KAINGKUALAN 32:20 - Tanou Moonsoi Timugon

²⁰ Alapo' ri Musa sinungkalalaing ru sapi' intor ra mas ondo' binaal nilono, am luwo' am tutuo' saboi naumok, lauki' no boo ra timug. Susubo' boo ri Musa ulun ru Israil manginum ra timug no.

KAINGKUALAN 32:20 ပူးပေါင်းရင်းမြစ်များ

1 RAJA'-RAJA' 15:13

Nangimpai Raja' Asa ra aru' nano, i Maakga, intor ra intok nano koson ra ina' ru raja' ruandu', sabap ra nambaal i Maakga rondo' sinungkalalaing makauyuyu', Dewi Asyira, sinungkalalaing sambaan ondo' makatatandu' ra kalabungan. Raja' Asa napalunsai ra sinungkalalaing sambaan raginio am sinolob no giu' ra Limayak Kidron.

2 RAJA'-RAJA' 23:15

Nampalunsai niayuk Raja' Josia ra intok sambaan giu' ra Bitil, ondo' binaal ru Raja' Jirobiam anak ri Nibat, ondo' nangkinibit ra Israil makatula. Nampalunsai Raja' Josia ra altar giu' ra intok sambaan no. Inumok no batu-batu ru altar no, am tinutu no nasauk ra kaau. Io niayuk nonolob ra sinungkalalaing Dewi Asyira.

2 RAJA'-RAJA' 23:6

Pinaingkual ru Raja' Josia tatandu' ru Dewi Asyira intor ra Baloi ru Tuhan, am inibit no miningkual ra bandar, giu' ra Limayak Kidron koson solobon. Kopongo raginio baa nano tinutu saboi nasauk ra kaau, am pinatauk giu' ra kalabangan ru mamagun.

2 TUNUNG RU BANSA' ISRAIL 34:4

Ralalom ru susuban ru Raja' Josia, ulun-ulun nano nampalunsai ra altar-altar ru Baal am altar-altar koson monolob ra kaminyan ondo' mokoondo' ra giu' no. Inumok nilo sinungkalalaing ru Dewi Asyira am ngaangai' sinungkalalaing ra bokon, am kaau no pinatias ra rasawat ru kalabangan ru ulun ondo' siminamba ra sinungkalalaing no.

KAINGKUALAN 32:21

Indagu i Musa ri Arun, “Atan kia ondo' binaal ru ulun ragitilo rirun saboi mopoloso kou risilo makatula ra maayo?”

AMSAL 1:31

Intor raginio, malimanan min kinibit ru binaal am ginuang min ra mangalaat.

AMSAL 14:14

Ulun malaat makaapu ra kinibit ru kalaatan nilo, kaa' ulun moonsoi makaapu ra balos intor ra kinoonsoi nilo.

SAGULION 7:25

Solobo' noyo sinungkalalaing nilo. Pai' gogoto' mas am pirok ondo' soroi ra sinungkalalaing nilo, am pai' alap ra kuliamos raginio tayar rirun galama'. Pai' kau pangalap raginio, malumpa' kau ra kapio, sabap masisang Tuhan ra sumamba ra sinungkalalaing.

SAGULION 7:5

Ginio ra puuto' min altar ru bansa'-bansa' raginio, popolo' min lugu' batu karamat, tuntuaro' noyo tatandu' ru Dewi Asyira am solobo' sinungkalalaing nilono.

SAGULION 9:21

Inalap ku kuliamos jajajou ondo' binaal min noyo, iono sapi' intor ra logam, am pinatiran ginio ralalom ru apui. Kopongo raginio pinilang-pilang am inumok ku nasauk ra kaau, am pinatiran ralalom ru sungoi ondo' timinilis intor ra gunung no.