KAINGKUALAN 35:29 - Tanou Moonsoi Timugon

²⁹ Ngaangai' ulun ru Israil ondo' moogot am masaga' mangani' ra atan pana, magibit ra taak nilono ra Tuhan koson ra kandoi ondo' nanusuban Nano ri Musa.

KAINGKUALAN 35:29 ပူးပေါင်းရင်းမြစ်များ

1 TUNUNG RU BANSA' ISRAIL 29:14

Aku am mamagun kuno sotopot no kalo makapangani' ra atan pana Rirun, sabap ra ngaangai' tinaakan Muno am atan ondo' taakin maiti longgom Muno niayuk.

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

1 TUNUNG RU BANSA' ISRAIL 29:3

Suai raginio, pinataak ku noyo pirok am mas intor ra rapu' longgom kuno galama' sabap ra togom kuno ra baloi ri Aki Kapuuno' kuno.

1 TUNUNG RU BANSA' ISRAIL 29:6

Kopongo raginio tingganai-tingganai ru bansa', tingganai ru bansa' boborok, panglima, am ulun manalingapu ra longgom ru raja' nambala' ra kasagaan nilo koson mangani' ra paindanganon.

2 TUNUNG RU BANSA' ISRAIL 35:8

Pagawai-pagawai ri Josia niayuk nangani' ra indangan ra mamagun, imam-imam am ulun ru Liwi. Pagawai-pagawai ondo' nangandoi giu' ra Baloi ru Tuhan, iono Tingganai Maayo Imam Ilkia, Jakaria am Jiwil, nangani' ra 2,600 ngainan anak domba am anak kambing, am niayuk 300 ngainan sapi' gawayan, ra imam-imam koson pataakon paat ra pangiantakan no.

IJRA 3:5

Suai raginio, inaru' nilo noyo mampataak ra taak simbalui koson mapabansuk ra guang ru Tuhan am niayuk taak simbalui ondo' pataakon paat ra Pangiantakan Sila' Bagu, am paat ra ngaangai' pangiantakan ra bokon ondo' paugaron koson sumamba ra Tuhan. Ilo niayuk mampataak ra taak ayuk toojo ra Tuhan.

IJRA 8:28

Indagu aku risilo, “Akau ti timpokon ayuk ra tayar ru Tuhan, i Aki Kapuuno' ru kinamatuaan takau. Koon raginio niayuk ngaangai' kuliamos intor ra pirok am mas ondo' pinataak koson ra taak lilion ayuk ra Tuhan ayuk.

KAINGKUALAN 35:4

Indagu i Musa ra ngaangai' ulun ru Israil, “Gitio noyo ondo' nanusuban ru Tuhan:

KAINGKUALAN 35:5

Ibito' taak ra Tuhan. Osoi ondo' moogot mangani' ra taak musiti' mapataak ra mas, pirok kapoam gangsa';

KAINGKUALAN 36:3

Anii' ilo ri Musa ra ngaangai' ondo' pinataak ru ulun ru Israil koson kandoi mambaal ra Kim ru Tuhan. Kaa' lakat ayuk poyo marayus bansa' ru Israil magibit ra taak ri Musa ra moonong susuab ti.

JISAYA 8:20

Taam kau koson ragitio, “Rongogo' noyo pangilaan ru Tuhan! Ulun ra kalo matanda' ragu maya' ra pangilaan no, kolondo' kalansanan.”

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

1 KORINTUS 3:5

Sotopot no, osoi i Apolos no? Am osoi poyo Aku? Akai ulipon ayuk ri Aki Kapuuno', ondo' nangkimait ramuyun mangintopot ri Kristus. Akai sigagama' maya' ayuk ra ondo' pakandayin ru Tuhan.

1 KORINTUS 9:17

Amon ru kondoyon kutu sumugut ra kasagaan kuno galama', maaya' aku niayuk makitaak ra ampos. Kaa' aku mampasaboi ra Tanou Moonsoi no, sabap raginio musiti' baalon kuno, io no kandoi tinaakan ri Aki Kapuuno' raki'.

2 KORINTUS 9:7

Pangani' kano sumugut ra ondo' inaru' mino. Pai' min paginduoon guang min mangani', kapoam koson ra jajalin kau, sabap ri Aki Kapuuno' motogom ra ulun ondo' mangani' intor ra guang maansayan.

GALATIA 6:16

Am ulun ondo' mampagagaya' ra panusuban ragitio, gama' ru aniin ilo ri Aki Kapuuno' ra kaansayan am asi', am niayuk ra ngaangai' ulun ri Aki Kapuuno'.

SAGULION 11:32

tutuno' ra gumagaya' kau ra ngaangai' ukum ondo' taakin kuno ramuyun ra orou raiti'.”

SAGULION 12:32

Baalo' noyo ngaangai' ondo' nanusuban ku noyo ramuyun; pai' ruangi' kapoam irurui' atan-atan ra susuban raginio.

SAGULION 4:2

Pai' ruangi' sanganu pana am pai' irurui' sanganu pana ra atan ondo' nanusuban kuno. Gagayaa' noyo susuban ru Tuhan i Aki Kapuuno' min ondo' pinasaboi ku noyo ramuyun.

2 PITRUS 1:19

Ginio boo ra mangintopot akai no toojo ra bala' ondo' pinasaboi ru nabi-nabi ragili. Ginio ra moonsoi ru karaan min toojo bala' ti, ondo' koson ra pilasut suminda ra intok molondom. Am karaan ginio suku' ratangan saguli' Nano, ondo' koson ra butitin ru sirangon paat ra matawang – Io mampaulig toojo ramuyun ri Aki Kapuuno'.

TINGGANAI RU BANSA' 5:2

Omporo' noyo Tuhan! Ulun tutumula' ru Israil nakatampos toojo koson mangayou; masaga' mamagun mangayou.

TINGGANAI RU BANSA' 5:9

Bansuk ru guang kuno ra ngaangai' panglima ru Israil am ra mamagun ondo' masaga' mangayou. Omporo' noyo Tuhan!