KAINGKUALAN 31:13 - Tanou Moonsoi Timugon

¹³ koson mambala' ra ulun ru Israil, “Iantakon orou Sabat, orou ondo' inaru' Kuno koson orou tangusan, sabap ra orou raginio iono rondo' tatandu' ru Aku am akau ra sabuoi-buoi no, koson manulu' ra Aku, Tuhan napasauk ramuyun ra ulun Kuno galama'.

KAINGKUALAN 31:13 ပူးပေါင်းရင်းမြစ်များ

NIGIMIA 9:14

Nangila' Kou risilo mangiantak ra orou Sabat ondo' mapasau no, am ondo' pinabala' galing ra ulipon Muno i Musa, nangani' Kou risilo ra ukum Muno.

KAINGKUALAN 31:12

Nanusub Tuhan ri Musa

KAINGKUALAN 31:17

Orou raginio rondo' tatandu' ondo' mantilayun ru Aku am ulun ru Israil, sabap ra Aku, Tuhan napasauk ra limbowon am tana' ti buoi kaanaman; paat ra orou ra katulu' minuog Aku mangandoi, am tangus Aku.”

JISAYA 56:2

Barakatin Ku ulun ondo' gumagaya' ra orou Sabat kalo lumaat ra orou raginio. Ulun ondo' kalo mambaal ra kalaatan moonsoi pamakuan Kuno riso.”

JIRIMIA 17:22

Pai' pangandoi am pai' pangkayang ra maagat mingkual intor ra baloi muno paat ra orou Sabat. Iantako' orou raginio koson ra orou patimpokon Raki' koson ondo' nanusuban Kuli ra kinamatuaan min.

YEHEZKIEL 20:12

Susubon Ku ilo mangurumat ra orou Sabat koson tatandu' ru nabantuan Kuno risilo, koson mampakara' risilo ra Aku, Tuhan nampatulai risilo ra tayar Kuno.

YEHEZKIEL 20:20

Iantako' min orou Sabat koson tatandu' nabantuan Kuno ramuyun, koson mampakara' ramuyun ra Aku noyo Tuhan, i Aki Kapuuno' min.

YEHEZKIEL 37:28

Paat ra paayanon Ku Baloi Kuno giu' ra tatanga' nilo ra sabubuoi no, makapandai ilo boo ra Aku, Tuhan nampili' ra Israil koson ra ulun Kuno galama'.”

YEHEZKIEL 44:24

Paat ra makatabual pansangaran intor ra baal ru ukum, imam-imam no musiti' mangakim raginio sumugut ra ukum Kuno. Musiti' nilo salingapuon pangiantakan-pangiantakan ru ugama sumugut ra ukum am aturan Kuno am niayuk mangiantak ra orou Sabat koson ra orou ondo' matulai.

IMAMAT 19:3

Musiti' moonong ulun mangurumat ra ama' am ina' nano, am niayuk mangiantak ra orou Sabat koson ra nanusuban Kuno. Aku noyo Tuhan i Aki Kapuuno' min.

IMAMAT 19:30

Iantakon orou Sabat am urumaton intok sumamba Raki'. Aku noyo Tuhan.

IMAMAT 20:8

Gagaya' no ra ukum Kuno, sabap ra Aku noyo Tuhan ondo' nampatulai ramuyun Raki'.”

IMAMAT 21:8

Musiti' ulun ru Israil mangakun ra imam koson ulun pinatimpok Raki' sabap ra mapataak imam Raki' ra taak akanon. Aku noyo Tuhan; Aku ti matulai am mapatulai Aku ra ulun Kuno.

IMAMAT 23:3

Mokoondo' onom ngoorou akau mangandoi, kaa' karaa' noyo ra paat orou katulu', iono orou Sabat, iono orou tangusan. Pai' pangandoi orou raginio, kaa' pantimung no ra sumambayang. Orou Sabat no orou timpokon ra Tuhan, ra ati ayuk inayanan mino.

IMAMAT 25:2

maa' raginio manaak ra ulun ru Israil ra aturan ragitilo. Paat ra akau mumpos ra pagun ondo' taakin ru Tuhan ramuyun, musiti' kau mangurumat ra Tuhan ra ralan ragitio: Paat ra moonong bilor katulu' kalo iowon kau magitanom.

IMAMAT 26:2

Iantakon orou Sabat am urumato' intok sambaan Raki' no. Aku noyo Tuhan.

AMOS 8:5

Kamin, “Sanggilan kia maampus orou pangiantakan maa' raginio makapantalan takau poyo ra gandum? Mabuoi kaga' pangiantakan ti. Sanggilan kia sailan ru orou Sabat maa' raginio makapantalan takapo? Itakau pana makitaak ra masawat toojo logo. Pakayon takau panuku' am timbangan ondo' kalo motopot koson mamparuung ra ulun mambali.

MATIUS 23:17

Akau ulun kolondo' pangaratian am bolou! Atan kia ondo' maatang toojo? Mas no kia kapoam Baloi Tuhan ondo' mampatulai ra mas no?

JUANIS 17:17

Sauko' ilo no ra Ulun Muno ralalom ru katapatan Muno; bala' Mu noyo katapatan.

JUANIS 17:19

Taakin Ku kaayagan Kutu Rirun, maa' raginio totopot mampataak ilo ra kaayagan nilo mangandoi ayuk Rirun.

SAGULION 5:12

‘Iantako' noyo orou Sabat am urumato' noyo orou raginio koson orou ondo' matulai, koson ondo' nanusuban Kuno Tuhan i Aki Kapuuno' min.

1 TISALONIKA 5:23

Gama' ru i Aki Kapuuno' ondo' mangani' ritakau ra pabansayan, mampatimpok ra kaayagan mino Riso galama'. Gama' ru magalung Io ramuyun ngai' – ioginio ambiluo, saliguor am poyo inan mino – saboi kolondo' sala min paat ra ratangan ru Tuhan takau, i Jisus Kristus.

JUDAS 1:1

Aku i Judas, sangulun ulipon ri Jisus Kristus am pabukat niayuk ri Jakubus. Pabukat kau ondo' piniau am ondo' tagamin ri Aki Kapuuno', Ama' takau, am ondo' alungin ri Jisus Kristus: