KAINGKUALAN 34:13 - Tanou Moonsoi Timugon

¹³ Lunsayo' noyo altar nilono; umoko' lugu'-lugu' karamat nilo am tagaro' tatandu' Asyira, sinungkalalaing nilo.

KAINGKUALAN 34:13 ပူးပေါင်းရင်းမြစ်များ

1 RAJA'-RAJA' 14:15

Ukumin ru Tuhan ulun ru Israil saboi ra ilo sauyog-uyog koson ra galaga giu' ra ralalom ru timug. Bubulon ru Tuhan ulun ru Israil intor ra tana' ondo' moonsoi ti, ondo' tinaakan No ra kinamatuaan nilai. Pantabuliason No ilo giu' ra sandaup ru Sungoi Iprat, sabap ra napatabual ilo ra sangit Nano paat ra ilo nambaal ra sinungkalalaing Dewi Asyira.

2 RAJA'-RAJA' 10:27

Ilo pana namuut ra lugu' sambaan am kuil, am sauko' nilo kuil no ra jamban saboi ra orou raiti'.

2 RAJA'-RAJA' 18:4

Linunsai no intok-intok sambaan ra sinungkalalaing, nomopol ra lugu'-lugu' batu, am nampalunsai ra sinungkalalaing Dewi Asyira. Io niayuk nangumok ra kukuo gangsa' ondo' binaal ri Musa ragili, ondo' nauligan ra Nigustan, sabap ra saboi paat raginio ulun ru Israil lakat poyo monolob ra kaminyan koson mangurumat ra kukuo gangsa' no.

2 RAJA'-RAJA' 23:14

Nomopol Raja' Josia ra tatandu' ondo' timpokon ra Dewi Asyira, am nangumok ra lugu'-lugu' batu, am namumpun ra tana' no ra bungul-bungul ru ulun.

2 TUNUNG RU BANSA' ISRAIL 14:3

Pinatiran ru Raja' Asa altar-altar ru bansa' ra bokon am intok-intok sambaan ra sinungkalalaing. Ginaba' no lugu'-lugu' sinungkalalaing am batu-batu pangkaraan ru Dewi Asyira.

2 TUNUNG RU BANSA' ISRAIL 15:16

Raja' Asa nampatuun ra intok ru aru' nano, i Maakga koson ra ina' ru raja' ruandu', sabap ra nambaal io ra rondo' sinungkalalaing majamol koson ra Dewi Asyira, dewi kalabungan. Ginaba' ru Raja' Asa sinungkalalaing no, tinotok no, am sinolob no giu' ra Limayak Kidron.

2 TUNUNG RU BANSA' ISRAIL 17:6

Minikang guang ru Raja' Josapat sabap ra nangandoi ayuk ra Tuhan; pinuso no ngaangai' intok sambaan ra sinungkalalaing am tatandu'-tatandu' ru Dewi Asyira giu' ra Jiuda.

2 TUNUNG RU BANSA' ISRAIL 24:18

Ginio ra mamagun kalo boo sumambayang giu' ra Baloi ru Tuhan, i Aki Kapuuno' ru kinamatuaan nilo. Tumalimpuun ilo boo sumamba ra sinungkalalaing am sinungkalalaing ru Dewi Asyira. Tula nilono nangkinibit ra Tuhan siminangit ra Jiuda am Jirusalim.

2 TUNUNG RU BANSA' ISRAIL 31:1

Kopongo noyo pangiantakan no, ngaangai' ulun ru Israil minongoi ra moonong bandar giu' ra Jiuda. Pinuso nilo batu-batu pangkaraan sinungkalalaing am tatandu'-tatandu' ondo' patimpokon ra Dewi Asyira. Linunsai nilo altar-altar am intok-intok sambaan ra sinungkalalaing. Binaal nilo baal ra nogondo' giu' ra intok-intok ra bokon giu' ra Jiuda, am giu' ra wilayah Binjamin, Ipraim am niayuk Manasi. Kopongo raginio ilo ngaangai' minuli' ra intok ru sigagama'.

2 TUNUNG RU BANSA' ISRAIL 33:19

Pakiasian ru raja' am taaman ri Aki Kapuuno' ra pakiasian no, tula ru raja' ra io kalo poyo timinalikur intor ra tula, binaal nano ondo' malaat, intok sambaan ra sinungkalalaing am tatandu'-tatandu' ru Dewi Asyira ondo' binaal nano, am niayuk sinungkalalaing ondo' sinamba nano, tinulisan giu' ra ralalom ru kitab Sejarah Nabi-Nabi.

KAINGKUALAN 23:24

Pai' samba ra tuhan-tuhan nilono. Pai' tiluo' ralan nilo sumambayang. Pusoo' noyo tuhan-tuhan nilono am pandako' lugu'-lugu' batu ondo' alapon nilo sumambayang.

JISAYA 17:8

Kalo boo lumansan ilo ra altar-altar binaal nilo galama', kapoam lumansan ra kandoi ru kalindu' nilo galama', ioginio sinungkalalaing Dewi Asyira am altar-altar panalaban ra kaminyan.

JISAYA 27:9

Tula ru Israil maalap kaampun amon ru batu ru altar ru dewa-dewa tutukon saboi koson ra kapur, am kolondo' boo altar panalaban ra kaminyan, am kolondo' boo tatandu'-tatandu' ru Dewi Asyira.

JIRIMIA 17:2

Bansa' mino sumamba ra sinungkalalaing giu' ra altar-altar am lugu'-lugu' mokoondo' ra sinungkalalaing ondo' pinatirong koson ri Dewi Asyira giu' ra saau ru moonong puun tataun masansam, giu' ra tampak-tampak ru bulur,

MIKA 5:14

Ralalom ru sangit Kuno ondo' najanjayan mansuli' Aku ra kalaatan ru ngaangai' bansa' ondo' kalo gumagaya' Raki'.”

UNTABAN 33:52

pagiruo' noyo ngaangai' mamagun ru tana' no. Pusoon noyo ngaangai' sinungkalalaing nilo ondo' binaal intor ra batu am basi'; pusoon noyo intok-intok sambayangan nilo.

SAGULION 16:21

“Paat ra akau mambaal ra altar tayar ru Tuhan i Aki Kapuuno' min, pai' potolorogo' lugu' tataun ondo' nasauk ra tatandu' ru Dewi Asyira ra sapapa' ru altar no.

SAGULION 16:22

Pai' tirongo' lugu' batu tayar ru sumamba ra sinungkalalaing giu' ra intok raginio. Masisang Tuhan i Aki Kapuuno' min ra baal raginio.”

SAGULION 7:5

Ginio ra puuto' min altar ru bansa'-bansa' raginio, popolo' min lugu' batu karamat, tuntuaro' noyo tatandu' ru Dewi Asyira am solobo' sinungkalalaing nilono.

TINGGANAI RU BANSA' 2:2

Ginio ra kalo pambaalon kau ra nabantuan ra atan pana ra mamagun ru pagun no. Musiti' puuton min altar nilono.’ Kaa' kalo binaal min atan ondo' nanusuban Kuno. Binaal min poyo ondo' suai raginio!

TINGGANAI RU BANSA' 6:25

Paat rondom raginio indagu Tuhan ri Gidion, “Alap ra sanginan sapi' gawayan ru ama' muno, iono sapi' gawayan ondo' moonsoi kaga' ondo' umur no tulu' ngambilor. Lunsayo' noyo altar ondo' binaal ru ama' muno tayar ru Baal, am gabaa' noyo lugu' ru tatandu' ru Dewi Asyira ondo' giu' ra sapapa' ru altar no.

TINGGANAI RU BANSA' 6:26

Baalo' noyo rondo' altar ondo' batu no pinatampas ra matanda' giu' ra rasawat ru tinuntur no; altar no tayar ru Tuhan i Aki Kapuuno' muno. Alapo' boo sapi' no am solobon ngaangai' no koson ra taak simbalui. Alapo' ra luton lugu' tatandu' ru Dewi Asyira ondo' ginaba' muno.”