KAINGKUALAN 32:26 - Tanou Moonsoi Timugon

²⁶ Ginio ra bigor i Musa ra kulobon umpasan ra nangkiman am golok, “Musiti' moonong ulun ondo' sumugut ra Tuhan matong ragiti!” Ginio ra timung ngaangai' bansa' ru Liwi ra liput ri Musa.

KAINGKUALAN 32:26 ပူးပေါင်းရင်းမြစ်များ

2 SAMUIL 20:11

Sangulun intor ra saujor ri Joab minigor mamaar ra baangkai ri Amasa am golok, “Osoi ondo' maya' ri Joab am Raja' Daut, musiti' maya' ri Joab!”

2 RAJA'-RAJA' 9:32

Pantingaa' Raja' Jigu am indagu, “Mokoondo' kia osoi-osoi ondo' sumaung raki'?” Mokoondo' ruo kapoam talu ngaulun pagawai ru istana nagilong ra ragana' intor ra rondo' gigimpalan.

MAZMUR 94:16

Osoi kia manungka' raki' tumingkuang ra ulun malaat? Osoi kia manaung raki' tumula' ra ulun malaat?

KAINGKUALAN 32:25

Nalimanan ri Musa ra pinoloso ri Arun ulun ru Israil jajajou ra kalo boo masalingapu, saboi mitauyu' ilo ra saang ru pantula'.

KAINGKUALAN 32:27

Indagu boo i Musa risilo, “Tuhan i Aki Kapuuno' ru Israil nanusub ra moonong ulun mapaakang ra ilang, am mugar intor ra kulobon ru nangkiman ti mongoi ra kulobon tampilon ra giu' no, am mamatoi ra pabukat-pabukat, rangan-rangan am pasambalayan nano.”

MATIUS 12:30

Osoi ayuk sala' ka bala Kuno sotopot no manggal Raki', am osoi ayuk kalo sumambaya' Raki' manimung, sotopot no mampatuliar!

SAGULION 33:9

Napakito ilo ra pampagagayaan Rirun ondo' nasailan ra pampagagayaan ra matuo, pabukat kapoam anak. Ginagaya' nilo susuban Muno am minintopot ra nabantuan Muno.

JOSUA 5:13

Paat i Josua soroi maar ra bandar Jiriko, pulali' io nakakito ra sangulun ungkuyon nampaguut ra ilang, minigor ra saang nano. Inggaar i Josua riso am kuati', “Okou ti saujor mai kia kapoam sangulun pantula'?”