KAINGKUALAN 34:18 - Tanou Moonsoi Timugon

¹⁸ “Iantakon Pangiantakan ra Ruti' Kalo Linatakan ra Ragi. Koson ra nanusuban Kuno ramuyun, pangakan ra ruti' kalo linatakan ra ragi buoi katuluan ra bulan Abib, sabap ra bulan raginio akau nangiruan ra Misir.

KAINGKUALAN 34:18 ပူးပေါင်းရင်းမြစ်များ

IMAMAT 23:6

Paat ra orou koopor am limo, tumalimpuun Pangiantakan ra Ruti' Kalo Linatakan ra Ragi. Buoi katuluan akau kalo makaakan ra ruti' latakin ra ragi.

KAINGKUALAN 13:4

Nangiruan kau ra Misir ra orou raiti', paat ra bulan Abib, iono bulan ra kasaa'.

RINALATAN 12:3

Ilai' ri Irodis maansayan ulun ru Jaudi ra baal raginio, giminaai poyo laat nati am panusub io koson mamparakop ri Pitrus. (Ginio nasauk paat ra Pangiantakan ra Ruti' Kalo Linatakan ra Ragi.)

LUKAS 22:1

Mamaar noyo Pangiantakan ra Ruti' Kalo Linatakan ra Ragi ondo' sabiton ra Paska.

MARKUS 14:1

Pangiantakan ra Ruti' Kalo Linatakan ra Ragi am Pangiantakan ra Paska, karuaan poyo am tumalimpuun. Tingganai imam Jaudi am mangingila' ra Ukum ri Musa maguyum ra ralan koson mamparakop am mamatoi ri Jisus, koson kalo mapandayan ru ulun ra bokon.

KAINGKUALAN 23:15

Ralalom ru bulan Abib, baalo' noyo Pangiantakan Ruti' Kalo Linatakan ra Ragi sumugut ra ralan ondo' nanusuban Kuli, sabap ra ralalom ru bulan raginio akau nangiruan ra Misir. Pai' pangakan ra ruti' ondo' linatakan ra ragi buoi katuluan ru pangiantakan no. Moonong ra akau matong sumambayang Raki', musiti' kau magibit ra taak.

KAINGKUALAN 12:2

“Bulan ragitio masauk ra bulan kasaa' tayar ru bilor ra kalendar min.

KAINGKUALAN 12:42

Rondom raginio nararayus Tuhan nantamung koson magibit risilo mingkual intor ra pagun ru Misir. Rondom raginio pinatimpok toojo ra Tuhan koson sabuoi-buoi no koson ra rondom paat ra musiti' ulun ru Israil mantamung.

UNTABAN 28:16

Pangiantakan Paska ra tayar mangurumat ra Tuhan musiti' paugaron paat ra orou koopor am apat ra sila' kasaa'.

UNTABAN 28:17

Paat ra orou koopor am limo ra sila' raginio, pangiantakan ru ugama patalimpuunon am paugaron buoi tulu' ngoorou. Paat raginio ruti' kalo latakin ra ragi ayuk maakan.

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 23:14

“Moonong bilor, baalo' noyo talu pangiantakan koson mangurumat Raki'.