KAINGKUALAN 33:12 - Tanou Moonsoi Timugon

¹² Indagu i Musa ra Tuhan, “Topot ra nanusub Kou raki' maningganai ra ulun ragitilo mongoi ra tana' ondo' binantu' Muno, kaa' kalo nambala' Kou raki' ra osoi susubon Muno maya' raki'. Minindagu Kou ra makaulig Kou raki' ra matanda' am niayuk maansayan raki'.

KAINGKUALAN 33:12 ပူးပေါင်းရင်းမြစ်များ

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

2 SAMUIL 15:25

Kopongo raginio kon ru raja' no ri Jadok, “Pasagulio' Kaban Nabantuan no ra bandar. Amon ru maansayan Tuhan no raki', maaru' mangiou io raki' saguli' am makakito ra Kaban Nabantuan no poyo, am niayuk intok ru Kaban Nabantuan no binulian.

MAZMUR 1:6

Ulun ondo' gumagaya' ilaan am ampinin ru Tuhan kaa' ulun ondo' malaat makarapog kapaganan maaja'.

KAINGKUALAN 3:10

Raino manusub Aku rirun mongoi uma' ra raja' ru Misir maa' raginio matingganai mu ulun Kuno mingkual intor ra pagun ru raja' no.”

KAINGKUALAN 3:4

Paat ra nakito ru Tuhan ra minggaar i Musa, pampiau Io riso intor ra tanga' ru bulungkut no, “Musa! Musa!” Taam i Musa, “Iou, giti aku.”

KAINGKUALAN 32:34

Ugar no raino am ibito' ulun raginilo mongoi ra intok ondo' sinabit Ku noyo rirun. Karaa', maningganai malaikat Kuno rirun, kaa' masaboi paat no ra mangukum Aku ra ulun ragitilo sabap ra tula nilo.”

KAINGKUALAN 33:1

Indagu Tuhan ri Musa, “Iruani' noyo intok ragitio mabaya' ra ulun raginilo ondo' inibit muno miningkual intor ra Misir, am ongoi noyo ra tana' ondo' binantu' Kuli ri Abragam, Isak, Jakub am papag nilo.

KAINGKUALAN 33:17

Indagu Tuhan ri Musa, “Baalon Ku koson ra kitaak muno, sabap ra mauligan Tokou ra matanda' am maansayan Aku rirun.”

KAINGKUALAN 33:2

Mangator Aku rondo' malaikat koson maningganai ramuyun. Pagiruon Ku ulun ru Kanaan, Amori, Git, Piris, Giwi am Jibusi.

KAINGKUALAN 34:9

Kono, “Tuhan, amon ru totopot Kou maansayan raki', kitaakon Tokou maya' ramon. Bambalingatan ulun ragitilo, kaa' ampuno' noyo kalaatan am niayuk tula mai, am apuo' akai koson ra ulun Muno galama'.”

JISAYA 43:1

Akau Israil, ginio noyo ragu ru Tuhan ondo' namangun ramuyun, “Pai' kano kalaa'! Bayagon Takamin. Piniau Takamin ra inggalan mino, akau longgom Kuno.

JISAYA 45:3

Aniin Tokou ra kalangkayaan intor ra intok-intok ondo' molondom am nakasibuni; bagu no makapandai kou ra Aku noyo Tuhan, am niayuk i Aki Kapuuno' ru Israil nampiau noyo ra inggalan muno.

JIRIMIA 1:5

“Ra Aku kalo poyo nampasauk rirun ra okou tinayon ru ina' muno, am ra kalo poyo inanak, pinili' am linantik Ku noyo okou masauk ra nabi tayar ra bansa'-bansa'.”

AGAI 2:5

Paat ra akau miningkual intor ra Misir, binantu' Ku noyo koson masalok mabaya' ramuyun. Raino pana lakat poyo mabaya' Aku ramuyun. Ginio ra kalo pana malaa' kau.

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”