Susubo' ku ilo mangani' ra limpor mas raki', am paguso' ru ulun ondo' makalimpor no am taaki' nilo raki'. Pasuboo' ku limpor mas no ra apui, am kasauk boo sapi' ti.”
Alapo' ri Arun anting-anting no, luwo' ngaangai' no am pasasaro' mas no ralalom acuan, am pambaal rondo' sinungkalalaing ru sapi' gawayan. Indagu ulun raginilo, “Israil, gitio noyo tuhan takau ondo' nagibit ritakau miningkual intor ra Misir!”
Nambali i Judas ra sampila' tana' ra ruit ondo' naapu no intor ra kalaatan nali. Karatu' am patoi io ra giu' i, suku' tinai' nali naburiak am ngaangai' suang no nakaingkual.
Pambaal ilo ra rondo' sinungkalalaing koson ra sapi' ungkuyon am pangani' ra taak ra binaal nilo raginio. Pambaal ilo poyo ra bunsag maayo koson mangurumat ra ondo' binaal nilo galama' ti.