KAINGKUALAN 31:14 - Tanou Moonsoi Timugon

¹⁴ Musiti' min iantakon orou tangusan no, sabap ra orou raginio mapasau. Osoi ondo' kalo mangiantak ra orou raginio, am mangandoi ra orou raginio musiti' ukumin potoyo'.

KAINGKUALAN 31:14 ပူးပေါင်းရင်းမြစ်များ

NIGIMIA 9:14

Nangila' Kou risilo mangiantak ra orou Sabat ondo' mapasau no, am ondo' pinabala' galing ra ulipon Muno i Musa, nangani' Kou risilo ra ukum Muno.

KAINGKUALAN 20:8

“Iantako' noyo orou Sabat am urumato' orou raginio koson orou ondo' matulai.

KAINGKUALAN 30:33

Osoi mambaal ra umau koson ra umau upacara, kapoam ondo' mamakai ra umau no ra ulun sala' ka imam, kalo boo karaan ra ulun Kuno.”

KAINGKUALAN 30:38

Osoi mamakai ra pinaratok no koson mambaal ra umau maamis owou, kalo boo karaan ra ulun Kuno.”

KAINGKUALAN 31:15

Pongondoyon kau buoi kaanaman, kaa' orou katulu' iono orou tangusan ondo' matulai, ondo' patimpokon Raki'. Osoi mangandoi ra orou raginio musiti' ukumin potoyo'.

YEHEZKIEL 20:16

Binaal Ku ginio sabap nangimpai ilo ra susuban Kuno, minanggal ra ukum Kuno am nampajamol ra orou Sabat. Masaga' ilo poyo sumamba ra sinungkalalaing nilo.

YEHEZKIEL 20:21

“Kaa' ilo ondo' mangamulok pana minanggal Raki'. Inanggal nilo susuban Kuno am nangimpai ra susuban Kuno ondo' nangani' ra kaayagan ra osoi ayuk ondo' gumagaya' raginio. Jinamalan nilo orou Sabat. Nakatampos Aku noyo koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamatoi risilo ngaangai'.

YEHEZKIEL 20:24

Binaal Ku ginio sabap ra nangimpai ilo ra susuban Kuno, minanggal ra ukum Kuno, nampajamol ra orou Sabat am siminamba ra sinungkalalaing ondo' sambaan ru kinamatuaan nilo.

YEHEZKIEL 44:24

Paat ra makatabual pansangaran intor ra baal ru ukum, imam-imam no musiti' mangakim raginio sumugut ra ukum Kuno. Musiti' nilo salingapuon pangiantakan-pangiantakan ru ugama sumugut ra ukum am aturan Kuno am niayuk mangiantak ra orou Sabat koson ra orou ondo' matulai.

IMAMAT 16:29

Aturan ragitilo musiti' gagayaan ra sabuoi-buoi no. Paat ra orou ra koopor sila' katulu', ulun ru Israil am ulun bansa' ru bokon ondo' siminimpung risilo, musiti' mampali am kalo pongondoyon.

JUANIS 7:23

Amon ru sunatin min lalaing ungkuyon paat ra orou Sabat am gitio kalo manggal ra Ukum ri Musa, kolondo' sasaban sumangit Raki' sabap ra kinapali' Ku ngaangai' ra sangulun paat ra orou Sabat?