KAINGKUALAN 34:16 - Tanou Moonsoi Timugon

¹⁶ Anak ungkuyon mino maaru' maguot ra anak ruandu' nilono, ondo' mangkinibit ra anak ungkuyon mino kalo boo gumagaya' Raki', am sumamba ra tuhan ra bokon.

KAINGKUALAN 34:16 ပူးပေါင်းရင်းမြစ်များ

KASAUKAN 24:3

Pagiboton tokou ralalom inggalan ru Tuhan i Aki Kapuuno' ondo' manguasa' ra limbowon am tana' ti, ra kalo tambiliin mu anak ungkuyon kutu ra andu' intor ra ruandu' ru libung Kanaan ti.

1 RAJA'-RAJA' 11:1

Raja' Salomo no malaai ra masuang ruandu' bansa' ru bokon. Suai ra anak ruandu' ru raja' ru Misir no, io niayuk nanangandu' ra ruandu' ru Git, Moab, Amon, Idom am Sidon.

1 RAJA'-RAJA' 21:25

Kolondo' osoi pana ondo' igondo' nambaal ra malaat ra pagilangan ru Tuhan nakasail intor ra Raja' Agab – ngaangai' ru kalaatan no binaal sabap ra nasusuk ru andu' nano i Ijibil.

2 TUNUNG RU BANSA' ISRAIL 21:11

Nambaal piboo Raja' Jigoram ra intok-intok sambaan ra sinungkalalaing giu' ra kagunungan ru Jiuda, am nangkinibit ra mamagun ru Jiuda am Jirusalim makatula ra Tuhan.

IJRA 9:12

Nabi-nabi no nambala' ramon ra kalo iowon akai matagandu' ra mamagun toojo kapoam mangindangan risilo masauk ra langkaya' am makakaansayan. Amon ru gumagaya' akai, masauk akai ra maikang am makasia' ra ampos ru tana' no am niayuk makatungkus ginio ra papag mai ra sabubuoi no.

IJRA 9:2

Ungkuyon ru Jaudi nagandu' ra ruandu' bansa' ra bokon saboi ulun ondo' i Aki Kapuuno' ayuk tatangan no nasabulan. Tingganai-tingganai am pagawai-pagawai nilo noyo ondo' kasaa' toojo nambaal ra baal raginio.

NIGIMIA 10:30

Magibot akai kalo matagandu' ra ulun bansa' ra bokon ondo' minayan ra pagun mai.

NIGIMIA 10:31

Amon ru ulun bansa' ra bokon matong mantalan ra gandum kapoam atan ayuk ramon paat ra orou Sabat, kapoam paat ra orou-orou mapasau ra bokon, kalo balion mai intor risilo. Paat ra moonong bilor katulu', kalo mantanom akai ra umo, am ngaangai' utang pusoon mai.

NIGIMIA 13:23

Paat raginio nakito ku niayuk masuang ungkuyon ru Jaudi ondo' nagandu' noyo ra ruandu' ru bansa' ru Asdod, Amon am Moab.

NIGIMIA 13:25

Nansawai aku ra bala ru ungkuyon no am nagulas risilo. Linamba' ku ilo am namubul ra abuk nilo. Aku pana nanusub boo risilo nagibot ralalom inggalan ri Aki Kapuuno' ra totopot ilo kapoam anak-anak nilo kalo boo magandu' ra ulun bansa' ra bokon.

MAZMUR 106:39

Baalon nilono mapajamol ra inan nilo galama', am kalo gumagaya' ilo ri Aki Kapuuno'.

GOSIA 1:2

Paat ra Tuhan mindagu ra Israil ra kainsaa' ondo' pinabala' galing ri Gosia, indagu Io, “Anduo' sangulun ruandu' ondo' masaga' mantalan ra inan; am anak-anak muno niayuk masauk koson riso. Ulun Kuno mogondo' ra andu' muno; kalo gumagaya' ilo Raki' am nangiruan noyo Raki'.”

IMAMAT 21:15

Amon ru manggal io ra aturan raginio, anak-anak nano ondo' sotopot no matulai, masauk majamol. Aku noyo Tuhan am patimpokon Ku noyo io ra Tingganai Maayo Imam.”

JOSUA 23:12

Amon ru kalo gumagaya' kau, am kumubayau kau ra ngaangai' bansa' ondo' lakat poyo soroi ra tatanga' min, am naguguot kau risilo,

JOSUA 23:13

maaru' Tuhan i Aki Kapuuno' min kalo napagiru' ra bansa'-bansa' raginio paat akau nangayou risilo. Bansa'-bansa' raginio makalalaa' kaga' ramuyun sabap ra masauk ilo koson ra pamalandak kapoam koson pangambi' ramuyun. Mangkinibit ilo niayuk ramuyun maimbolo' kaga' sabap ra masauk ilo koson ra pitol lalapos ra bakulung min, kapoam koson ra ruui ralalom ru mato min. Marayus kau maimbolo' saboi kolondo' sangulun pana mayan ra tana' ragitio ondo' tinaakan ru Tuhan ramuyun.

TINGGANAI RU BANSA' 14:3

Kaa' kon ru matuo ri Simson riso, “Kua kia pampili' kou ra andu' ra gino ngai' ru ulun ru Palistin, kaa' ilo kalo nakasimpung ra ulun ri Aki Kapuuno'? Kalo kia makauyum kou ra sangulun ralaa intor ra bansa' takau galama', kapoam ra gino ngai' ru bansa' takau?” Taam i Simson, “Ralaa ru Palistin raginio kalaayan kuno. Masaga' aku ra tamungin mu io raki'.”

TINGGANAI RU BANSA' 3:5

Ginio sabap ra ulun ru Kanaan, Git, Amori, Piris, Giwi am Jibusi nagulayun mayan giu' ra pagun no nabaya' ra ulun ru Israil.

TINGGANAI RU BANSA' 3:6

Naguot ulun ru Israil ra bansa'-bansa' raginio am maya' niayuk samba ra dewa-dewa nilo.

TINGGANAI RU BANSA' 8:27

Intor ra mas no, nambaal i Gidion ra rondo' sinungkalalaing, am paayano' no giu' ra Opra, intok namagunan nano. Ngaangai' ulun ru Israil minongoi ra giu' no koson sumamba ra sinungkalalaing no, saboi kalo boo sumamba ilo ri Aki Kapuuno'. Baal raginio nasauk ra landak tayar ri Gidion am sasambaloi nano.