KAINGKUALAN 34:12 - Tanou Moonsoi Timugon

¹² Pai' pambaal ra nabantuan ra ulun giu' ra pagun ayanan mino, sabap ra baal raginio masauk ra pamalandak ondo' mangkinibit ra kapusaan min.

KAINGKUALAN 34:12 ပူးပေါင်းရင်းမြစ်များ

SAGULION 7:2

Paat Tuhan i Aki Kapuuno' min napataak ra bansa'-bansa' ragitio ramuyun am kalaan min ilo, akau musiti' mamatoi risilo ngaangai'. Pai' pakimabantu' risilo, am pai' pakaasi' risilo.

SAGULION 7:16

Pusoo' noyo ngaangai' bansa' ondo' pataakon ru Tuhan i Aki Kapuuno' min ralalom ru kuasa' min, am pai' pakaasi' risilo. Pai' samba ra tuhan-tuhan nilo, sabap binaal raginio makaratong ra karaat.

MAZMUR 106:36

Ulun ri Aki Kapuuno' sumamba ra sinungkalalaing, am ginio mangkinibit risilo ra kapusaan.

TINGGANAI RU BANSA' 8:27

Intor ra mas no, nambaal i Gidion ra rondo' sinungkalalaing, am paayano' no giu' ra Opra, intok namagunan nano. Ngaangai' ulun ru Israil minongoi ra giu' no koson sumamba ra sinungkalalaing no, saboi kalo boo sumamba ilo ri Aki Kapuuno'. Baal raginio nasauk ra landak tayar ri Gidion am sasambaloi nano.

SAGULION 20:18

Potoyo' noyo ilo, maa' raginio kalo mangkinibit ilo ramuyun makatula ra Tuhan i Aki Kapuuno' min, am mangila' ramuyun mambaal ra jajajou ondo' binaal nilo paat sumamba ra tuhan-tuhan nilo.

1 RAJA'-RAJA' 11:2

Lakat niayuk Raja' Salomo nanangandu' risilo kabalu' pana Tuhan nanginggalar ra ulun ru Israil matagandu' ra bansa'-bansa' raginio, sabap ra ilo mangkinibit ra ulun ru Israil sumamba ra tuhan-tuhan ra bokon.

2 RAJA'-RAJA' 17:10

Giu' ra ngaangai' bulur am giu' ra saau ru moonong puun tataun, nambaal ilo ra lugu'-lugu' batu am sinungkalalaing Dewi Asyira.

2 TUNUNG RU BANSA' ISRAIL 24:18

Ginio ra mamagun kalo boo sumambayang giu' ra Baloi ru Tuhan, i Aki Kapuuno' ru kinamatuaan nilo. Tumalimpuun ilo boo sumamba ra sinungkalalaing am sinungkalalaing ru Dewi Asyira. Tula nilono nangkinibit ra Tuhan siminangit ra Jiuda am Jirusalim.

UNTABAN 33:52

pagiruo' noyo ngaangai' mamagun ru tana' no. Pusoon noyo ngaangai' sinungkalalaing nilo ondo' binaal intor ra batu am basi'; pusoon noyo intok-intok sambayangan nilo.

SAGULION 31:5

Tuhan manaak ramuyun ra kamanangan intor risilo. Pamakuan min risilo musiti' no motopot koson ra rinagu ku noyo ramuyun.

JOSUA 9:7

Kaa' indagu ulun ru Israil, “Kua pambaal akai ra nabantuan ramuyun? Maaru' lair ru minayan kau ra mamaar ti!”

TINGGANAI RU BANSA' 6:10

Nambala' Aku ramuyun ra Aku noyo Tuhan i Aki Kapuuno' min, am ra akau kalo iowon sumamba ra dewa ru ulun ru Amori, ondo' pagun nilo inayanan min raino. Kaa' kalo ginagaya' min ragu Kuno.’ ”