KAINGKUALAN 37:17 - Tanou Moonsoi Timugon

¹⁷ Pambaal i Bijalil rondo' tampakan ra lampung intor ra mas kopoyo. Pambaal io ra antulan am batang no intor ra mas inamar. Bunga' ra pinabunga' makaaya' pumput am tapi' no binaal pogondoo' ra batang ru lampung no.

KAINGKUALAN 37:17 ပူးပေါင်းရင်းမြစ်များ

IBRANI 9:2

Mokoondo' ra kim ondo' lamin ra saang no ininggalanan ra Intok Matulai, am giu' no tampakan ra lampung am mija' papabantaan ra ruti' ondo' pataakon ri Aki Kapuuno'.

PINAINTALANG 1:12

Ginio ra pangkaili aku koson magilong ra osoi kia minindagu raki' ni, am kakito ku tulu' tampakan ra lampung ondo' binaal intor ra mas.

PILIPI 2:15

Intor raginio nampakito kau ra akau ti anak ri Aki Kapuuno' ondo' kolondo' sala kapoam tula am moonsoi kaayagan min ra tatanga' ru ulun-ulun malaat am makatula no. Am paat ra akau maayag koson raginio, mogondo' kau ra butitin suminda ra rondom ti,

MATIUS 5:15

Kolondo' sangulun pana mansikit ra lampung am taubin boo ra pasu', kaa' patampakon ra tatampakan ru lampung maa' raginio masilau no ngaangai' ulun ralalom ru baloi no.

JAKARIA 4:11

Kopongo raginio nangkuot aku poyo riso, “Atan kia arati' ru puun jaitun giu' ra tampilon pamiris am kait ru tampakan ra lampung no?

JAKARIA 4:2

Nangkuot io, “Atan kia nakito muno?” Taam aku, “Nakito ku rondo' tampakan ra lampung mas. Tampilon ra rasawat nano mokoondo' rondo' mangkuk ru umau. Tampilon ra ragana' ru lampung no mokoondo' tulu' lampung ondo' moonong rondo' mokoondo' tulu' intok ru sumbu'.

2 TUNUNG RU BANSA' ISRAIL 13:11

Moonong susuab ti am mai' ti mampataak ilo ra kaminyan, am niayuk bibiag koson ra taak simbalui koson mapabansuk ra guang ru Tuhan. Mampataak ilo ra ruti' pasulungon giu' ra rasawat ru mija' ondo' pinatimpok noyo, am moonong rondom mansikit ilo ra lampung-lampung ra tampakan ra lampung mas. Binaal mai susuban ru Tuhan, kaa' inimpayan min Io.

1 TUNUNG RU BANSA' ISRAIL 28:15

ra moonong lampung am tampakan ra lampung,

IMAMAT 24:4

Musiti' i Arun magalung ra lampung-lampung no ondo' pinatampak ra rasawat ru tampakan ra lampung ondo' binaal intor ra mas kopoyo, maa' raginio ngaangai' no magulayun mapaang giu' ra saang ru Tuhan.

KAINGKUALAN 31:8

mija' am kuliamos no, tampakan ra lampung intor ra mas kopoyo am kuliamos no, altar ru panalaban ra kaminyan,

KAINGKUALAN 37:16

Pambaal io niayuk ra piring-piring, sangkir-sangkir, jag-jag, am mangkuk pakayon ra taak ru wain. Binaal ngaangai' kuliamos ru mija' no intor ra mas kopoyo.

KAINGKUALAN 37:18

Onom ngampango binaal ra batang ru tampakan ra lampung no, talu ngampango ra moonong sapapa' no.

UNTABAN 8:4

Tampakan ra lampung no binaal intor ra mas tinuyu', intor ra antulan no saboi ra bunga' ra pinamunga' tampilon ra rasawat, sumugut ra tiluan ondo' pinatulu' ru Tuhan ri Musa.