KAINGKUALAN 37:25 - Tanou Moonsoi Timugon

²⁵ Pambaal i Bijalil ra rondo' altar intor ra tataun akasia koson intok panalaban ra kaminyan. Baal ru altar no apat persegi; gawar no 45 ngasintimito, pila' no 45 ngasintimito am sawat no 90 ngasintimito. Sangau ra kaapat-apat pisuk no pogondoon ra altar no.

KAINGKUALAN 37:25 ပူးပေါင်းရင်းမြစ်များ

2 TUNUNG RU BANSA' ISRAIL 26:16

Kopongo Raja' Ujia nasauk ra maikang, nasauk io ra malilimbau; limbau nano nangkinibit ra naratuan nano. Inanggal ru Raja' Ujia susuban ru Tuhan, i Aki Kapuuno' nano sabap ra sinolob no kaminyan giu' ra rasawat ru altar kaminyan giu' ra Baloi ru Tuhan.

KAINGKUALAN 31:8

mija' am kuliamos no, tampakan ra lampung intor ra mas kopoyo am kuliamos no, altar ru panalaban ra kaminyan,

KAINGKUALAN 35:15

altar panalaban ra kaminyan am tataun bandasan no; umau upacara; kaminyan ondo' maamis owou; tabir ru kulobon umpasan ra Kim ru Tuhan;

KAINGKUALAN 37:24

Namakai io ra 35 ngakilogram mas kopoyo koson mambaal ra tampakan ra lampung no am ngaangai' kuliamos no.

KAINGKUALAN 37:26

Angkupi' no ra mas kopoyo tampilon rasawat ru altar no, kaapat-apat sapapa' no, am niayuk sangau no, am pambaal io ra bingkai mas ra liput no.

KAINGKUALAN 40:5

Pabantaa' altar mas intok panalaban ra kaminyan ra saang ru Kaban Nabantuan, am patairo' tabir giu' ra kulobon umpasan ra Kim.

MATIUS 23:19

Mumpara' boo bolou mino! Atan kia ondo' maatang toojo? Ondo' pataakon no kia kapoam altar ondo' mampatulai ra taak nano?

IBRANI 13:10

Imam-imam Jaudi ondo' mangandoi ra Kim Sambayangan, kalo makaaya' ritakau mampataak ra taak simbalui koson paringkuanangan ra sambayangan takau.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

IBRANI 9:4

Giu' no mokoondo' panalaban ra kaminyan ondo' binaal intor ra mas, am poyo Kaban Nabantuan ondo' inangkupan ra mas. Ralalom no mokoondo' rarapu' mas boborok makasuang ra akanon inggalanin ra manna, am poyo jujuga' ri Arun ondo' nanalantar ragili am ruo ngampila' batu ondo' tinulisan ra mopor panusuban.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.