KAINGKUALAN 32:22 - Tanou Moonsoi Timugon

²² Taam i Arun, “Pai' sangit raki'. Nakapandai kou ra mapara' kotog ru ulun ragitilo mambaal ra kalaatan.

KAINGKUALAN 32:22 ပူးပေါင်းရင်းမြစ်များ

KASAUKAN 44:18

Inggaar i Jiuda ri Jusup am indagu, “Tuan, makimaap aku, paindaguo' aku poyo galing. Pai' noyo sangit raki'. Okou ti koson ra raja' galama'.

MAZMUR 36:4

Ragu-ragu nilono napanu' ra kalaatan am abau, kalo boo mambaal ilo ra moonsoi am ralalom ru kapintaran.

KAINGKUALAN 14:11

Indagu ilo ri Musa, “Kolondo' kia lobong giu' ra Misir saboi nagibit kau ramon ra tana' kaagisan koson matoi? Ilai' noyo atan ondo' nasauk sabap ra okou nagibit ramon miningkual intor ra Misir!

KAINGKUALAN 15:24

Pasabutok mamagun ri Musa am pangkuot, “Atan boo inumon mai?”

KAINGKUALAN 16:20

Kaa' mokoondo' popolos risilo ondo' kalo mampalio ra ragu ri Musa no, am nambuli santayaran ra akanon no. Suabon no ra iosusuab, uloron am malaat owou ru akanon no, sangit boo i Musa risilo.

KAINGKUALAN 16:28

Indagu boo Tuhan ri Musa, “Kula' poyo buoi min kalo gumagaya' ra susuban Kuno?

KAINGKUALAN 32:1

Pakakito ulun ru Israil ra soroi i Musa ra nabuoi kaga' giu' ra gunung no, am kalo niayuk poyo timinuun io, limpu ilo ri Arun am indagu riso, “Kalo nakapandai takau atan boo nasauk ri Musa, ondo' naningganai ritakau miningkual intor ra Misir; ginio ra baali' akai rondo' tuhan koson maningganai ramon.”

KAINGKUALAN 32:21

Indagu i Musa ri Arun, “Atan kia ondo' binaal ru ulun ragitilo rirun saboi mopoloso kou risilo makatula ra maayo?”

AMSAL 4:16

Ulun malaat kalo mokororot amon ru kalo poyo makapambaal ilo ra malaat. Kalo matikoolong ilo amon ru kalo poyo maninduol ilo ra ulun bokon.

SAGULION 31:27

Nakapandai aku ra mapara' bambalingatan ulun ragitilo. Magail ilo gumuor. Giminuor ilo noyo ra Tuhan paat ra bayag kuno, am maaru' gumaai ilo gumuor malupus ra aku matoi.

SAGULION 9:24

Intor ra aku nakaulig ramuyun, magail kau gumuor ra Tuhan.

SAGULION 9:7

Karaa' noyo ati kulaan akau nangkinibit ra Tuhan i Aki Kapuuno' min siminangit giu' ra tana' kaagisan. Intor ra akau nangiruan ra Misir saboi ra orou nasabayan min ragiti, giminuor kau Riso.

1 SAMUIL 15:15

Taam Raja' Saul, “Ulun-ulun kuno nanalingaau ra bibiag tinambiag no intor ra ulun ru Amalik. Domba am sapi' ondo' molomok kaga' inalap noyo ru ulun-ulun kuno koson pataakon ra tayar ru taak simbalui ra Tuhan, i Aki Kapuuno' muno. Kaa' bibiag ra bokon no pinuso mai noyo lingono'.”

1 SAMUIL 15:21

Kaa' ulun-ulun kuno kalo namatoi ra ngaangai' bibiag tinambiag; pinili' nilo noyo domba am sapi' ondo' molomok kaga', am nagibit ra ngaangai' no giu' ra Gilgal koson pataakon ra tayar ru taak simbalui ra Tuhan, i Aki Kapuuno' muno.”

1 SAMUIL 15:24

Korongog ragu-ragu no indagu Raja' Saul ri Samuil, “Topot makatula aku noyo ra maayo. Minanggal aku noyo ra susuban ru Tuhan am napalilian ra bilin muli. Malaa' aku ra ulun-ulun kuno, am iniou ku kinitaak nilo.