KAINGKUALAN 34:24 - Tanou Moonsoi Timugon

²⁴ Mopongo Ku pagiruon bansa'-bansa' intor ra saang min am mapalangka' ra wilayah min, kolondo' sangulun pana makakinam manalingaau ra pagun min paat ra talu pangiantakan no.

KAINGKUALAN 34:24 ပူးပေါင်းရင်းမြစ်များ

KASAUKAN 15:18

Paat raginio niayuk nambaal Tuhan ra bantu' Nano ri Abram. Indagu Tuhan, “Bantu' Kuno ra manaak Aku ra papag muno ra titikop ru tana' ragitio, intor ra balitan ru pagun ru Misir polos ra sungoi Iprat,

KASAUKAN 35:5

Paat ri Jakub am ngaangai' ulun nano mangiruan ra intok no, mamagun ru bandar-bandar ra paginggaar no ngaangai' kinuasa' ru kalaanan, am kalo baani ilo mangilou ri Jakub am ulun nano.

1 RAJA'-RAJA' 5:1

Raja' Giram intor ra Tirus magail rumangan ra Raja' Daut. Ginio ra paat Raja' Giram nokorongog ra Raja' Salomo namarinta minalit ra Raja' Daut ama' nano, nanusub io ra sangulun duta mongoi ra Raja' Salomo.

1 TUNUNG RU BANSA' ISRAIL 4:10

Kaa' nakiasi' i Jabis ri Aki Kapuuno' ru ulun ru Israil, kono, “Iou Aki Kapuuno', barakato' aku no, am anii' aku ra tana' ondo' malangka'. Bayaa' aku no am painggaluro' aku no intor ra kalaatan ondo' mangkinibit ra aku marualan.” I Aki Kapuuno' pana nangiou boo ra kinitaak nano.

2 TUNUNG RU BANSA' ISRAIL 17:10

Tuhan nambaal ra ngaangai' pamarintaan giu' ra liliut ru Jiuda malaa' mangayou ra Raja' Josapat.

AYUP 1:10

Masalok Kou manindung riso am sasambaloi nano am ngaangai' longgom nano. Suguton Mu ngaangai' kandoi piroton nano, am mangani' Kou riso ra masuang bibiag tinambiag saboi namapak ra titikop ru pagun.

MAZMUR 120:1

Rimbai ru ratangan. Bulintok ra aku makakapaganan, mampiau aku ra Tuhan, am iowon No pakiasian kuno.

MAZMUR 78:55

Bulintok ra ulun Nano nakasuku' ininggalaran No namagun no, am tatayaro' no pagun no ra ngaangai' ru bansa' ru Israil, am intok ru pantula' pinataak No ra ulun Nano.

MAZMUR 80:8

Patapulio' akai, iou Aki Kapuuno' Ondo' Maayo Kaga' Kuasa'. Pakaasi' no ramon maa' raginio maayag akai.

KAINGKUALAN 33:2

Mangator Aku rondo' malaikat koson maningganai ramuyun. Pagiruon Ku ulun ru Kanaan, Amori, Git, Piris, Giwi am Jibusi.

KAINGKUALAN 34:11

Gagayaa' noyo ukum ondo' taakin Kuno ramuyun ra orou raiti'. Pagiruon Ku ulun ru Amori, Kanaan, Git, Piris, Giwi am Jibusi paat ra akau mongoi ra giu'.

AMSAL 16:7

Amon ru mangansuk kau ra guang ru Tuhan, ngaangai' pantula' masauk min ra rangan.

IMAMAT 18:24

Pai' jamali' inan mino ra baal raginio. Kon noyo ginio bansa' raginilo ondo' minayan ra pagun Kanaan ra kalo poyo akau, napajamol noyo ra inan nilo. Ginio sabap ra napagiru' Tuhan risilo maa' raginio makaayan kau giu' ra pagun no.

RINALATAN 18:10

sabap ra mabaya' Aku rirun. Kolondo' sangulun pana mampakaruol rirun sabap ra masuang ulun Kuno ra bandar ti.”

SAGULION 12:20

Paat napalangka' Tuhan ra wilayah min koson ondo' binantu' Nano, makaakan kau ra kual ra sasanggilan ayuk akau masaga'.

SAGULION 16:16

“Ngaangai' ungkuyon ru bansa' min musiti' matong koson sumambayang ra Tuhan i Aki Kapuuno' min intalu sambilor, giu' ra rondo' intok sambayangan: paat ra pangiantakan Paska, Pangiantakan ra mangkumos am Pangiantakan Mangkalukub ra Raun. Moonong ungkuyon musiti' magibit ra taak

SAGULION 19:8

Paat Tuhan i Aki Kapuuno' min mapalangka' ra tana' min koson ra binantu' Nano ra kinamatuaan mini, am niayuk manaak ra titikop ra tana' ondo' binantu' Nano ramuyun,

SAGULION 7:1

“Ibiton kau ru Tuhan i Aki Kapuuno' min mongoi ra tana' ondo' ayanin min, am mapagiru' Io ra masuang bansa' intor ra tana' raginio. Paat akau jumalai, mapagiru' Io ra tulu' bansa' ondo' maayo poyo am maikang poyo intor ramuyun: ulun ru Git, Girgasi, Amori, Kanaan, Piris, Giwi am Jibusi.