KAINGKUALAN 34:17 - Tanou Moonsoi Timugon

¹⁷ “Pai' pambaal ra tuhan-tuhan ra bokon intor ra basi', am pai' samba ra tuhan-tuhan ra bokon no.

KAINGKUALAN 34:17 ပူးပေါင်းရင်းမြစ်များ

IMAMAT 19:4

“Pai' samba ra sinungkalalaing. Pai' pambaal ra sinungkalalaing intor ra logam am pai' samba raginio. Aku noyo Tuhan i Aki Kapuuno' min.

KAINGKUALAN 32:8

Siminiang ilo intor ra susuban Kuno. Nambaal ilo ra sinungkalalaing ru sapi' intor ra mas linuu, am sumamba raginio; napataak ilo niayuk ra taak simbalui raginio. Kon nilo ginio noyo tuhan nilo ondo' naningganai risilo miningkual intor ra Misir.

RINALATAN 19:26

Raino nakito min am norongog min noyo galama' atan kia baalon ri Paulus ti. Mindagu io ra atan ayuk sinungkalalaing ondo' baalon ru ulun, ginilo sala' ka Tuhan toojo. Masuang ulun nangintopot riso, sala' ka giti ayuk ra Ipisus ti, kaa' maar makai' pagun Asia ti poyo.

RINALATAN 17:29

Sabap ra itakau anak ri Aki Kapuuno', pai' takau noyo pangkara' ra i Aki Kapuuno' no koson ra sinungkalalaing ondo' binaal ayuk intor ra mas, pirok kapoam batu maya' ra kapandayan ru ulun.

JIRIMIA 10:14

Magilong ra ngaangai' no makaliman ulun ra sasambungon ilo am kolondo' karatian. Ulun ondo' nambaal ra sinungkalalaing makaliman ra papalo ayuk sabap ra sinungkalalaing binaal nilo kalo motopot am kalo maminawo.

KAINGKUALAN 20:4

“Pai' baalo' sinungkalalaing ra tayar min, sinungkalalaing ondo' sumalu ra atan pana ondo' soroi ra limbowon, ra tana' ti kapoam ralalom ru timug ragana' ru tana' ti.

KAINGKUALAN 20:23

Pai' taligama' pambaal ra sinungkalalaing intor ra pirok kapoam mas koson sambaan ra sapapa' Kuno.

SAGULION 5:8

‘Pai' pambaal ra sinungkalalaing tayar rirun, sinungkalalaing ondo' salu ru atan pana ondo' soroi giu' ra limbowon, giti ra tana' ti, kapoam giu' ralalom ru timug ra ragana' ru tana' ti.

SAGULION 27:15

“ ‘Kaulas noyo ulun ondo' mambaal ra sinungkalalaing intor ra batu, tataun, kapoam basi', am sumamba raginio ra sinokon. Masisang Tuhan ra sumamba ra sinungkalalaing.’ “Ngaangai' ulun tumaam ra, ‘Amin!’

TINGGANAI RU BANSA' 17:3

Pinasaguli' ri Mika pirok no ra ina' nano. Kon poyo ru ina' nano, “Maa' raginio okou, anak kuno kalo masulung ra ulas ondo' rinagu ku ragili, pataakon ku pirok ti ra Tuhan. Pirok ti pakayon koson patapison ra sinungkalalaing intor ra tataun. Pasagulion ku rirun pirok no.”

1 RAJA'-RAJA' 14:9

Tula muno maayo poyo intor ra ulun ondo' namarinta nakapagulu intor rirun. Nangimpai kou Raki'. Napatabual kou ra sangit Kuno paat ra okou nambaal ra sinungkalalaing sambaan am sinungkalalaing intor ra basi'.

2 TUNUNG RU BANSA' ISRAIL 28:2

am minaya' ra ralan kaayagan ru raja'-raja' Israil. Nambaal Raja' Agas ra sinungkalalaing Baal intor ra logam.

KAINGKUALAN 23:14

“Moonong bilor, baalo' noyo talu pangiantakan koson mangurumat Raki'.