KAINGKUALAN 32:30 - Tanou Moonsoi Timugon

³⁰ Suabon no indagu i Musa ra ulun ru Israil, “Makatula kau ra maayo. Kaa' magaloi aku poyo ra gunung no muma' ra Tuhan; gama' ru makaalap aku ra pangampunan ra tula min.”

KAINGKUALAN 32:30 ပူးပေါင်းရင်းမြစ်များ

2 SAMUIL 12:9

Kaa' kua anggal kou ra susuban Kuno? Kua pambaal kou ra baal malaat no? Siningon mu nompoloso ri Uria minatoi ra tatanga' ru pangayawan. Nompoloso kou ra ulun ru Amon namatoi riso, am namundus ra andu' nano!

2 SAMUIL 16:12

Maaru' lair ra ilain ru Tuhan no kaimbalaan kuno am mambarakat raki' koson ra palit ru ulas nano.”

2 RAJA'-RAJA' 17:21

Kopongo Tuhan nampatuliar ra Israil intor ra Jiuda, linantik ru ulun ru Israil i Jirobiam anak ri Nibat nasauk ra raja' nilo. Nangkinibit ilo ra Raja' Jirobiam nangiruan ra Tuhan am nambaal ra tula-tula ra maayo.

MAZMUR 99:6

I Musa am i Arun nakasubol ra imam-imam Nano, am i Samuil noyo sangulun intor ra makiasi' Riso; mampiau ilo ra Tuhan am tumaam Io risilo.

KAINGKUALAN 32:29

Indagu i Musa ra bansa' ru Liwi no, “Orou raiti' patimpokon kau noyo koson ra imam ondo' mangandoi ra Tuhan, am mamatoi ra anak ungkuyon min am pabukat mino; am nangani' Tuhan ra barakat Nano ramuyun.”

AMOS 5:15

Kasisang kano ra kalaatan, tagami' noyo moonsoi, am potolorogo' katimpakan giu' ra makama. Maaru' lair Tuhan makaasi' ra ulun ru Israil ondo' lakat poyo maayag.

JUNUS 3:9

Maaru' lair kulawon ri Aki Kapuuno' ginuang Nano am kalo boo sumangit, am itakau pana kalo mapuso!”

UNTABAN 16:47

Binaal ri Arun atan ondo' rinagu ri Musa. Nagibit i Arun ra intok ru baa nano am pasimbul mongoi ra tatanga' ru ulun ondo' tatanga' mantimung. Pakakito i Arun ra maruol tumapik tumalimpuun noyo, pasuango' no kaminyan ra baa ru apui am pambaal ra upacara pamasawan tayar ru ulun no.

UNTABAN 25:13

Sabap ra kalo pinoloso no Israil siminamba ra tuhan ra bokon, am naparatong io niayuk ra pangampunan ra tula ra tayar ru ulun raginio, io am papag nano masauk ra imam ra sabuoi-buoi no.”

LUKAS 15:18

Mongoi aku tuum ri ama' am mindagu riso: Ama', makatula aku ri Aki Kapuuno' am niayuk rirun.

LUKAS 7:47

Togom no topot-topot maayo sabap ra inampun io noyo kabalu' pana masuang tula nano! Amon ru sanganu ayuk tula ru ulun no ampunon, togom nano pana kalo maayo.”

ROMA 9:3

mangkara' ra pabukat-pabukat kuno, ioginio bansa' kuno galama'. Gama' ru makapangindangan aku risilo, amon ru kitaakon tumampos aku ukumin ri Aki Kapuuno' am patuliaron intor ri Kristus.

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

2 TIMOTIUS 2:25

Musiti' molomoi ragu nano ra io mampakatanda' ra ulun ondo' maanggal-anggal riso. Sabap ra maaru' lair i Aki Kapuuno' mangani' risilo ra kaluagan tumalikur intor ra tula nilo am makaulig boo ra katapatan.

JAKUBUS 5:16

Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.

1 SAMUIL 12:17

Raino sala' ka kia bulintok ru tampio? Kaa' makiasi' aku, am patuunon ru Tuhan no tingkalur am rasam koson ra taaman ru pakiasian kuno. Paat ra baal raginio masauk makaliman kau boo ra mapara' gayo ru tula mino ra Tuhan sabap nakitaak ra sangulun raja'.”

1 SAMUIL 12:19

Indagu ilo ri Samuil, “Anii pangindangan tuan, pakiasi' no ra Tuhan i Aki Kapuuno' muno ra tayar mai, maa' raginio kalo matoi akai. Raino nakaliman akai ra suai ra tula mai ondo' masuang, makatula akai poyo paat ra akai nakitaak ra sangulun raja'.”

1 SAMUIL 12:20

Taam i Samuil, “Pai' kau kalaa'! Kabalu' pana ra nambaal kano ra baal ondo' malaat, pai' talikuri' Tuhan. Pangandoi kano ayuk toojo Riso ra sototopot ru guang mino.

1 SAMUIL 12:23

Ra aku ti, makatula aku ra Tuhan amon ru kalo makiasi' aku ra tayar mino; gama' ru painggaluron ru Tuhan tula no intor raki'. Kaa' marayus aku mangila' ramuyun ra baal ondo' mongoonsoi am ondo' mongotopot.

1 SAMUIL 2:17

Koon raginio noyo karuruo anak ri Ili no makatula ra maayo ra pagilangan ru Tuhan, sabap ra magasab ilo ra taak simbalui no ra tayar ru Tuhan.