KAINGKUALAN 32:15 - Tanou Moonsoi Timugon

¹⁵ Tuun i Musa intor ra gunung liliwa' nagibit ruo batu pamatikan ondo' tinulisan ra susuban ri Aki Kapuuno' ra karuo-ruo ralimbou no.

KAINGKUALAN 32:15 ပူးပေါင်းရင်းမြစ်များ

MAZMUR 19:7

Mato ru orou minsir intor ra pompor am muli' ra pompor. Kolondo' rondo' pana makasindung intor ra lasu' nano.

KAINGKUALAN 16:34

Pabantaa' ri Arun rarapu' no ra saang ru Kaban Nabantuan ra buliin, sumugut ra susuban ru Tuhan ri Musa.

KAINGKUALAN 24:12

Indagu boo Tuhan ri Musa, “Ratong noyo Raki' ra rasawat ru gunung. Giu' no mangani' Aku rirun ra ruo batu pamatikan. Batu raginilo noyo pamatikan Ku ra ngaangai' ukum Kuno. Mangani' Aku ra ngaangai' ukum no koson mangila' ra ulun raginilo.”

KAINGKUALAN 24:18

Parayus boo i Musa nagaloi ra gunung saboi io nakasubol ralalom ru gaun no. Soroi io ra giu' no buoi apat ngoopor ngoorou am apat ngoopor ngorondom.

KAINGKUALAN 31:18

Kopongo Tuhan minindagu ri Musa giu' ra Gunung Sinai, panaak i Aki Kapuuno' riso ruo batu pamatikan ondo' tinulisan ri Aki Kapuuno' galama' ra susuban Nano.

KAINGKUALAN 32:16

Binaal galama' ri Aki Kapuuno' ruo batu pamatikan no am tinulisan ra susuban Nano raginio.

KAINGKUALAN 34:29

Pakatuun i Musa intor ra Gunung Sinai liliwa' nagibit ra Mopor Ukum no, simininda bulos nano sabap ra nagindagu io ra Tuhan, kaa' i Musa galama' kalo nakapandai ra makasinda bulos nano.

KAINGKUALAN 40:20

Kopongo raginio alapo' ri Musa ruo batu pamatikan no am pabantaa' no ra Kaban Nabantuan. Pasulungo' no tataun bandasan ru Kaban ra golong no, am taubi' no Kaban no ra panaub no.

2 KORINTUS 3:3

Nakaintalang noyo toojo ra akau koson ra surat ondo' tinulisan ri Kristus galama' ondo' pinakirim pinasumbaya' ramon. Surat raginio pai' ru tinulisan ra dawat, kaa' mansail ra Ambiluo ri Aki Kapuuno' ondo' maayag; am poyo pai' ru pinabatik ra rondo' batu pamatikan, kaa' ralalom guang ru ulun.

2 KORINTUS 3:7

Paat ra ukum ri Musa i tinulisan ra rondo' batu pamatikan, katulayan ri Aki Kapuuno' pana pinaintalang noyo. Kabalu' pana sinda ru katulayan ra bulos ri Musa moboot noyo, kaa' mapaang kaga' saboi ulun ru Israil kalo nokoponontong ra bulos nali. Amon ru Ukum ri Musa ondo' nangkinibit ra kapatayan no, inanian niayuk mabaya' ra katulayan maayo,

SAGULION 5:22

“Ginio noyo ukum-ukum ondo' pinatinaak ru Tuhan ramuyun ngaangai' paat akau timinimung giu' ra gunung raginio. Paat Io minindagu ra bolos ondo' mosongou intor ra apui am gaun ondo' makapal no, nanaak Io ra ukum-ukum raginio ayuk. Io pana nanulis ra ukum-ukum raginio ra ruo batu tulis, am pinataak ginio raki'.”

SAGULION 9:15

Aku pana tumuun intor ra gunung no liliwa' nagibit ra ruo batu tulis ondo' tinulisan ra nabantuan no. Apui ondo' bibilak makito giu' ra gunung no.

IBRANI 9:4

Giu' no mokoondo' panalaban ra kaminyan ondo' binaal intor ra mas, am poyo Kaban Nabantuan ondo' inangkupan ra mas. Ralalom no mokoondo' rarapu' mas boborok makasuang ra akanon inggalanin ra manna, am poyo jujuga' ri Arun ondo' nanalantar ragili am ruo ngampila' batu ondo' tinulisan ra mopor panusuban.

PINAINTALANG 5:1

Kakito ku rondo' naskhah rinulun soroi ra kalindu' pamiris ru Io ondo' nanturung ra takhta no. Sapapa' mansapapa' no natitip ra tinulisan. Naskhah no ginaam ra tulu' segel.