KAINGKUALAN 4:12 - Tanou Moonsoi Timugon

¹² Raino, ongoi noyo. Indanganon Tokou mindagu am mambala' rirun ra atan musiti' raguon muno.”

KAINGKUALAN 4:12 ပူးပေါင်းရင်းမြစ်များ

MAZMUR 105:26

Io pana nanusub ri Musa, ulipon Nano, am i Arun, ulun ondo' pinili' Nano.

MAZMUR 143:10

Okou no i Aki Kapuuno' kuno; ilaa' aku mambaal ra kasagaan Muno. Koonsoi no raki', am pangaak raki' mongoi ra ralan matanda'.

MAZMUR 32:9

Pai' sasambungon koson ra kuda kapoam baghal, ondo' butatanin ra kalat am kakangin koson mangimaya' ra ralaaton.”

KAINGKUALAN 3:12

Indagu i Aki Kapuuno', “Mabaya' Aku rirun. Paat ra maibit mu noyo ulun ru Israil mingkual intor ra Misir, sumambayang kau samba Raki' ra gunung ti. Ginio noyo inono' ra Aku nanusub rirun.”

KAINGKUALAN 4:13

Taam i Musa, “Iou Tuhan, makitaak aku susubo' noyo ulun ra bokon.”

KAINGKUALAN 4:15

Makapansunur kou riso, am mambala' riso atan ondo' musiti' raguon nano. Indanganon Ku akau ruo am mambala' ramuyun atan ondo' musiti' raguon am baalon.

KAINGKUALAN 4:16

Mindagu io ra ulun raginilo ra tayar ru bala muno. Masauk io ra mindadagu muno, am masauk kou koson ri Aki Kapuuno' ondo' mambala' atan ondo' musiti' raguon nano.

JISAYA 49:2

Ragu-ragu kuno sinauk No malarom koson ra ilang, am ra kalindu' Nano galama' nanindung Io aku. Sinauk No aku koson ra anak ru panah inasa', am pinauli No ra kobon koson tumampos pakayon.

JISAYA 50:4

Tuhan Ondo' Masawat Kaga' mangila' raki' makimansunur, maa' raginio ragu kuno mapaikang ra ulun maagui. Moonong susuab patirongon No gogoton kuno koson mangkirongog ra pangilaan Nano koson raki'.

JIRIMIA 1:9

Kopongo raginio patutuyo' ru Tuhan kalindu' Nano, am paguuto' ra kabang kuni am indagu, “Rongog no, mangani' Aku rirun ra ragu Kutu ondo' musiti' raguon mu.

UNTABAN 16:28

Indagu i Musa ra ngaangai' ulun ra giu' no, “Gitio noyo ralan min makapandai ra Tuhan ondo' nanusub raki' mambaal ra ngaangai' baal ragitio, am ra kalo nambaal aku raginio sumugut ra kasaga' kuno galama'.

MARKUS 13:11

Paat ra akau rokopon am ibiton ra pamisaraan, pai' kau kalaa' ra atan raguon min, sabap ra paat raginio raguon min ayuk ondo' musiti' min raguon. Ragu ondo' sabiton mino sala' ka intor ra guang min, kaa' matong intor ra Ambiluo ri Aki Kapuuno'.

LUKAS 11:1

Paat ra sangarawan, nakiasi' i Jisus giu' ra rondo' intok. Kakai' nakiasi', indagu sangulun intor ra maamaya' Nano, “Tuhan, ilaa' akai makiasi' koson i Juanis nangila' ra maamaya' nano nakiasi'.”

JUANIS 14:26

Kaa' Ambiluo ri Aki Kapuuno', Io no Mangingindangan ondo' susubon ri Ama' ralalom ru inggalan Kuno, Io noyo mangila' ramuyun ra ngaangai' no am mampakara' ramuyun ra ngaangai' ondo' rinagu Ku noyo.

IPISUS 6:19

Aku pana karaan ra pakiasian min, maa' raginio mangani' i Aki Kapuuno' raki' ra katandaan paat ra aku mindagu. Maa' raginio makakau' aku boo mampabala' ra atan ondo' kalo igondo' pinabala' intor ra Tanou Moonsoi no.

SAGULION 18:18

Manusub Aku ra sangulun nabi risilo, nabi koson rirun, am intor ra bansa' nilo galama'. Mapasaboi Aku ra bala' Kuno riso, am io mapasaboi ra ngaangai' susuban Kuno ra ulun raginio.