KAINGKUALAN 32:27 - Tanou Moonsoi Timugon

²⁷ Indagu boo i Musa risilo, “Tuhan i Aki Kapuuno' ru Israil nanusub ra moonong ulun mapaakang ra ilang, am mugar intor ra kulobon ru nangkiman ti mongoi ra kulobon tampilon ra giu' no, am mamatoi ra pabukat-pabukat, rangan-rangan am pasambalayan nano.”

KAINGKUALAN 32:27 ပူးပေါင်းရင်းမြစ်များ

2 RAJA'-RAJA' 10:25

Kopongo ayuk Raja' Jigu nampataak ra taak simbalui, indagu io ra ulun-ulun magagalung am saujor nano, “Umpos no am potoyo' ilo ngaangai'. Pai' polosoo' sangulun pana magiru'!” Minumpos ulun-ulun magagalung am pagawai-pagawai no ra giu' no ra nanangilang. Namatoi ilo ra ngaangai' ulun am namparalaat ra baangkai-baangkai no miningkual. Kopongo raginio umpos ilo ra ralalom ru kuil

KAINGKUALAN 32:26

Ginio ra bigor i Musa ra kulobon umpasan ra nangkiman am golok, “Musiti' moonong ulun ondo' sumugut ra Tuhan matong ragiti!” Ginio ra timung ngaangai' bansa' ru Liwi ra liput ri Musa.

KAINGKUALAN 32:28

Ginagaya' ru bansa' ru Liwi no, am namatoi ra olo'-olo' talu ngaribu ngaulun ra orou raginio.

KAINGKUALAN 32:29

Indagu i Musa ra bansa' ru Liwi no, “Orou raiti' patimpokon kau noyo koson ra imam ondo' mangandoi ra Tuhan, am mamatoi ra anak ungkuyon min am pabukat mino; am nangani' Tuhan ra barakat Nano ramuyun.”

YEHEZKIEL 9:5

Norongog ku i Aki Kapuuno' minindagu ra ungkuyon-ungkuyon ra bokon, “Baya' kano riso mongoi ra titikop ru bandar am potoyo' moonong ulun. Pai' labusi' sangulun pana. Pai' pakaasi' ra osoi pana.

UNTABAN 25:5

Indagu i Musa ra tingganai-tingganai ru ulun ru Israil no, “Akau sigagama' musiti' mamatoi ra moonong ulun intor ra bansa' mino ondo' siminamba ra Baal giu' ra Pior.”

LUKAS 14:26

“Osoi ayuk matong Raki' no, kalo masauk ra maamaya' Kuno amon ru kalo motogom io toojo Raki' intor ra togom no ra ina' nano, ama' nano, andu' nano, anak-anak nano, pinongkotob no ra ungkuyon am ruandu' am kaayagan nano galama' pana.

2 KORINTUS 5:16

Sabap raginio, akai kalo boo mangimumui ra osoi ayuk pana sumugut ra pagilangan ru ulun. Kabalu' pana nangimumui akai niayuk ri Kristus koson raginio ragili, kaa' raino kalo boo.

SAGULION 13:10

Bobolo' noyo io saboi matoi! Kuminam io mapainggalur rirun intor ra Tuhan i Aki Kapuuno' min, ondo' namayag noyo ramuyun intor ra Misir, intok min inulipon ragili.

SAGULION 13:6

Mulu' poyo pabukat min, kapoam anak ungkuyon min, kapoam anak ruandu' min, kapoam andu' ondo' tagamin min, kapoam rangan toojo min pana, maaru' lair ra suminok mangambi' ramuyun koson sumamba ra tuhan-tuhan ra bokon, ondo' kalo igondo' kau samba, am ondo' kalo igondo' sinamba ru kinamatuaan mini.