KAINGKUALAN 34:25 - Tanou Moonsoi Timugon

²⁵ “Pai' pataako' ruti' ondo' linatakan ra ragi paat ra akau mapataak ra bibiag koson taak simbalui Raki'. Suwo ru bibiag ra sinimbalui paat ra Pangiantakan Paska kalo buliin saboi ra susuab ru suabon no.

KAINGKUALAN 34:25 ပူးပေါင်းရင်းမြစ်များ

KAINGKUALAN 12:10

Pai' tatango' koborok pana intor ra kual no saboi susuab no, amon makasuwo, solobon kual no saboi makai'.

KAINGKUALAN 12:8

Tampilon ra rondom no, kual ru bibiag no musiti' patunuon am akanon ra sayur mapait am niayuk ruti' kalo latakin ra ragi.

KAINGKUALAN 23:18

“Pai' papataak ra ruti' ondo' linatakan ra ragi paat ra okou mapataak Raki' ra bibiag koson ra taak simbalui. Lomok ru bibiag ondo' pataakon Raki' buoi ru pangiantakan ragitio kalo posoroyon polos ra susuab ru suabon no.

KAINGKUALAN 29:34

Amon ru susuab ti ra suabon no, lakat poyo soroi kual kapoam ruti' ondo' kalo makai' kaakan, akanon no musiti' solobon am kalo maakan sabap ra akanon no mapasau.

IMAMAT 2:11

Taak simbalui koson ra paringkuanangan ondo' pataakon ra Tuhan kalo latakin ra ragi. Pai' noyo lataki' ra ragi kapoam ruu' maningot ralalom ru akanon ondo' pataakon ra Tuhan.

IMAMAT 7:15

Kual no musiti' akanon paat ra orou papataakan ra bibiag no; kalo patatangon sanganu pana saboi ra suabon no.

UNTABAN 9:12

Kalo panatangon io ra suwo ru akanon no saboi ra susuab ru suabon no, am kalo pamandakon io ra rondo' bungul pana intor ra bibiag no. Musiti' io mangiantak ra Paska sumugut ra ngaangai' kaulayan no.

MATIUS 13:33

Nantunung poyo i Jisus risilo ra rondo' abig. “Paat ri Aki Kapuuno' mamarinta, baal no koson ra ragi ondo' inalap ru sangulun ruandu'. Porotoko' no ra apat ngoopor ngakilo ra tapung, am samput boo tapung i.”

SAGULION 16:3

Paat ra akau magakan ra bunsag raginio, pai' pangakan ra ruti' ondo' linatakan ra ragi. Buoi tulu' ngoorou musiti' mangakan ra ruti' ondo' kalo linatakan ra ragi, koson ondo' binaal min ragili paat ra akau nagiru' ra naagou-agou intor ra Misir. Akano' noyo ruti' ondo' kalo linatakan ra ragi – ruti' ondo' sabiton ra ruti' kaimbalaan – maa' raginio buoi ru bayag mino, makara' min orou ra akau nangiruan ra Misir, intok pangimbalaan no.

SAGULION 16:4

Buoi tulu' ngoorou, sangulun pana giu' ra tana' min kalo iowon mambuli ra ragi ralalom ru baloi nano; am kual ru bibiag ondo' sinimbalui paat ra rondom kasaa' no musiti' akanon paat ra rondom raginio niayuk.