KAINGKUALAN 30:36 - Tanou Moonsoi Timugon

³⁶ Panutu ra santayaran intor raginio saboi maumok. Ibiton inumok no ralalom Kim Kuno, am pataukon inumok no ra saang ru Kaban Nabantuan. Musiti' kaminyan no karaan ra kuliamos ondo' masapau kaga'.

KAINGKUALAN 30:36 ပူးပေါင်းရင်းမြစ်များ

KAINGKUALAN 16:34

Pabantaa' ri Arun rarapu' no ra saang ru Kaban Nabantuan ra buliin, sumugut ra susuban ru Tuhan ri Musa.

KAINGKUALAN 25:22

Tumuum Aku rirun ra giu' no. Intor ra rasawat ru panaub no, lolot ru ruo kirub no, mangani' Aku rirun ra ngaangai' ukum Kuno tayar ru ulun ru Israil.”

KAINGKUALAN 27:21

Musiti' i Arun am anak ungkuyon nano magalung ra lampung no ralalom ru Kim Kuno, giu' ra liwar ru tabir ondo' saang ru Kaban Nabantuan. Giu' no, ra saang Kuno, musiti' sikitin lampung no intor ra mai' ti saboi ra susuab ti. Musiti' susuban ragitio gagayaan ra sabuoi-buoi no ru ulun ru Israil am papag nilo.”

KAINGKUALAN 30:35

Intor raginio ngai' pambaal ra kaminyan koson mambaal ra umau maamis owou. Ruangin ra usi' koson saukon ginio ra kopoyo am matulai.

KAINGKUALAN 30:6

Pabantaan altar ti ra liwar ru tabir ondo' patairon ra saang ru Kaban Nabantuan, intok Kuno tumuum rirun.

IMAMAT 16:2

“Balai' i Arun, maayo muno, ra paat ra ondo' inaru' ayuk, mokoongoi io ra talikuron ru tabir, mongoi ralalom ru Lamin Matulai Kaga', sabap ra giu' no mintalang Aku ralalom ru gaun rasawat ru tataub ru Kaban Nabantuan. Amon ru manggal i Arun ra susuban raginio, matoi io.