KAINGKUALAN 33:13 - Tanou Moonsoi Timugon

¹³ Amon ru topot ginio, pambala' ra inatangan Muno maa' raginio makapangandoi aku Rirun am magulayun mapabansuk ra guang Muno. Karaa' niayuk ra Okou nampili' ra ulun ragitilo masauk ra Okou galama' tatangan.”

KAINGKUALAN 33:13 ပူးပေါင်းရင်းမြစ်များ

2 SAMUIL 15:25

Kopongo raginio kon ru raja' no ri Jadok, “Pasagulio' Kaban Nabantuan no ra bandar. Amon ru maansayan Tuhan no raki', maaru' mangiou io raki' saguli' am makakito ra Kaban Nabantuan no poyo, am niayuk intok ru Kaban Nabantuan no binulian.

MAZMUR 103:7

Pabalaan No inatang Nano ri Musa, am binaal Nano ra bansa' ru Israil.

MAZMUR 119:33

Iou Tuhan, paratio' aku ra ukum Muno, maa' raginio masalok ku kagagaya'.

MAZMUR 25:4

Ilaa' aku no ra atan kasagaan Muno, iou Tuhan, pabalaa' noyo atan kia sotopot no baalon kuno.

MAZMUR 27:11

Ilaa' aku ra kasagaan Muno, iou Tuhan, am kitango' aku no ra ralan matanda', sabap ra pantula' kuno masuang kaga'.

MAZMUR 51:13

Pai' aku inggalari' ra ratangan Muno; pai' alapo' Ambiluo Matulai Muno intor raki'.

MAZMUR 86:11

Ilaa' aku ra kasagaan Muno, iou Tuhan, am suguton ku am gagayaan ku; ilaa' aku ra mangurumat toojo Rirun.

KAINGKUALAN 3:10

Raino manusub Aku rirun mongoi uma' ra raja' ru Misir maa' raginio matingganai mu ulun Kuno mingkual intor ra pagun ru raja' no.”

KAINGKUALAN 3:7

Indagu boo Tuhan, “Nakito Ku noyo kaimbalaan ru bansa' Kuno giu' ra Misir. Naining Ku noyo ilo naguros makilabus intor ra ulun-ulun nangulipon no. Sotopot no nakatutun Aku noyo ra ngaangai' kaimbalaan nilo.

KAINGKUALAN 32:12

Amon ru pusoon Mu ilo, mindagu boo ulun ru Misir ra inibit Mu ilo miningkual intor ra Misir koson mamatoi risilo giu' ra kagunungan am mamuso lingon risilo. Pai' boo sangit, kulawo' ginuang Muno am pai' palumpaa' karaat ti ra ulun Muno.

KAINGKUALAN 32:14

Ginio ra kulawo' ru Tuhan ginuang Nano am kalo sinugut No inatang ra karaat koson palumpaan ra ulun Nano.

KAINGKUALAN 32:7

Indagu Tuhan ri Musa, “Kataki' noyo tuun sabap ra ulun muno ondo' tiningganai muno miningkual intor ra Misir nambaal ra tula am nangimpai Raki'.

KAINGKUALAN 34:9

Kono, “Tuhan, amon ru totopot Kou maansayan raki', kitaakon Tokou maya' ramon. Bambalingatan ulun ragitilo, kaa' ampuno' noyo kalaatan am niayuk tula mai, am apuo' akai koson ra ulun Muno galama'.”

KAINGKUALAN 5:1

Ongoi boo tuum i Musa am i Arun ra raja' ru Misir am indagu, “Koson ragitio ragu ru Tuhan i Aki Kapuuno' ru ulun ru Israil, ‘Paugaro' noyo ulun Kuno maa' raginio makasambayang ilo Raki' giu' ra tana' kaagisan.’ ”

JISAYA 30:21

Amon lumisang kau ra pamiris kapoam kait, morongog min bolos Nano giu' ra talikuron mino mindagu, “Gitio noyo ralan ti, baya' kano ra ralan ragitio!”

JISAYA 63:17

Kaa' ragino kua polosoo' Mu akai makalayau? Kua polosoo' Mu akai bambalingatan saboi akai kalo malaa' Rirun? Saguli' no ramon, sabap risilo ondo' mangandoi Rirun, am sabap risilo ondo' masalok masauk ra longgom Muno.

JISAYA 63:19

am pamakuan Muno ramon koson ra kalo igondo' Kou nanguasa' ramon, am koson ra kalo igondo' akai kasauk ra ulun Muno.

JOIL 2:17

Imam-imam ondo' mangandoi ayuk ra Tuhan giu' ra lolot ru altar am langgar ra tingganai Baloi ru Tuhan, musiti' mantangi' am makiasi' koson ragitio, “Pakaasi' no ra ulun Muno, iou Tuhan. Pai' polosoo' bansa' ra bokon magasab am mangiis ramon am mindagu, ‘Ati kia i Aki Kapuuno' min?’ ”

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

ROMA 11:28

Intor ra ulun ru Israil kalo nangapu ra Tanou Moonsoi, pantula' ilo ri Aki Kapuuno', am ginio nai ra akau ulun sala' ka Jaudi makakaluagan. Kaa' maya' ra pampilian Nano, ulun ru Israil magulayun tagamin ri Aki Kapuuno' sabap ra ondo' binantu' ra kinamatuaan nilai.

IPISUS 1:17

Makiasi' aku ri Aki Kapuuno', Ama' ra kolondo' pogondo', ioginio Ama' ru Tuhan takau i Jisus Kristus, maa' raginio mangani' ramuyun ra Ambiluo Nano. Io no mampasauk ramuyun mapintar am niayuk paintalangon No ramuyun osoi Io koson totopot kau makaulig Riso.

SAGULION 9:26

Aku pana nakiasi' Riso, ‘Iou Tuhan Raja', pai' pusoo' ulun Muno, ondo' binayag Mu noyo am inibit miningkual intor ra Misir ra kaikangan am kuasa' Muno ondo' maayo.

SAGULION 9:29

Sala' ka kia ilo ti ulun ondo' pinili' Muno masauk ra ulun Muno galama'? Ilo noyo ondo' inibit Muno miningkual intor ra Misir ra kuasa' am kaikangan Muno ondo' maayo.’ ”

KOLOSI 1:10

Kon raginio boo ra maayag kau sumugut ra kasagaan Nano am makapapabansuk ra guang Nano, ioginio kaayagan min magibit ra nansalinut baal moonsoi am mulu' poyo makaintutun kau ri Aki Kapuuno'.

2 PITRUS 3:18

Kaa' pai' min noyo labusi' togom tinaakan ri Jisus Kristus, Tuhan am Mamamayag takau, am pakaulig poyo toojo Riso. Gama' ru omporon Io raino am ra sabuoi-buoi no. Amin.