KAINGKUALAN 34:6 - Tanou Moonsoi Timugon

⁶ Pansail boo Tuhan ra saang ri Musa am indagu, “Aku Tuhan i Aki Kapuuno' ondo' napanu' ra asi' am kimasi'; kalo mataki' Aku sumangit, mapakito Aku ra togom am gagaya' ondo' maayo.

KAINGKUALAN 34:6 ပူးပေါင်းရင်းမြစ်များ

KASAUKAN 24:27

Indagu io, “Koompor noyo Tuhan i Aki Kapuuno' ru tuan kuli i Abragam totopot nampaguut ra bantu' Nano ra tuan kuli i Abragam. Inibit aku ru Tuhan parampuso' ra pabukat ru tuan kuli.”

2 SAMUIL 24:14

Taam Raja' Daut, “Aku ti magalabo kaga'! Kaa' marara' aku ukumin ru ulun. Polosoon noyo Tuhan no galama' mangukum ritakau, sabap ra maayo makaasi' Nano.”

1 RAJA'-RAJA' 19:11

Indagu Tuhan riso, “Ingkual no intor ra luang batu no am bigor no ra saang Kutu giu' ra tampak ru gunung.” Kopongo raginio pansail Tuhan ra giu' no. Angin mapuor kaga' ondo' nampalapak ra gunung am nomopol ra kabuluran no siminigulu ra Tuhan, kaa' Tuhan kalo minintalang ralalom ru bagiu' mapuor kaga' no. Pokolonggo' bagiu' mapuor kaga' no, nasauk mogonggon, kaa' kalo minintalang Tuhan ralalom ru mogonggon no.

1 RAJA'-RAJA' 8:30

Rongogo' noyo pakiasian kutu am pakiasian ru ulun Muno paat ra ilo tumingkuang ra intok ti am makiasi'. Intor ra intok inayanan Muno giu' ra suruga', rongogo' noyo akai am ampuno' noyo akai.

2 TUNUNG RU BANSA' ISRAIL 30:9

Amon ru sumaguli' kau ra Tuhan, ulun ondo' namparakop ra pabukat mino makaasi' risilo, am mangiou risilo muli'. Tuhan, i Aki Kapuuno' mino moonsoi am makaasi'; amon ru sumaguli' kau Riso, apuon No akau.”

NIGIMIA 9:17

Marara' ilo gumagaya'; nalilianan nilo ngaangai' binaal Muno, am ngaangai' kaimuagan ondo' binaal Muno. Nabaya' ra limbau ilo nampili' sangulun tingganai, koson magibit risilo ra Misir, am nasauk saguli' ra ulipon. Kaa' Okou i Aki Kapuuno' ondo' mangampun; orot Muno maawar, makaasi' am motogom; asi' Muno maayo, am kalo nangiruan Kou risilo.

MAZMUR 108:4

Iou Tuhan, mongompor aku Rirun mangkilolot ra bansa'-bansa'. Mongompor aku Rirun mangkilolot ra ngaangai' ulun.

MAZMUR 111:4

Kalo polosoon takau ru Tuhan mampalilian ra binaal Nano ondo' makaimuag; Io no motogom am maupus.

MAZMUR 111:8

Panusuban Nano kalo makulau; pataakon No parinta Nano ra sotopot-topot am matimpok.

MAZMUR 112:4

Sinda mapaang ralalom kalandaman ra tayar ru ulun ondo' mabanis guang; makaasi' io, motogom, am matimpok.

MAZMUR 116:5

Tuhan no motogom am matimpok; i Aki Kapuuno' takau no natikop ra katagaman.

MAZMUR 138:2

Migulatur aku tumingkuang ra Baloi Muno ondo' matulai liliwa' mongompor ra inggalan Muno, sabap ra Okou ti magagaya' am togom Muno mantilayun, am nanulu' Kou noyo ra inggalan Muno am bala' Muno matulai.

MAZMUR 145:8

Tuhan no motogom am makaasi', moorot no sangit Nano am natikop ra togom.

MAZMUR 146:6

Io noyo i Aki Kapuuno' ondo' namangun ra limbowon, tana' ti am raat, am niayuk ngaangai' suang nano. Masalok Io manugut ra bantu' Nano;

MAZMUR 31:19

Polosoo' noyo ulun-ulun maabau-abau tumambungangang, sabap ra malilimbau ilo am magasab ra ulun ondo' mabanis guang.

MAZMUR 57:10

Iou Tuhan, maringkuanang aku Rirun intor ra ngaangai' bansa'. Omporon Tokou intor ra ngaangai' ulun.

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

MAZMUR 86:5

Iou Tuhan, Okou no moonsoi am masaga' mangampun ra ulun, tagamin Mu ilo ondo' makiasi' Rirun.

MAZMUR 91:4

Sindungin No akau ra kawo Nano; maayag kau ralalom ru pagalungan Nano; gagaya' Nano mangampin am magalung rirun.

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

KAINGKUALAN 22:27

sabap ra sukub ondo' soroi riso koson pampalasu' ra inan nano. Amon ru kalo pasagulion sukub no, kolondo' boo alapon no ra bajang. Amon ru makiindangan io Raki', iningon Ku io sabap ra Aku ti makaasi'.

KAINGKUALAN 33:19

Taam Tuhan, “Mansail Aku ra ngaangai' Katulayan Kuno ra saang muno, liliwa' mindagu ra inggalan Kuno ondo' matulai, iono Tuhan. Mapakito Aku ra ulun pilion Kuno ra asi' am pakimasian.

AMSAL 3:3

Pangintopot kono am gagaya' ri Aki Kapuuno' am niayuk ulun. Karaa' noyo am bulii' noyo baal raginio ra guang muno.

MAMPATANOU 8:11

Masaga' toojo ulun mambaal ra kalaatan sabap ulun ondo' nambaal no kalo inukum ra mataki'.

JISAYA 12:4

Masuku' niayuk bulintok ra akau marimbai, “Paringkuanang no ra Tuhan, am samba no Riso! Potonowo' noyo binaal Nano ra bansa'-bansa'. Pabalaa' noyo risilo katulayan Nano.

JISAYA 65:16

Osoi-osoi ondo' mayan ra pagun raginio, am ondo' makibarakat makitaak ra barakat ri Aki Kapuuno' ondo' mampagagaya'. Osoi-osoi magibot, magibot ilo ralalom ru inggalan ri Aki Kapuuno' ondo' mampagagaya'. Sabap no kaimbalaan ra galing i natatak am linilianan.”

JIRIMIA 32:18

Nampakito Kou ra togom Muno ondo' mantilayun ra riribu ulun, kaa' nangukum Kou niayuk ra ulun sabap ra tula ru matuo nilo. Okou noyo i Aki Kapuuno' ondo' matulai am maikang toojo; Okou no Tuhan Ondo' Maayo Kaga' Kuasa'.

JIRIMIA 9:24

Amon ru osoi pana mamanggo, musiti' io mamanggo sabap ra io nakaulig am nakarati' Raki', am ra Aku noyo Tuhan ondo' motogom ra ulun ra sabuoi-buoi no, am Aku mambaal ra matimpok am motopot. Ngaangai' no makabansuk ra guang Kuno. Aku, Tuhan, nakaindagu noyo.”

SULABOI 3:23

masalok baguon ra moonong susuab ti, sotopot no Io mampagagaya'!

JOIL 2:13

Polosoon noyo guang min ra matutuk no mampakito ra guang pansagulian, pai' ayuk rilako' bayang.” Saguli' no ra Tuhan i Aki Kapuuno' mino. Io no motogom am napanu' ra asi'; Io no tumaan guang am manugut ra bantu' Nano; Io no magail makatampos mangampun am kalo masaga' mangukum.

JUNUS 4:2

Io pana makiasi' boo, “Iou Tuhan, paat ra aku kalo poyo minugar intor ra baloi kuli ragili, sala' ka kia rinagu ku noyo ra Okou maaru' mambaal ragitio? Ginio noyo sabap ra gumogot aku magiru' mongoi ra Sipanyol! Nakapandai aku no ra Okou i Aki Kapuuno' ondo' motogom kaga' am makaasi', masalok moorot guang, molomoi, am masalok tumampos koson mangulau ra guang saboi kalo mamparatu' ra ukuman.

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

MIKA 7:20

Mampakito Kou ra gagaya' Muno am togom Muno ondo' mantilayun ra ngaangai' ulun Muno, papag ri Abragam am Jakub, koson ondo' binantu' Muli ra kinamatuaan mai ra galing i.

NAGUM 1:3

Tuhan kalo mataki' sumangit, kaa' Io makakuasa', am kalo igondo' Io nampalabus ra ulun ondo' nambaal ra kasalaan intor ra ukuman. Giu' ra intok ugaran ru Tuhan, sumalula' puting beliung am taupan; gaun iono kaau intor ra kalayam Nano.

UNTABAN 12:8

Ginio ra minindagu Aku riso ra mantaluma', sailon toojo am sala' ka misunggait; am nakakito io noyo ra baal Kuno. Kua kia baani kau manggal ri Musa, ulipon Kuno?”

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

ROMA 2:4

Kapoam kalo lioon min i Aki Kapuuno' ondo' mataau kaga', maayo guang am mataan. Napandayan min noyo ra mataau i Aki Kapuuno' no ramuyun sabap ra masaga' Io ra tumalikur kau intor ra tula.

SAGULION 32:3

Mongompor aku ra inggalan ru Tuhan, am ulun Nano mapatanou ra Kinaayo Nano.

SAGULION 4:31

Tuhan i Aki Kapuuno' min iono i Aki Kapuuno' ondo' makaasi'. Kalo mangiruan kapoam mamuso Io ramuyun. Kalo lilianin No nabantuan ondo' binaal Nano galama' ra kinamatuaan min.

SAGULION 5:10

Kaa' pakitonon Ku togom Kuno ra riribu papag ondo' motogom Raki', am ondo' gumagaya' ra ukum Kuno.

JAKUBUS 5:11

Ilo no piawon takau ra ulun makaansuk sabap ra kinataan ru guang nilai i. Norongog min noyo ati kulaan guang pantataan ri Ayup, am nakapandai kano pupus ru inatang ru Tuhan koson riso. Sabap ra Tuhan no maluoi makaasi' am maayo toojo guang.