KAINGKUALAN 31:18 - Tanou Moonsoi Timugon

¹⁸ Kopongo Tuhan minindagu ri Musa giu' ra Gunung Sinai, panaak i Aki Kapuuno' riso ruo batu pamatikan ondo' tinulisan ri Aki Kapuuno' galama' ra susuban Nano.

KAINGKUALAN 31:18 ပူးပေါင်းရင်းမြစ်များ

2 RAJA'-RAJA' 11:12

Kopongo raginio nagibit i Joyada ri Joas miningkual, am nampakaraun ri Joas am nangani' riso ra rondo' ralin ru ukum intor ra pamarintaan ru raja'. I Joas pana linantik boo ra raja' am baal raginio pinatanou ra mamagun. Mamagun nagilakup liliwa' giminolok, “Kaayag no raja'!”

KAINGKUALAN 24:12

Indagu boo Tuhan ri Musa, “Ratong noyo Raki' ra rasawat ru gunung. Giu' no mangani' Aku rirun ra ruo batu pamatikan. Batu raginilo noyo pamatikan Ku ra ngaangai' ukum Kuno. Mangani' Aku ra ngaangai' ukum no koson mangila' ra ulun raginilo.”

KAINGKUALAN 24:18

Parayus boo i Musa nagaloi ra gunung saboi io nakasubol ralalom ru gaun no. Soroi io ra giu' no buoi apat ngoopor ngoorou am apat ngoopor ngorondom.

KAINGKUALAN 8:19

Indagu ulun mapandai kaga' ra sihir no ra raja', “Binaal gitio ri Aki Kapuuno'!” Kaa' lakat poyo bambalingatan raja' am marara' mangining ra ragu ri Musa am i Arun, koson ra rinagu ru Tuhan.

JIRIMIA 31:33

Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

MATIUS 12:28

Ambiluo ri Aki Kapuuno' nangani' Raki' ra kuasa' mampagiru' ra riwato, am gitio mampainono' ra i Aki Kapuuno' nakatalimpuun noyo mamarinta ra gino ngai' min.

LUKAS 11:20

I Aki Kapuuno' nangani' Raki' ra kuasa' mampagiru' ra riwato am gitio noyo tatandu' ra timinalimpuun noyo i Aki Kapuuno' mamarinta ramuyun.

2 KORINTUS 3:3

Nakaintalang noyo toojo ra akau koson ra surat ondo' tinulisan ri Kristus galama' ondo' pinakirim pinasumbaya' ramon. Surat raginio pai' ru tinulisan ra dawat, kaa' mansail ra Ambiluo ri Aki Kapuuno' ondo' maayag; am poyo pai' ru pinabatik ra rondo' batu pamatikan, kaa' ralalom guang ru ulun.

SAGULION 10:4

Giu' ra batu tulis no nanulis Tuhan ra atan ondo' tinulisan Nano ra kasaa'. Nanulis Io ra Mopor Ukum ondo' tinaakan Nali ramuyun paat Io minindagu ramuyun intor ra apui, paat ra orou akau timinimung giu' ra gunung. Nanaak Tuhan raki' ra batu tulis no,

SAGULION 4:13

Nambala' Io ramuyun ra atan moonsoi baalon min koson sumugut ra nabantuan ondo' binaal Nano ramuyun; musiti' gagayaan min Mopor Ukum ondo' tinulisan Nano ra ruo batu tulis.

SAGULION 5:22

“Ginio noyo ukum-ukum ondo' pinatinaak ru Tuhan ramuyun ngaangai' paat akau timinimung giu' ra gunung raginio. Paat Io minindagu ra bolos ondo' mosongou intor ra apui am gaun ondo' makapal no, nanaak Io ra ukum-ukum raginio ayuk. Io pana nanulis ra ukum-ukum raginio ra ruo batu tulis, am pinataak ginio raki'.”

IBRANI 9:4

Giu' no mokoondo' panalaban ra kaminyan ondo' binaal intor ra mas, am poyo Kaban Nabantuan ondo' inangkupan ra mas. Ralalom no mokoondo' rarapu' mas boborok makasuang ra akanon inggalanin ra manna, am poyo jujuga' ri Arun ondo' nanalantar ragili am ruo ngampila' batu ondo' tinulisan ra mopor panusuban.