KAINGKUALAN 3:5 - Tanou Moonsoi Timugon

⁵ Indagu Tuhan, “Pai' inggaar. Paguso' kasut muno, sabap ra intok binigaran muno matulai,

KAINGKUALAN 3:5 ပူးပေါင်းရင်းမြစ်များ

KAINGKUALAN 19:12

Baalo' balitan ra liput ru gunung no maa' raginio kalo makasail ulun no. Balai' ilo maa' raginio kalo magaloi ra gunung no kapoam minggaar. Osoi sumail ra balitan no ukumin ra matoi.

KAINGKUALAN 19:21

am indagu Tuhan riso, “Tuun no am pinsono' ulun raginilo maa' raginio kalo sumail ra balitan no koson milong Raki'. Amon ru sumail ilo, masuang ulun matoi.

KAINGKUALAN 4:28

Pambala' i Musa ri Arun ra ngaangai' rinagu ru Tuhan paat ra io sinusub rumuli' ra Misir. Pambala' niayuk i Musa ra ngaangai' baal kaimuagan ondo' musiti' baalon nano.

MAMPATANOU 5:1

Guango' galing ra kalo poyo mindagu, am pai' lingasi' makimabantu' ri Aki Kapuuno'. Soroi Io giu' ra suruga' am okou soroi ra tana' ti, pai' indagu amon kalo maatang.

JIRIMIA 30:21

Ulun manguasa' risilo matong intor ra bansa' nilo, raja' nilo intor ra bansa' nilo. Muma' io Raki' paat ra Aku mampiau riso, sabap ra osoi kia ondo' baani muma' ra kalo piawon? Masauk ilo ra ulun Kuno am masauk Aku ri Aki Kapuuno' nilo. Aku, Tuhan nakaindagu noyo.”

IMAMAT 10:3

Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

RINALATAN 7:33

Indagu poyo i Aki Kapuuno', ‘Paguso' kasut muno, sabap ra binigaran muno matulai toojo.

SAGULION 23:14

Alungi' noyo maa' raginio pangkiman min kalo majamol, sabap ra Tuhan i Aki Kapuuno' min mabaya' ramuyun giu' ra pangkiman no koson manindung ramuyun am manaak ramuyun ra kamanangan intor ra pantula'. Pai' pambaal ra atan-atan ondo' kalo matanda', ondo' mangkinibit ra Tuhan mangiruan ramuyun.”

IBRANI 12:20

Sabap ra kalo tumaan ilo mangkirongog ra panusuban Nano ra Io minindagu, “Amon ru sanginan bibiag ayuk pana manginjang ra gunung ti, musiti' io bobolon ra batu saboi matoi.”

JOSUA 5:15

Indagu panglima saujor ru Tuhan, “Paguso' kasut muno, sabap intok binigaran muno matulai.” Paguso' boo ri Josua kasut nano.

2 PITRUS 1:18

Akai galama' nakaining ra bolos intor ra suruga' paat akai nababaya' Riso giu' ra gunung matulai.