KAINGKUALAN 32:32 - Tanou Moonsoi Timugon

³² Ampuno' noyo tula nilo; amon ru kalo, luluo' inggalan kuno intor ra kitab nanulisan Muno ra inggalan ru ulun Muno.”

KAINGKUALAN 32:32 ပူးပေါင်းရင်းမြစ်များ

2 SAMUIL 18:33

Kopongo nokorongog ra tanou raginio mangiluk kaga' raja', am pagaloi ra guang giu' ra rasawat ru kulobon garabang liliwa' nanulaboi, “Alii ra anak kuli! Alii ra anak kuli i Absalom! I Absalom, anak kuli! Moonsoi poyo ra aku ondo' minatoi namalit rirun, anak kuno! I Absalom, anak kuno!”

MAZMUR 139:16

Magilong Kou raki' bulintok ra aku tininai' ru ina' kuno. Gawar ru painawo kuno inaru' noyo am pinabatik ralalom ru kitab Muno, inaru' Mu noyo kabalu' pana kalo poyo songorou nakatalimpuun.

MAZMUR 56:8

Ukumi' ilo, iou Aki Kapuuno' sabap ra kalaatan nilono, ralalom ru sangit Muno, pusoo' ilo!

MAZMUR 69:28

Patuliso' noyo ngaangai' tula nilono; pai' ilo ampuno'.

KAINGKUALAN 32:10

Raino pai' Aku ompongo'. Sumangit Aku risilo am masaga' mamuso risilo. Kaa' saukon Tokou am papag muno ra rondo' bansa' ondo' maayo.”

JISAYA 4:3

Moonong ulun natatang ra Jirusalim, ioginio ulun ondo' pinili' ri Aki Kapuuno' maa' raginio maayag ilo, am piawon ra matulai.

YEHEZKIEL 13:9

Ukumin Takamin, nabi-nabi ondo' nakakito ra pinaintalang ra kalo motopot am niayuk nampasaboi ra ondo' inala' ra mampalayau. Kalo mababaya' kau ra ulun Kuno paat ra ilo mansusunur; inggalan mino kalo tulisin ra ralalom inggalan ru ngaangai' ulun ru Israil, am kalo makauli' kau ra intok mino galama'. Bagu no makapandai kau ra Aku noyo Tuhan Raja'.

DANIL 12:1

Malaikat ondo' nambayang ra linon no mindagu, “Paat raginio, malaikat maayo, iono i Maikol manindung ra bansa' muno sumalula'. Bulintok raginio mokoondo' ra kapaganan ondo' maagat kaga' intor ra bansa'-bansa' soroi. Paat raginio, ngaangai' ulun intor ra bansa' muno ondo' inggalan nano tinulisan ra ralalom ru kitab ri Aki Kapuuno' bayagon.

AMOS 7:2

Sampanon ru gapu' no nangai' pangakan ra ngaangai' tutuu' ra tana'. Aku pana mindagu, “Iou Tuhan Raja', ampuno' noyo ulun Muno! Ati kulaan lair ilo tumaan? Ilo boborok kaga' am malawo!”

MALIAKI 3:16

Kopongo raginio ulun ondo' malaa' ra Tuhan mindagu ra ilo galama'. Mangkirongog Tuhan am mampaguang ra ragu-ragu nilo. Giu' ra saang ru Tuhan, inggalan ru moonong ulun ondo' mangurumat Riso am malaa' Riso, tulisin ralalom ru rondo' kitab.

MALIAKI 3:17

Mindagu Tuhan Ondo' Maayo Kaga' Kuasa', “Masauk ilo ra ulun Kuno. Paat ra orou Aku mimbuor ra tauli no, masauk ilo ra longgom Kuno ondo' tagamin toojo. Makaasi' Aku risilo koson ra sangulun ama' ondo' makaasi' ra anak ondo' mangandoi ayuk riso.

UNTABAN 11:15

Amon ru koson ragitio pinamakuan Muno raki', pakaasi' no raki'; potoyo' aku noyo ra mataki' maa' raginio kalo boo mansaan aku ra kaimbalaan ti.”

UNTABAN 11:25

Tuun boo Tuhan ralalom ru gaun am indagu ri Musa. Inalap ru Tuhan santayaran intor ra kuasa' ondo' tinaakan No noyo ri Musa, am pataako' kuasa' no ra tulu' ngoopor ngaulun tingganai no. Paat ra Ambiluo ru Tuhan timinuun ra rasawat nilo, tumalimpuun ilo mampiau koson ra nabi kaa' kalo nabuoi.

UNTABAN 14:19

Ginio ra iou Tuhan, ampuno' noyo tula ru ulun ti, sabap ra togom Muno maayo am kalo makulau, koson ra nangampun Kou noyo risilo intor ra ilo nangiruan ra Misir.”

LUKAS 10:20

Kaa' kabalu' pana koson raginio, pai' kau pakaansuk sabap ra riwato-riwato gumagaya' ramuyun, kaa' pakaansuk kano sabap ra inggalan mino tinulisan noyo ra suruga'.”

LUKAS 23:34

Indagu i Jisus, “Ama', ampuno' ilo no, sabap ra kalo makatutun ilo ra atan baalon nilo ti.” Pagugundi' ilo poyo koson mantayar ra bayang ri Jisus.

ROMA 9:3

mangkara' ra pabukat-pabukat kuno, ioginio bansa' kuno galama'. Gama' ru makapangindangan aku risilo, amon ru kitaakon tumampos aku ukumin ri Aki Kapuuno' am patuliaron intor ri Kristus.

SAGULION 25:19

Ginio ra paat ra Tuhan i Aki Kapuuno' min mampataak ra tana' no ramuyun, am manaak ramuyun ra kamiaan intor ra ngaangai' pantula' ondo' minayan ra liput no, musiti' min potoyon ngaangai' ulun ru Amalik maa' raginio kolondo' sangulun pana boo mangkara' risilo. Pai' liliani' baal ragitio!”

SAGULION 29:20

Kalo mangampun Tuhan ra ulun koson raginio. Kaa' sangit ru Tuhan ondo' bibilak mangumpo ra ulun no, am ngaangai' karaat ondo' natulisan ralalom ru kitab ti makalumpa' riso saboi mamuso Tuhan lingon riso.

SAGULION 9:14

Pai' kinam manginga' Raki'. Makaguang Aku mamuso risilo maa' raginio kolondo' sangulun pana mangkara' boo risilo. Okou pana saukon Ku ra ama' ru rondo' bansa' ondo' maayo poyo am maikang poyo intor risilo.’

PILIPI 4:3

Am okou niayuk Sunsugos, rangan kuno mangandoi, bilin ku rirun ra indangano' noyo ruandu' ragitilo mobonsoi saguli'. Sabap ra ilo ti mapirot toojo nangindangan raki' mampabala' ra Tanou Moonsoi; koson niayuk ra indangano' poyo i Kilimin am ngaangai' ondo' nangandoi nabaya' raki'. Inggalan nilai ti nakatulis noyo ra kitab ru Ulun Mokoowot ra Kaayagan Motopot.

PINAINTALANG 17:8

Bibiag masigo ondo' nakito muni, naayag ra galing i, kaa' raino kalo boo. Kalo boo mabuoi am mingkual io intor ra intok ru ulun namagatoi no am pusoon. Ulun-ulun ru tana' no ondo' inggalan nilo kalo tinulisan ra kitab ru Ulun Mokoowot ra Kaayagan Motopot ra kalo poyo tana' ti biningkal, makatigog ilo makakito ra bibiag masigo no. Bibiag masigo no naayag ra galing i; raino kalo boo, kaa' sumalula' io poyo saguli'.

PINAINTALANG 21:27

Kolondo' atan-atan malaat iowon sumubol ra bandar no, kapoam osoi ayuk pana mambaal ra makauyuyu' kapoam magagabau. Ondo' ayuk iowon sumubol no ioginio ilo ondo' inggalan nilai tinulisan noyo ralalom ra kitab ru Ulun Mokoowot ra Kaayagan Motopot ru Anak Domba no.

PINAINTALANG 22:19

Amon ru osoi ayuk mangiruru' ra bala' ondo' tinulisan ra kitab ragitio; iruon niayuk ri Aki Kapuuno' tayar nano intor ra kawa' ru puun ru mampakaayag am intor ra Bandar Matulai no, ondo' pinabala' ralalom kitab ragitio.

PINAINTALANG 3:5

“Osoi ayuk mangala ra kuasa' ru kalaatan pambayangon Ku ilo ra mapulak, am kalo luluon Ku inggalan nilono intor ra kitab ru Ulun Mokoowot ra Kaayagan Motopot. Giu' ra saang ri Ama' Kuno am ra malaikat-malaikat Nano, iowon Ku ilo ti maamaya' Kuno.