KAINGKUALAN 34:11 - Tanou Moonsoi Timugon

¹¹ Gagayaa' noyo ukum ondo' taakin Kuno ramuyun ra orou raiti'. Pagiruon Ku ulun ru Amori, Kanaan, Git, Piris, Giwi am Jibusi paat ra akau mongoi ra giu'.

KAINGKUALAN 34:11 ပူးပေါင်းရင်းမြစ်များ

1 TUNUNG RU BANSA' ISRAIL 1:14

I Kanaan niayuk kinamatuaan ru ulun ru Jibusi, Amori, Girgasi,

NIGIMIA 13:23

Paat raginio nakito ku niayuk masuang ungkuyon ru Jaudi ondo' nagandu' noyo ra ruandu' ru bansa' ru Asdod, Amon am Moab.

KAINGKUALAN 23:28

Jojowon Ku pantula' paat ra akau jumalai; pagiruon Ku ulun ru Giwi, Kanaan am Git.

KAINGKUALAN 3:17

Napatas Ku noyo magibit risilo mingkual intor ra Misir, intok ilo inimbolo', am magibit risilo mongoi ra rondo' tana' ondo' langkaya' am malabung, iono pagun ru ulun ru Kanaan, Git, Amori, Piris, Giwi am Jibusi.

KAINGKUALAN 3:8

Ginio ra tumuun Aku mongoi pampalabus risilo intor ra ulun ru Misir, am magibit risilo mingkual intor ra pagun no am mongoi ra rondo' pagun ondo' mapila', langkaya' am malabung. Paat ragitio pagun no inayanan ru ulun ru Kanaan, Git, Amori, Piris, Giwi am Jibusi.

KAINGKUALAN 33:2

Mangator Aku rondo' malaikat koson maningganai ramuyun. Pagiruon Ku ulun ru Kanaan, Amori, Git, Piris, Giwi am Jibusi.

KAINGKUALAN 8:27

Musiti' akai mongoi ra tana' kaagisan galur no talu ngoorou pangkiralanan koson mapataak ra taak simbalui ra Tuhan i Aki Kapuuno' mai, koson ra nanusuban Nali.”

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

JUANIS 14:21

Osoi ayuk mangapu am sumugut ra pansusuban Kuno, io no ondo' motogom Raki'. Am osoi ayuk motogom Raki' tagamin io ru Ama' Kuno, am Aku pana motogom riso am paintalangon Ku riso osoi Aku sotopot no.”

SAGULION 12:28

Ngaangai' baal ondo' nanusuban ku noyo ramuyun musiti' gagayaan ra matanda'. Ginio ra akau am papag min makakaansayan ra sabuoi-buoi no, sabap ra mambaal kau ra atan ondo' motopot am mapabansuk ra Tuhan i Aki Kapuuno' min.”

SAGULION 12:32

Baalo' noyo ngaangai' ondo' nanusuban ku noyo ramuyun; pai' ruangi' kapoam irurui' atan-atan ra susuban raginio.

SAGULION 28:1

“Amon ru gumagaya' kau ra Tuhan i Aki Kapuuno' min, am totopot mambaal ra ngaangai' panusuban Nano ondo' taakin kuno ramuyun ra orou raiti', am Io pana mapasauk ramuyun ra bansa' ondo' mauligan kaga' ra tana'.

SAGULION 33:27

I Aki Kapuuno' ondo' mantilayun masauk ra mangampin ramuyun, am kalindu' Nano manungka' ramuyun. Paat ra akau jumalai, napagiru' Io ra pantula' min, am nanusub ramuyun mamuso risilo ngaangai'.

SAGULION 4:40

Gagayaa' noyo ngaangai' ukum Nano ondo' pinataak kuno ramuyun ra orou raiti', akau am papag min pana makakaansayan. Magulayun kau mayan ra tana' ondo' tinaakan ramuyun ru Tuhan i Aki Kapuuno' min koson masauk ra longgom min ra sabubuoi no.”

SAGULION 5:32

“Akau ulun ru Israil, tutuno' ra baalon min ngaangai' ondo' nanusuban ru Tuhan i Aki Kapuuno' min. Pai' anggal ra rondo' pana ukum Nano.

SAGULION 6:25

Amon ru gumagaya' takau ra ngaangai' ondo' nanusuban ri Aki Kapuuno' ritakau, am maansayan Io ritakau.’ ”

SAGULION 6:3

Rongogo' noyo am gagayaa' noyo ukum-ukum raginio, ulun ru Israil kau ngai'! Koson raginio ra akau makakaansayan am masauk ra bansa' ondo' maikang, am niayuk mayan giu' ra tana' ondo' langkaya' am malabung no, koson ra ondo' binantu' noyo ru Tuhan i Aki Kapuuno' ru kinamatuaan takau.

SAGULION 7:19

Karaa' noyo karaat makalalaa' ondo' nakito min ra mato galama', kaimuagan am tatandu', am niayuk kuasa' maayo am kinapanggol ondo' pinakai ru Tuhan i Aki Kapuuno' min koson mapalabus ramuyun. Koson ra Io namuso ra ulun ru Misir ra galing i, koson niayuk raginio io mamuso ra ngaangai' bansa' ondo' kalaanin min raino.

JOSUA 23:5

Tuhan i Aki Kapuuno' min mangkinibit risilo lumugut am magiru' intor ramuyun paat aku mangayou risilo. Maalap min tana' nilo koson ondo' binantu' ru Tuhan i Aki Kapuuno' min.