KAINGKUALAN 35:21 - Tanou Moonsoi Timugon

²¹ am moonong ulun ondo' makaguang magibit ra taak ra Tuhan koson mambaal ra Kim ru Tuhan. Pagibit ilo ra ngaangai' kuliamos ondo' gogoton ra sambayang am koson mambaal ra bayang ru imam.

KAINGKUALAN 35:21 ပူးပေါင်းရင်းမြစ်များ

2 SAMUIL 7:27

Iou Tuhan Ondo' Maayo Kaga' Kuasa', i Aki Kapuuno' ru ulun ru Israil! Baani aku makiasi' koon raginio sabap ra nambala' Kou raki' ulipon Mutu ra baal ragitio. Nambala' Kou raki' ra anak akupu kuno ra mansusunu' saukon Mu ra raja' ru bansa' ragitio.

1 TUNUNG RU BANSA' ISRAIL 28:2

Bigor Raja' Daut giu' ra saang nilo am indagu, “Rongogo' mamagun ku ngai'! Nabuoi aku no makaguang koson mambaal ra rondo' baloi ondo' mantilayun koson ra Kaban Nabantuan, sanaran ru kalayam ru Tuhan, i Aki Kapuuno' takau. Inula' ku noyo koson mambaal ra rondo' baloi intok sumamba Riso.

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

1 TUNUNG RU BANSA' ISRAIL 29:14

Aku am mamagun kuno sotopot no kalo makapangani' ra atan pana Rirun, sabap ra ngaangai' tinaakan Muno am atan ondo' taakin maiti longgom Muno niayuk.

1 TUNUNG RU BANSA' ISRAIL 29:3

Suai raginio, pinataak ku noyo pirok am mas intor ra rapu' longgom kuno galama' sabap ra togom kuno ra baloi ri Aki Kapuuno' kuno.

1 TUNUNG RU BANSA' ISRAIL 29:8

Ulun ondo' mokoondo' ra batu intan, pinataak no ginio ri Jiwil koson pasubolon ra intok ru kuliamos ra ralalom Baloi ru Tuhan. (I Jiwil sangulun Liwi intor ra bansa' ru Girson).

1 TUNUNG RU BANSA' ISRAIL 29:9

Mamagun nangani' ra pinaindangan ra Tuhan ra kabanisan am kasagaan ru guang. Naansukan ilo sabap ra masuang taak pinaindangan am Raja' Daut pana naansukan.

IJRA 2:68

Paat ra ulun-ulun pinatiran no nakasaboi giu' ra Baloi ru Tuhan giu' ra Jirusalim, kukula' ngaulun tingganai ru bansa' nangani' ra tinaakan ayuk toojo koson mambaal saguli' ra Baloi ru Tuhan.

IJRA 7:27

Kopongo raginio indagu i Ijra, “Koompor noyo Tuhan, i Aki Kapuuno' ru kinamatuaan takau! Binuir no guang ru raja' saboi kinara' no timpokon Baloi ru Tuhan giu' ra Jirusalim.

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

KAINGKUALAN 25:2

“Susubo' ulun ru Israil magibit Raki' ra taak. Apuo' noyo atan ayuk taak intor ra moonong ulun ondo' moogot mangani'.

KAINGKUALAN 35:20

Kopongo raginio ungkias ngaangai' ulun ondo' timinimung no,

KAINGKUALAN 35:22

Moonong ulun ondo' masaga' mangani' ra taak, iou ra ungkuyon am niayuk ruandu', matong magibit ra kerongsang, anting-anting, sinsing, sisigot am ngaangai' salinut ru kuliamos intor ra mas am patimpokon boo ngaangai' no ra Tuhan.

KAINGKUALAN 35:26

Nambaal ilo niayuk ra banang intor ra bulu ru kambing.

KAINGKUALAN 35:29

Ngaangai' ulun ru Israil ondo' moogot am masaga' mangani' ra atan pana, magibit ra taak nilono ra Tuhan koson ra kandoi ondo' nanusuban Nano ri Musa.

KAINGKUALAN 35:5

Ibito' taak ra Tuhan. Osoi ondo' moogot mangani' ra taak musiti' mapataak ra mas, pirok kapoam gangsa';

KAINGKUALAN 36:2

Pampiau i Musa ri Bijalil, Ogoliab am ngaangai' tukang ra bokon ondo' inanian ru Tuhan ra kapandayan, iono ilo ondo' masaga' mindangan; am susubo' ilo ri Musa manalimpuun ra kandoi no.

AMSAL 4:23

Totomolo' noyo atan karaan mino, sabap ra pangkaraan mino mangatang ra kaayagan mino.

JIRIMIA 30:21

Ulun manguasa' risilo matong intor ra bansa' nilo, raja' nilo intor ra bansa' nilo. Muma' io Raki' paat ra Aku mampiau riso, sabap ra osoi kia ondo' baani muma' ra kalo piawon? Masauk ilo ra ulun Kuno am masauk Aku ri Aki Kapuuno' nilo. Aku, Tuhan nakaindagu noyo.”

MATIUS 12:34

Akau ulun malaat. Ginio poyo, ati kulaan kau makaindagu ra baal ondo' moonsoi? Sabap ra atan ondo' soroi ralalom ru guang, ginio noyo raguon ru kabang.

2 KORINTUS 8:12

Amon maayo guang min mangani', apuon ri Aki Kapuuno' taak mino maya' ra atan ondo' mataakan min, sala' ka maya' ra ondo' kalo mataakan min.

2 KORINTUS 9:7

Pangani' kano sumugut ra ondo' inaru' mino. Pai' min paginduoon guang min mangani', kapoam koson ra jajalin kau, sabap ri Aki Kapuuno' motogom ra ulun ondo' mangani' intor ra guang maansayan.

TINGGANAI RU BANSA' 5:12

Luat noyo, okou Dibora, luat noyo! Luat noyo, am parimbai noyo! Sukal noyo, okou Barak anak ri Abinoam! Ibito' noyo ulun rinakop muno!

TINGGANAI RU BANSA' 5:3

Rongogo' noyo, raja' kau ngai'! Ilai' toojo, pangnguasa' kau ngai'! Marimbai aku am mangkuli ra miujik tayar ru Tuhan i Aki Kapuuno' ru Israil.

TINGGANAI RU BANSA' 5:9

Bansuk ru guang kuno ra ngaangai' panglima ru Israil am ra mamagun ondo' masaga' mangayou. Omporo' noyo Tuhan!