KAINGKUALAN 34:27 - Tanou Moonsoi Timugon

²⁷ Indagu Tuhan ri Musa, “Tulisi' noyo ragu ragitio, sabap ra mimpuun ra ragu no mambaal Aku ra nabantuan rirun am bansa' ru Israil.”

KAINGKUALAN 34:27 ပူးပေါင်းရင်းမြစ်များ

KAINGKUALAN 17:14

Indagu boo Tuhan ri Musa, “Tulisi' sauk ragitio maa' raginio makara'. Balai' i Josua ra pusoon Ku lingono' ulun ru Amalik.”

KAINGKUALAN 24:4

Kopongo raginio tulisi' ri Musa ngaangai' susuban ru Tuhan. Riminondom ra suabon no, nambaal i Musa ra rondo' altar ra lonson toojo ru gunung no, am patirongo' mopor am ruo batu; moonong batu manguakil ra rondo' ra bansa' ru Israil.

KAINGKUALAN 24:7

Kopongo raginio alapo' ri Musa kitab nabantuan ondo' tinulisan ra susuban ru Tuhan, am ra bolos matangil binasa' no ginio ra ulun raginilo. Konilo, “Gumagaya' akai ra Tuhan am mambaal ra ngaangai' susuban Nano.”

KAINGKUALAN 34:10

Indagu Tuhan ri Musa, “Raino mambaal Aku rondo' nabantuan ra ulun ru Israil. Gino ra saang min, mambaal Aku ra baal mangaayo, ondo' kalo igondo' baalo' ra gino ngai' ru bansa' no ra titikop ru tana' ti. Makito ru ngaangai' bansa' ondo' maalap kabaal ru Aku, Tuhan, sabap ra baalin Ku akau ra baal mangaayo.

SAGULION 31:9

I Musa pana nanulis boo ra Ukum ri Aki Kapuuno' no am taaki' no ra imam-imam Liwi ondo' nanalingapu ra Kaban Nabantuan ru Tuhan am ra tingganai-tingganai ru ulun ru Israil.

SAGULION 4:13

Nambala' Io ramuyun ra atan moonsoi baalon min koson sumugut ra nabantuan ondo' binaal Nano ramuyun; musiti' gagayaan min Mopor Ukum ondo' tinulisan Nano ra ruo batu tulis.