KAINGKUALAN 35:35 - Tanou Moonsoi Timugon

³⁵ Nangani' Io risilo ra katasikan koson mambaal ra ngaangai' salinut ru kandoi ondo' binaal ru mangukir, perekabentuk, am mambaal ra konoon linon molomos, konoon bulu makabatik motomou, matanggilung am malia', am konoon-konoon ra bokon. Nakapambaal ilo ra ngaangai' salinut ru kandoi, am niayuk perekabentuk ra matasik.

KAINGKUALAN 35:35 ပူးပေါင်းရင်းမြစ်များ

1 RAJA'-RAJA' 3:12

iowon Ku kitaakon muno. Manaak Aku rirun ra kapintaran am karatian ondo' kalo igondo' linonggom kapoam longgomon ru osoi pana.

1 RAJA'-RAJA' 7:14

Ama' ri Guram, ondo' minatoi noyo, intor ra bandar Tirus. Ragili ama' ri Guram no pana sangulun manukang ra gangsa' ondo' mapandai kaga'. Ama' ri Guram papag ru bansa' ru Naptali. I Guram ti sangulun manukang ondo' mapandai kaga', am mokoondo' ra nailian. Nangapu io ra piau ru Raja' Salomo koson mangandoi mambaal ra kuliamos intor ra gangsa'.

2 TUNUNG RU BANSA' ISRAIL 2:14

Ina' nano intor ra bansa' ru Dan am ama' nano ulun ru Tirus. Matuyu' io mambaal ra kuliamos intor ra mas, pirok, gangsa', basi', batu am tataun. Makabaal io ra konoon makabatik motomou, matanggilung, malia' am konoon linon. Makaukir io ra mansalinut ukiran, am makaulit ra atan ayuk baalon ondo' pabaalin riso. Polosoon noyo io mangandoi ra ulun-ulun manukang muno am ulun ondo' nangandoi noyo ra Raja' Daut, ama' muli.

AYUP 7:6

Kaayagan kutu minsir ra kolondo' kalansanan, minsir ra maribok poyo intor ra ulun mampaugar ra misin pampagulung ra banang.

KAINGKUALAN 26:1

“Baalo' noyo ra tampilon ralalom ru Kim ru Tuhan am mopor ngaputul konoon linon molomos ondo' binaal intor ra banang bulu makabatik motomou, matanggilung am malia'. Baali' konoon no ra gambar kirub.

KAINGKUALAN 31:3

Nanaak Aku ri Bijalil ra kuasa' Kuno. Nanaak Aku riso ra pangaratian, katasikan am kapandayan ralalom ngaangai' salinut ru kandoi seni:

KAINGKUALAN 31:6

Nampili' Aku niayuk ri Ogoliab anak ri Agisamak intor ra bansa' ru Dan, koson mangandoi ri Bijalil. Nanaak Aku noyo ra kapandayan ondo' matuyu' ru ngaangai' ondo' mangatasik, maa' raginio ngaangai' susuban Kuno mabaal nilo:

KAINGKUALAN 35:31

Inanian ri Aki Kapuuno' i Bijalil ra kuasa' Nano, am nangani' riso ra katasikan, kinapandai am pangaratian ralalom ngaangai' salinut ru kandoi seni,

KAINGKUALAN 36:1

I Bijalil, Ogoliab am ngaangai' tukang ondo' inanian ru Tuhan ra katasikan am pangaratian, iono ilo ondo' makapandai ra ralan mambaal ra ngaangai' ondo' gogoton koson mambaal ra Kim ru Tuhan, musiti' mambaal ra ngaangai' no koson ra ondo' nanusuban ru Tuhan.”

JISAYA 28:26

Makapandai io mambaal ra kandoi nano, sabap ri Aki Kapuuno' nangila' riso.

JISAYA 38:12

Painawo kuno naukat, paminawaan pupus paabuson ku, koson ra kim ru mantatamung pinurun, koson ra konoon linompor intor kuliamos ru pambaalan ra konoon. Indos ku pupusin ri Aki Kapuuno' bayag kuno.

RINALATAN 19:6

Pabantaa' ri Paulus kalindu' nali risilo am kinuasa' ilo ru Ambiluo ri Aki Kapuuno'. Ginio ra minindagu ilo ra ragu imuagan am nampasaboi ra pambalaan intor ri Aki Kapuuno'.

RINALATAN 19:8

Talu ngambulan buoi ri Paulus nampatanou ra ulun-ulun giu' ra baloi sambayangan am kalo malaa' io. Nakimansunur io risilo koson mampaintopot risilo intor ra Pamarintaan ri Aki Kapuuno'.

1 KORINTUS 1:5

Sabap ra masuang boo katutunan min ralalom ngaangai' baal, niayuk ondo' raguon am kapandayan min.

1 KORINTUS 1:7

saboi kalo matatakan kau ra atan ayuk pana taak intor ri Aki Kapuuno', buoi min maginaa ra ratangan saguli' ru Tuhan takau, i Jisus Kristus.

1 KORINTUS 12:12

Itakau ondo' mangintopot ri Kristus mogondo' ra inan ru ulun; inan no rondo' ayuk, kaa' masuang tayar. Kabalu' pana masuang tayar, kaa' rondo' ayuk inan no.

1 KORINTUS 12:4

Mokoondo' nansalinut taak ru Ambiluo ri Aki Kapuuno', kaa' rondo' ayuk intor nilai no.

1 KORINTUS 12:8

Ambiluo no mangani' ra sangulun ra taak mindagu ra mapintar toojo. Ulun ra bokon inanian poyo ru Ambiluo raginio ra taak mambala' ra kapandayan intor ri Aki Kapuuno'.

GALATIA 3:2

Rondo' ayuk raguon kuno ramuyun. Kinami' aku balai' ati koson akau nangapu ra Ambiluo ri Aki Kapuuno'? Sabap ra akau giminagaya' ra Ukum ri Musa kia, kapoam sabap ra nangkirongog am nangintopot ra Tanou Moonsoi i?

GALATIA 3:5

Ginio poyo, nangani' i Aki Kapuuno' ra Ambiluo Nano ramuyun am nambaal ra kaimuagan ra tatanga' min i, sabap ra nokorongog am nangintopot kau ra Tanou Moonsoi no. Am sala' ka ra akau nampagagaya' ra Ukum ri Musa no.

1 TIMOTIUS 3:15

Kaa' amon ru kalo makaratong aku ra mataki', okou mokoondo' noyo ra kaintutunan ra ati kulaan musiti' takau maayag koson ra anak ri Aki Kapuuno', ioginio pasimpungan ru ulun ondo' mangintopot ri Aki Kapuuno' ondo' maayag. Itakau noyo ondo' mampabala' am manungka' ra katapatan.

1 TIMOTIUS 4:16

Ilalai' kaayagan muno am niayuk pangilaan muno. Porondono' ayuk ngaangai' ti, maa' raginio okou galama' am niayuk ilo ondo' mangkirongog ra pangilaan muno bayagon.

2 TIMOTIUS 2:15

Singkotog no toojo ra iowon kou ri Aki Kapuuno' koson sangulun mangangandoi ondo' kalo mauyu' ra baal ru kondoyon nano, kaa' makapangila' toojo ra katapatan intor ri Aki Kapuuno'.