KAINGKUALAN 34:23 - Tanou Moonsoi Timugon

²³ “Intalu sambilor musiti' ngaangai' ungkuyon matong samba Raki' Tuhan i Aki Kapuuno' ru Israil.

KAINGKUALAN 34:23 ပူးပေါင်းရင်းမြစ်များ

KASAUKAN 32:28

Indagu ulun no, “Inggalan muno sala ka boo i Jakub. Giminabu' kou ri Aki Kapuuno' am ra ulun, am namanang kou. Ginio ra inggalan muno i Israil.”

KASAUKAN 33:20

Giu' no, pambaal io ra rondo' altar am inggalani' no “i Aki Kapuuno' ru Israil noyo i Aki Kapuuno'”.

2 TUNUNG RU BANSA' ISRAIL 8:13

Nampataak io ra taak simbalui koson mapabansuk ra guang ru Tuhan sumugut ra kaulayan ru Ukum ri Musa ra moonong pangiantakan ondo' inaru': orou Sabat, Pangiantakan ra Sila' Bagu, am talu poyo pangiantakan ru kabilaran, iono Pangiantakan ra Ruti' Kalo Linatakan ra Ragi, Pangiantakan Mangkumos am Pangiantakan Mangkalukub ra Raun.

MAZMUR 84:7

Liliwa' nilo minugar ra lampam Baka ondo' napua', lampam raginio pana makataur boo ru timug; rasam lair namanu' ra kulam-kulam nano.

KAINGKUALAN 23:14

“Moonong bilor, baalo' noyo talu pangiantakan koson mangurumat Raki'.

KAINGKUALAN 23:17

Moonong bilor, paat ra talu pangiantakan no, ngaangai' ungkuyon matong musiti' sumambayang Raki', Tuhan i Aki Kapuuno' min.

YEHEZKIEL 46:9

Paat ra mamagun ru bandar matong koson sumambayang ra Tuhan paat ra orou pangiantakan, sumubol ilo mansail ra kulobon garabang ralayo, musiti' mingkual mansail ra kulobon garabang rabugus. Ilo ondo' sumubol mansail ra kulobon garabang rabugus, musiti' mingkual mansail ra kulobon garabang ralayo. Kolondo' osoi pana iowon mingkual mansail ra kulobon ondo' subalan nano, kaa' musiti' io mingkual mansail ra kulobon giu' ra sandaup no.

SAGULION 16:16

“Ngaangai' ungkuyon ru bansa' min musiti' matong koson sumambayang ra Tuhan i Aki Kapuuno' min intalu sambilor, giu' ra rondo' intok sambayangan: paat ra pangiantakan Paska, Pangiantakan ra mangkumos am Pangiantakan Mangkalukub ra Raun. Moonong ungkuyon musiti' magibit ra taak

1 SAMUIL 1:3

Moonong bilor mintor i Ilkana ra Rama am mongoi ra Silo koson sumambayang am mapataak ra taak simbalui ra Tuhan Ondo' Maayo Kaga' Kuasa'. Giu' ra Silo, i Gopni am i Pinigas, iloti anak ri Ili, nasauk ra imam ru Tuhan.