nilo.

KAINGKUALAN 4:31 ပူးပေါင်းရင်းမြစ်များ

KASAUKAN 17:3

Igulatur i Abram am indagu boo i Aki Kapuuno',

KASAUKAN 24:26

Igulatur boo ulipon no am samba ra Tuhan.

KASAUKAN 29:32

Kaapang i Liya am paganak sangulun anak ungkuyon. Kono, “Nakito ru Tuhan no kapaganan kuno, am raino tumogom ralaki kuno raki'.” Inggalani' no boo anak raginio i Rubin.

KASAUKAN 50:24

Indagu i Jusup ra pagaka'-pagaka' nano, “Mamaar noyo patayan kuno, kaa' i Aki Kapuuno' magalung ramuyun am magibit ramuyun mingkual intor ra pagun ti am mongoi ra pagun ondo' binantu' Nano ri Abragam, i Isak am i Jakub.”

1 TUNUNG RU BANSA' ISRAIL 29:20

Kopongo pakiasian raginio, indagu Raja' Daut ra ulun masuang ondo' natimung ra giu' no, “Omporo' noyo Tuhan i Aki Kapuuno' min!” Ngaangai' ulun pana nongompor-ngompor boo ra Tuhan, i Aki Kapuuno' ondo' sambaan ru kinamatuaan nilai. Kopongo raginio igulatur ilo koson mangurumat ra Tuhan am raja'.

2 TUNUNG RU BANSA' ISRAIL 20:18

Kopongo raginio Raja' Josapat igulatur am ngaangai' mamagun pana migulatur nababaya' riso am samba ra Tuhan.

2 TUNUNG RU BANSA' ISRAIL 32:8

Raja' ru Asyur mokoondo' ra kuasa' ru ulun, kaa' itakau mokoondo' ra Tuhan, i Aki Kapuuno' takau, ondo' mangindangan am mangayou ra bala takau.” Mamagun naunsu' ru ragu ru raja' nilo.

2 TUNUNG RU BANSA' ISRAIL 7:3

Paat ra ulun ru Israil nakakito ra apui riminatu' intor ra limbowon am sinda ratangan ru Tuhan nakatikop ra Baloi ru Tuhan, igulatur ilo ra sulig am samba ri Aki Kapuuno'. Nongompor ilo Riso ra kinoonsoi Nano am togom Nano ondo' mantilayun.

NIGIMIA 8:6

Kon ri Ijra, “Omporo' noyo Tuhan, i Aki Kapuuno' ondo' matulai!” Ngaangai' ru ulun no napainsawat ra kalindu' am taam, “Amin! Amin!” Kopongo raginio igulatur ilo samba ri Aki Kapuuno'.

AYUP 1:20

I Ayup pana minigor boo am rilako' no bayang nano sabap ra mangiluk guang. Linompor no abuk nano am igulatur.

KAINGKUALAN 12:27

Musiti' min taamon ra, ‘Gitio noyo taak simbalui Paska koson mangurumat ra Tuhan, sabap ra nansail Io ra baloi ru ulun ru Israil giu' ra Misir. Namatoi Io ra ulun ru Misir, kaa' nopoloso ritakau maayag.’ ” Igulatur boo ulun ru Israil ra sumamba.

KAINGKUALAN 14:31

Pakakito ulun ru Israil ra nangala Tuhan ra ulun ru Misir ra kuasa' ondo' maayo, malaa' ilo ra Tuhan; mangintopot ilo ra Tuhan am ulipon Nano i Musa.

KAINGKUALAN 19:8

Taam ngaangai' ulun no ra nagagampan, “Baalon mai ngaangai' ondo' rinagu ru Tuhan.” Pabalaa' ri Musa baal ragitio ra Tuhan.

KAINGKUALAN 19:9

Indagu Tuhan ri Musa, “Matong Aku ramuyun ralalom ru gaun makapal maa' raginio makaining ulun ra Aku mindagu rirun; intor raginio masalok ilo boo mangintopot rirun.” Pinasaboi ri Musa taaman ru ulun raginilo ra Tuhan.

KAINGKUALAN 2:25

Nakakito i Aki Kapuuno' ra ulun-ulun ru Israil no inulipon am mampalio ra baal nilo.

KAINGKUALAN 3:16

Ongoi noyo am timungo' tingganai-tingganai ru ulun ru Israil no am balai' ilo ra Aku, Tuhan i Aki Kapuuno' ru kinamatuaan nilai, i Aki Kapuuno' ri Abragam, ri Isak am ri Jakub minintalang noyo rirun. Balai' ilo ra minatong Aku noyo risilo am nakakito noyo ra atan binaal ru ulun ru Misir risilo.

KAINGKUALAN 3:18

Ulun Kuno mangining ra ragu muno. Mongoi kou toojo uma' ra raja' ru Misir mabaya' ra tingganai-tingganai ru ulun ru Israil no am mindagu riso, ‘Tuhan i Aki Kapuuno' ru ulun ru Ibrani minintalang noyo ramon. Raino iowo' akai no mugar buoi talu ngoorou pangkiralanan mongoi ra tana' kaagisan, mampataak ra taak simbalui ra Tuhan i Aki Kapuuno' mai.’

KAINGKUALAN 3:7

Indagu boo Tuhan, “Nakito Ku noyo kaimbalaan ru bansa' Kuno giu' ra Misir. Naining Ku noyo ilo naguros makilabus intor ra ulun-ulun nangulipon no. Sotopot no nakatutun Aku noyo ra ngaangai' kaimbalaan nilo.

KAINGKUALAN 33:10

Makito ayuk ru ulun raginilo lugu' ru gaun giu' ra kulobon ru Kim ru Tuhan, sumamba ilo.

KAINGKUALAN 34:8

Paat raginio niayuk i Musa siminamba.

KAINGKUALAN 4:5

Indagu Tuhan, “Baalo' koson raginio ra mapainono' ra bansa' ru Israil ra Aku, Tuhan i Aki Kapuuno' ru kinamatuaan nilo, i Aki Kapuuno' ri Abragam, ri Isak am ri Jakub, minintalang noyo rirun.”

JIPANYA 2:7

Mamagun ru Jiuda ondo' maayag mayan ra tana' min. Alungin nilo bibiag tinambiag ra giu' no, am paat ra rondom ti mombolong ilo giu' ra baloi-baloi giu' ra bandar Askilon. Tuhan, i Aki Kapuuno' nilo mabaya' risilo am mampasauk risilo langkaya' saguli'.

LUKAS 1:68

“Omporo' takau no i Aki Kapuuno', Tuhan ru ulun ru Israil, sabap ra minatong Io mangindangan am mampalabus ra ulun Nano.

LUKAS 8:13

Ondo' naratu' ra tana' makabatu i, io no ulun ondo' mangkirongog ra bala' no am maansukan ilo mangapu. Kaa' bala' no kalo siminoroi ra guang nilai. Sangkinolor ayuk ilo mangintopot. Pakauma' ilo ra pangkinaman kalo boo mangintopot ilo.

RUT 1:6

Kopongo raginio nakaining i Naomi ra nambarakat Tuhan ra ulun Nano am nangani' risilo ra ampos ru tinanom ondo' moonsoi. Ginio boo tampos i Naomi koson mangiruan ra Moab nabaya' ra karuruo ngaulun anak mangiwan nano.