KAINGKUALAN 30:35 - Tanou Moonsoi Timugon

³⁵ Intor raginio ngai' pambaal ra kaminyan koson mambaal ra umau maamis owou. Ruangin ra usi' koson saukon ginio ra kopoyo am matulai.

KAINGKUALAN 30:35 ပူးပေါင်းရင်းမြစ်များ

IMAMAT 2:13

Taukin ra usi' moonong taak simbalui koson paringkuanangan ra Tuhan, sabap usi' tatandu' ru nabantuan min am i Aki Kapuuno'. Taukin ngaangai' taak mino ra usi'.

KAINGKUALAN 30:25

am pambaal ra umau upacara ondo' latakin koson ra umau maamis owou.

JUANIS 12:3

Alapo' boo ri Maria sambutul umau maamis owou narwastu ondo' mologo kaga' makasuang satanga' ngalito. Pabuuro' no ra kalayam ri Jisus, am piiri' no ra abuk nali. Maalok boo owou ru umau i ra ngaangai' intok ru baloi i.

RIMBAI PANGAMPARAN 3:6

Atan kia minatong intor ra tana' kaagisan, koson ra kuliampun ru lisun? Maamis owou nano koson ra kaminyan am mur ondo' tinalan ru mantatalan.

RIMBAI PANGAMPARAN 1:3

Maamis kaga' owou muno, inggalan muno koson ra umau maamis owou ondo' pinabuur. Ginio ra ralaa-ralaa malaai rirun.

AMSAL 27:9

Umau ra maamis owou makaansuk ra guang, kaa' kapaganan makaimamang.

KAINGKUALAN 30:34

Indagu Tuhan ri Musa, “Alap ra kukula' salinut ru apa' pampagamis ra akanon ondo' maamis owou ondo' suang no mogondo': Salong, umang ru lokan, pulut ru raksamala am niayuk kaminyan kopoyo.

KAINGKUALAN 30:36

Panutu ra santayaran intor raginio saboi maumok. Ibiton inumok no ralalom Kim Kuno, am pataukon inumok no ra saang ru Kaban Nabantuan. Musiti' kaminyan no karaan ra kuliamos ondo' masapau kaga'.

KAINGKUALAN 28:41

Pabayangon bayang raginio ri Arun am anak-anak nano. Patimpokon am palilion ilo boo Raki' ra mangumau risilo ra umau jaitun, maa' raginio mangandoi ayuk Raki' koson ra imam.

IMAMAT 16:12

musiti' io magibit rondo' intok ru baa ondo' nototop ra baa ru apui intor ra altar am ruo ngogonggom kaminyan malumot, ibiton boo ngaangai' no mumpos ralalom ru Lamin Matulai Kaga'.

1 RAJA'-RAJA' 1:39

Alapo' ri Jadok intok nambulian ra umau jaitun ondo' inibit no intor ra Kim ru Tuhan, am nangumau ri Salomo ra umau no koson mapalantik riso. Nanamput ilo ra bujung am ngaangai' ru ulun giminolok ra, “Naayag Raja' Salomo!”

1 TUNUNG RU BANSA' ISRAIL 9:30

Kaa' ondo' pinalansan koson mampalatok ra apa' pampagamis ra akanon no iono imam-imam.

MAZMUR 133:2

Ginio koson ra umau maamis owou ondo' mologo ondo' pinasasar ra ulu ri Arun, am tumilis ra liog ru sukub nano.