KAINGKUALAN 34:5 - Tanou Moonsoi Timugon

⁵ Tuun Tuhan ralalom ru gaun; bigor Io am i Musa ra intok raginio am nanabit ra inggalan Nano ondo' matulai, iono Tuhan.

KAINGKUALAN 34:5 ပူးပေါင်းရင်းမြစ်များ

MAZMUR 102:21

koson mangkirongog ra imamang ru ulun rinakop, am mapalabus ra ulun ondo' inukum ra potoyon.

KAINGKUALAN 19:18

Titikop ru Gunung Sinai natikop ra lisun sabap ra timinuun Tuhan ra rasawat no ralalom ru apui. Binuun ru lisun ra makapal no minsawat koson ra lisun ru rapuan, am titikop ru gunung no nogonggon kaga'.

KAINGKUALAN 19:9

Indagu Tuhan ri Musa, “Matong Aku ramuyun ralalom ru gaun makapal maa' raginio makaining ulun ra Aku mindagu rirun; intor raginio masalok ilo boo mangintopot rirun.” Pinasaboi ri Musa taaman ru ulun raginilo ra Tuhan.

KAINGKUALAN 23:21

Iningo' noyo am gagayaa' io. Pai' guor riso sabap ra io no sinusub Kuno. Kalo mangampun io ra guor koson raginio.

KAINGKUALAN 33:19

Taam Tuhan, “Mansail Aku ra ngaangai' Katulayan Kuno ra saang muno, liliwa' mindagu ra inggalan Kuno ondo' matulai, iono Tuhan. Mapakito Aku ra ulun pilion Kuno ra asi' am pakimasian.

KAINGKUALAN 33:9

Makaumpos i Musa, lugu' ru gaun tumuun am muog ra saang ru Kim no, am mindagu Tuhan ri Musa intor ra gaun no.

AMSAL 18:10

Tuhan koson ra manara ondo' mapiot; ra giu' no ulun mabanis guang makitaak ra panindungan.

JISAYA 1:10

Alii ra Jirusalim, tingganai am ulun muno koson boo ra ulun Sodom am Gomora. Rongogo' noyo ragu ru Tuhan no ramuyun. Guango' min pangilaan ri Aki kapuuno' takano.

UNTABAN 11:17

Tumuun Aku am mindagu rirun giu' ra intok raginio, am taakin Ku risilo santayaran intor ra kuasa' ondo' tinaakan Ku noyo rirun. Ra koson raginio, makapangindangan ilo rirun mansaan ra pinalansan ra ulun rati, am kalo boo misangulun kou mansaan raginio.

UNTABAN 11:25

Tuun boo Tuhan ralalom ru gaun am indagu ri Musa. Inalap ru Tuhan santayaran intor ra kuasa' ondo' tinaakan No noyo ri Musa, am pataako' kuasa' no ra tulu' ngoopor ngaulun tingganai no. Paat ra Ambiluo ru Tuhan timinuun ra rasawat nilo, tumalimpuun ilo mampiau koson ra nabi kaa' kalo nabuoi.

UNTABAN 12:5

am tuun boo Tuhan ralalom lugu' ru gaun am bigor giu' ra kulobon ru Kim ru Tuhan, am pampiau, “Arun! Miriam!” Jalai ilo karuo-ruo,

UNTABAN 14:17

Ginio ra, iou Tuhan, raino makitaak Aku, pakitono' noyo kuasa' Muno am baalo' noyo atan ondo' binantu' Muno paat ra Okou mindagu,

SAGULION 32:3

Mongompor aku ra inggalan ru Tuhan, am ulun Nano mapatanou ra Kinaayo Nano.

1 SAMUIL 3:18

Ginio ra nantunung i Samuil ra ngaangai' no. Kalo binuni no atan pana. Kopongo raginio indagu i Ili, “Io noyo Tuhan; polosoon Io no mambaal ra atan ondo' karaan Nano ra moonsoi.”