KAINGKUALAN 34:15 - Tanou Moonsoi Timugon

¹⁵ Pai' pambaal ra nabantuan ra ulun giu' ra pagun no, sabap ra paat ra ilo sumamba ra tuhan nilono am mapataak ra taak simbalui ra tuhan raginio, mangkimait ilo ramuyun. Maambi' kau mangakan ra akanon pataakon nilo ra tuhan raginio.

KAINGKUALAN 34:15 ပူးပေါင်းရင်းမြစ်များ

TINGGANAI RU BANSA' 2:17

Kaa' kalo lioon ru ulun ru Israil tingganai-tingganai no. Kalo giminagaya' ilo ra Tuhan; siminamba ilo ra tuhan ra bokon. Giminagaya' kinamatuaan nilai ra susuban ru Tuhan, kaa' sukor bagu kalo nambaal koson raginio.

1 KORINTUS 8:4

Ondo' pangkuatan min ra mangakan ra akanon ondo' pinairang ra sinungkalalaing: Makapandai takau raginilo sotopot no binaal ayuk ru ulun, sabap ra kolondo' tuhan ra bokon. Nakapandai takau niayuk ra rorondo' ayuk i Aki Kapuuno', am kolondo' boo bokon.

MAZMUR 106:28

Giu' boo ra Pior, ulun ri Aki Kapuuno' maya' sumamba ra Baal, am mangakan ra taak simbalui ondo' pataakon ra dewa-dewa ondo' kolondo' painawo.

SAGULION 31:16

Indagu Tuhan ri Musa, “Kalo boo mabuoi matoi kou. Mopongo ra ugaran muno, bansa' ru Israil kalo boo gumagaya' Raki'. Lumungkang ilo ra nabantuan ondo' binaal Kuno risilo. Mangiruan ilo Raki' am sumamba ra tuhan-tuhan ondo' sambaan giu' ra tana' ondo' ayanin nilo ra mataki'.

UNTABAN 25:2

Nangkimait ruandu'-ruandu' no risilo minongoi ra bunsag-bunsag ru taak simbalui koson mangurumat ra tuhan nilono. Ulun ru Israil niayuk nangakan ra kual intor ra taak simbalui no am siminamba

1 KORINTUS 10:27

Amon ru piawon kau paakano' ru sangulun ondo' sala' ka Kristian am mongoi kau, akano' ayuk ondo' pasulungon nano ramuyun, kalo pana kuatin galing ati intor ru akanon no, maa' raginio kolondo' kaimamangan ru guang mino.

1 KORINTUS 8:10

Amon ru sangulun malawo pangintapatan no makakito ramuyun ondo' maikang pangintapatan mangakan giu' ra kuil sinungkalalaing, sala' kia ka baal raginio mangkinibit ra ulun no pana mangakan ra akanon ondo' pinampakan no?

1 KORINTUS 8:7

Kaa' sala' ka ngaangai' ulun nakatutun raginio. Mokoondo' niayuk ragili naindalom noyo sumamba ra sinungkalalaing, am saboi raino lakat ayuk poyo mangkara' ra makatula ilo amon ru mangakan ra akanon ondo' pinampakan ra sinungkalalaing. Pangkaraan nilo makatula ilo sabap ra pangintapatan nilo malawo.

JIRIMIA 3:9

am kalo toojo mauyu'. Jinaka' no pagun am nansawa' sabap ra sumamba ra batu am puun tataun.

IMAMAT 17:7

Musiti' ulun ru Israil magulayun gumagaya' ra Tuhan, am kalo manimbalui ra bibiag nilo giu' ra tana' malimparang ra tayar ru taak ra riwato-riwato ondo' sumalu ra kambing. Musiti' aturan ragitio gagayaan ru ulun ru Israil ra sabuoi-buoi no.

KAINGKUALAN 34:12

Pai' pambaal ra nabantuan ra ulun giu' ra pagun ayanan mino, sabap ra baal raginio masauk ra pamalandak ondo' mangkinibit ra kapusaan min.

PINAINTALANG 2:20

Kaa' mokoondo' kalo kaansayan Kuno ramuyun: Mompoloso kau ri Ijabil, ruandu' no ondo' migiangku ra nabi. Mansail ra pangilaan nano mampakalayau io ra ulipon-ulipon Kuno koson mansasawa' am mangakan ra akanon ondo' pinataak ra sinungkalalaing.

GOSIA 9:1

Akau ulun ru Israil, longgo' kano mangiantak ra pangiantakan koson ra bansa'-bansa' ra bokon. Iniruanan min noyo i Aki Kapuuno' min am kalo giminagaya' Riso. Giu' ra moonong intok pangagikan ra gandum, tinalan min inan koson ra ulun mantalan ra inan ra Dewa Baal. Masaga' kau mangapu ra gandum ondo' karaan min koson ra gaji' ru dewa no ramuyun.

GOSIA 4:12

Nakitulu' ilo intor ra rondo' tataun. Rondo' jujuga' nambala' risilo ra atan ondo' gumogot ilo makapandai. Nangiruan ilo Raki'. Koson ra sangulun ruandu' ondo' nasauk ra ruandu' mantalan ra inan, timinaak ilo ra inan ra tuhan-tuhan ra bokon.

MAZMUR 73:27

Ulun ondo' manatang Rirun maaru' io no mapuso, pusoon Mu ilo ondo' kalo gumagaya' Rirun.

IJRA 6:9

Moonong orou, imam-imam ondo' soroi giu' ra Jirusalim musiti' aniin ra atan ayuk ondo' makapakuan ilo: koson ra sapi' gawayan mamulok, domba gawayan kapoam anak domba koson ra taak simbalui pataakon ri Aki Kapuuno' panguasa' giu' ra suruga', kapoam gandum, usi', wain am umau jaitun.

SAGULION 7:2

Paat Tuhan i Aki Kapuuno' min napataak ra bansa'-bansa' ragitio ramuyun am kalaan min ilo, akau musiti' mamatoi risilo ngaangai'. Pai' pakimabantu' risilo, am pai' pakaasi' risilo.

UNTABAN 15:39

Rumbai-rumbai no, masauk ra pangkaraan, maa' raginio moonong min makito ginio, makara' min ngaangai' susuban Kuno am gumagaya' raginio. Ginio ra kalo mangiruan kau Raki' koson gumagaya' ra kasaga' am gogot ru guang min galama'.

KAINGKUALAN 34:10

Indagu Tuhan ri Musa, “Raino mambaal Aku rondo' nabantuan ra ulun ru Israil. Gino ra saang min, mambaal Aku ra baal mangaayo, ondo' kalo igondo' baalo' ra gino ngai' ru bansa' no ra titikop ru tana' ti. Makito ru ngaangai' bansa' ondo' maalap kabaal ru Aku, Tuhan, sabap ra baalin Ku akau ra baal mangaayo.

KAINGKUALAN 23:32

Pai' pambaal ra nabantuan risilo kapoam tuhan-tuhan nilono.

RINALATAN 15:20

Kaa' tulisin takau ayuk ilo ra surat, koson kalo mangakan ilo ondo' majamol maya' ra kaulayan ru ugama, ioginio; akanon ondo' pinasulung ra sinungkalalaing, mangakan ra kual bibiag ondo' pinatoi sikako' kapoam mangakan ra raraa'; am niayuk minggalur intor ra baal pansasawaan.

KAINGKUALAN 22:20

“Osoi mapataak ra taak simbalui ra tuhan-tuhan ra bokon, ondo' ak am Aku, Tuhan, musiti' ulun no ukumin ra matoi.

KAINGKUALAN 32:8

Siminiang ilo intor ra susuban Kuno. Nambaal ilo ra sinungkalalaing ru sapi' intor ra mas linuu, am sumamba raginio; napataak ilo niayuk ra taak simbalui raginio. Kon nilo ginio noyo tuhan nilo ondo' naningganai risilo miningkual intor ra Misir.

UNTABAN 25:1

Paat ra ulun ru Israil nangkim giu' ra Limayak Sitim, bala ru ungkuyon nilono tumalimpuun makimarulug ra ruandu' ru Moab ondo' minayan ra giu' no.

SAGULION 7:3

Pai' paguot risilo, am pai' polosoo' anak-anak min maguot risilo,

SAGULION 32:37

Tuhan pana nangkuot boo ra ulun Nano, ‘Ati kia tuhan-tuhan ra mangapanggol ondo' inintopot mini?

SAGULION 32:38

Napataak kau ra wain am taak simbalui ra moonsoi kaga' risilo, nanaak kau risilo manginum ra wain. Raino polosoo' noyo ilo mangindangan ramuyun, polosoo' noyo ilo mamayag ramuyun.

JOSUA 23:12

Amon ru kalo gumagaya' kau, am kumubayau kau ra ngaangai' bansa' ondo' lakat poyo soroi ra tatanga' min, am naguguot kau risilo,

TINGGANAI RU BANSA' 3:6

Naguot ulun ru Israil ra bansa'-bansa' raginio am maya' niayuk samba ra dewa-dewa nilo.

1 TUNUNG RU BANSA' ISRAIL 5:25

Ulun ru Israil kalo giminagaya' ri Aki Kapuuno' ondo' sinamba ru kinamatuaan nilai. Iniruanan nilo Io am siminamba ra dewa-dewa ondo' sinamba ru bansa'-bansa' ondo' pinagiru' ri Aki Kapuuno' intor ra tana' raginio.

IJRA 9:12

Nabi-nabi no nambala' ramon ra kalo iowon akai matagandu' ra mamagun toojo kapoam mangindangan risilo masauk ra langkaya' am makakaansayan. Amon ru gumagaya' akai, masauk akai ra maikang am makasia' ra ampos ru tana' no am niayuk makatungkus ginio ra papag mai ra sabubuoi no.

KAINGKUALAN 22:19

“Potoyo' moonong ulun ondo' makimampaa' ra bibiag.

SAGULION 31:18

Paat raginio kalo boo masaga' Aku mangindangan risilo, sabap nambaal ilo noyo ra malaat am siminamba ra tuhan-tuhan ra bokon.