KAINGKUALAN 31:15 - Tanou Moonsoi Timugon

¹⁵ Pongondoyon kau buoi kaanaman, kaa' orou katulu' iono orou tangusan ondo' matulai, ondo' patimpokon Raki'. Osoi mangandoi ra orou raginio musiti' ukumin potoyo'.

KAINGKUALAN 31:15 ပူးပေါင်းရင်းမြစ်များ

KASAUKAN 2:2

Paat orou ra katulu', nopongo ri Aki Kapuuno' kandoi Nano am tangus Io boo.

KAINGKUALAN 16:23

Kon ri Musa risilo, “Nanusub Tuhan ra susuab no orou tangusan, orou matulai patimpokon Riso. Paat orou raiti' solobo' atan ondo' masaga' min solobon, am tonoko' atan ondo' masaga' min tonokon. Ondo' suwo no, moonsoi pasuayon am buliin tayar ru susuab no.”

KAINGKUALAN 16:26

Musiti' kau manimung ra akanon buoi kaanaman, kaa' paat ra orou katulu', orou tangusan no, kolondo' akanon timungon.”

KAINGKUALAN 23:12

“Pangandoi kano buoi kaanaman ralalom saminggu', kaa' paat ra orou ra katulu' kalo pongondoyon kau, maa' raginio ulipon mino am niayuk ulun bansa' ru bokon ondo' mangandoi ramuyun, am niayuk bibiag tinambiag min makatangus.

KAINGKUALAN 31:14

Musiti' min iantakon orou tangusan no, sabap ra orou raginio mapasau. Osoi ondo' kalo mangiantak ra orou raginio, am mangandoi ra orou raginio musiti' ukumin potoyo'.

KAINGKUALAN 31:16

Musiti' ulun ru Israil mangiantak ra orou no koson tatandu' nabantuan.

KAINGKUALAN 31:17

Orou raginio rondo' tatandu' ondo' mantilayun ru Aku am ulun ru Israil, sabap ra Aku, Tuhan napasauk ra limbowon am tana' ti buoi kaanaman; paat ra orou ra katulu' minuog Aku mangandoi, am tangus Aku.”

KAINGKUALAN 34:21

“Mokoonom ngoorou kau mangandoi, kaa' pai' pangandoi ra orou katulu', kabalu' pana makapaat ra mamparadu' kapoam mangkumos.

KAINGKUALAN 35:2

Mokoonom ngoorou kau mangandoi, kaa' musiti' karaan orou ra katulu' no ra matulai; orou raginio orou tangusan patimpokon ra Tuhan. Osoi mangandoi paat ra orou raginio musiti' potoyon.

KAINGKUALAN 35:3

Paat ra orou Sabat kalo pampaangon kau ra apui giu' ra baloi min.”

YEHEZKIEL 46:1

Indagu Tuhan Raja', “Kulobon garabang sirangon ondo' tumingkuang ra liliut ralalom musiti' angabin buoi onom ngoorou mangandoi. Kaa' paat ra orou Sabat am Pangiantakan Sila' Bagu, kulobon garabang no musiti' ukabin.

IMAMAT 16:29

Aturan ragitilo musiti' gagayaan ra sabuoi-buoi no. Paat ra orou ra koopor sila' katulu', ulun ru Israil am ulun bansa' ru bokon ondo' siminimpung risilo, musiti' mampali am kalo pongondoyon.

IMAMAT 23:3

Mokoondo' onom ngoorou akau mangandoi, kaa' karaa' noyo ra paat orou katulu', iono orou Sabat, iono orou tangusan. Pai' pangandoi orou raginio, kaa' pantimung no ra sumambayang. Orou Sabat no orou timpokon ra Tuhan, ra ati ayuk inayanan mino.

IMAMAT 23:32

Intor ra paat mato ru orou tumolop paat orou kasiam ra sila' raginio, saboi ra paat mato ru orou tumolop paat orou koopor ra sila' ra nogondo', musiti' min iantakon ginio koson ra orou Sabat, ondo' timpokon ra tangusan. Musiti' kau mampali buoi ru orou raginio.

LUKAS 13:14

Kaa' tingganai ru baloi sambayangan siminangit sabap ra namabas i Jisus paat ra orou Sabat. Indagu tingganai i ra ulun masuang no, “Onom ngoorou itakau makapangandoi, ratong kau pakibabas ra orou raginio am sala' ka paat ra orou Sabat!”

LUKAS 23:56

Kopongo ragili, uli' ilo am pomongo ra tatapis maamis owou koson paumawon ra baangkai ri Jisus. Suabon i orou Sabat ru ulun ru Jaudi, am sumugut ra Ukum ri Musa timinangus ilo.

SAGULION 5:12

‘Iantako' noyo orou Sabat am urumato' noyo orou raginio koson orou ondo' matulai, koson ondo' nanusuban Kuno Tuhan i Aki Kapuuno' min.

IBRANI 4:9

Kaa' mokoondo' poyo tangusan ra ulun-ulun ri Aki Kapuuno', mogondo' ra Io timinangus ra orou katulu' i.