KAINGKUALAN 3:20 - Tanou Moonsoi Timugon

²⁰ Kaa' mamakai Aku ra kuasa' Kuno am mangukum ra ulun ru Misir am mambaal ra sauk ondo' makalalaa' ra giu' no. Mopongo raginio paugaron no akau.

KAINGKUALAN 3:20 ပူးပေါင်းရင်းမြစ်များ

KASAUKAN 15:14

Kaa' ukumin Ku mamagun ondo' mangulipon risilo, am paat ilo mangiruan ra pagun raginio, magibit ilo ra masuang kaga' kuliamos.

NIGIMIA 9:10

Nambaal Kou ra kaimuagan ondo' makaimuag, koson manggal ra raja', pagawai am mamagun ru raja', sabap ra Okou nakapandai ati kulaan ulun Muno inimbolo' nilo. Ginio ra inggalan Muno maayo kaga' saboi orou raiti'.

MAZMUR 105:27

Nambaal ilo ra kaimuagan intor ri Aki Kapuuno', am nambaal ilo ra kaimuagan giu' ra Misir.

MAZMUR 105:38

Bansa' ru Misir malaa' ra ulun ru Israil, ginio ra ilo maansukan bulintok ra ulun ru Israil mugar.

MAZMUR 106:22

Makaimuag toojo ngaangai' binaal Nano ra pagun no, makaimuag toojo binaal Nano giu' ra Raat Galaga.

KAINGKUALAN 11:1

Indagu boo Tuhan ri Musa, “Mangukum Aku rondo' ayuk boo ukuman ra raja' ru Misir am mamagun nano. Mopongo raginio, mapaugar io boo ramuyun. Akau niayuk poyo pagiruon no intor ragiti.

KAINGKUALAN 12:39

Nangansak ilo ra ruti' kalo linatakan ra ragi intor ra ruti' makata' ondo' inibit nilo intor ra Misir. Pinagiru' ilo intor ra giu' no ra namulali', saboi kalo nakapanampos ra lutu' kapoam nakapangansak ra ruti' kalo linatakan ra ragi.

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 13:9

Pangiantakan ti masauk rondo' pangkaraan, koson ra tatandu' ondo' pinabangkos ra longon kapoam rabas mino, koson mapakara' ramuyun ra musiti' kau marayus-rayus mindagu am mintutun ra Ukum ru Tuhan, sabap ra nagibit noyo Tuhan ramuyun miningkual intor ra Misir ralalom ru kuasa' Nano ra maayo.

KAINGKUALAN 15:11

Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

KAINGKUALAN 15:6

Iou Tuhan, ikang Muno, makaimuag kaga', nanutuk Kou ra pantula' saboi natutuk kaga'.

KAINGKUALAN 4:21

Indagu poyo Tuhan ri Musa, “Nangani' Aku noyo rirun ra kuasa' mambaal ra kaimuagan-kaimuagan. Ginio ra makasaboi kou ra Misir, baalo' ngaangai' kaimuagan ra saang ru raja' ru Misir. Kaa' mangkinibit Aku riso bambalingatan, saboi kalo makataak io ra ulun raginilo mugar.

KAINGKUALAN 6:1

Indagu Tuhan ri Musa, “Raino makakito kou ra atan ondo' baalon Kuno ra raja' ru Misir. Jajalin Ku io mapaugar ra ulun Kuno. Sotopot no mampajajal Aku riso mapagiru' risilo mingkual intor ra pagun nano.”

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

KAINGKUALAN 9:15

Amon ru nangukum Aku rirun am mamagun muno ra maruol, maaru' malingon kau ngai' maluus.

JISAYA 19:22

Ukumin ru Tuhan ulun ru Misir, kaa' kalupus raginio mamabas Io risilo. Sumaguli' ilo Riso, am rongogon No pakiasian nilono am niayuk mamabas risilo.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

YEHEZKIEL 20:33

“Sabap ra Aku, Tuhan Raja', i Aki Kapuuno' ondo' maayag, mampakara' Aku ramuyun ra sabap ru sangit Kuno, mamarinta Aku ramuyun ra mokotog am malasang. Makaliman kau ra kuasa' am sangit Kuno paat ra Aku manimung am magibit ramuyun sumaguli' intor ra pagun-pagun intok akau pinantutuliar.

MIKA 7:15

Baalo' noyo ramon kaimuagan-kaimuagan, iou Tuhan, koson ondo' binaal Muli ra galing i, paat ra Okou nagibit ramon miningkual intor ra Misir.

RINALATAN 7:36

Io ti noyo ondo' nagibit ra bansa' ru Israil miningkual intor ra Misir nabaya' ra kukula' kaimuagan sinauk no giu' ra Raat Malia' am poyo giu' ra tana' kaagisan saboi apat ngoopor ngambilor buoi.

SAGULION 4:34

Igondo' kia mokoondo' rondo' tuhan ondo' baani mangalap rondo' ulun intor ra bansa' ra bokon am saukon ulun raginio ra ulun nano galama', koson ondo' binaal ru Tuhan i Aki Kapuuno' min tayar min giu' ra Misir? Giu' ra talupak ru mato min galama' namakai Io ra kuasa' am kaikangan Nano ondo' maayo; maparatong Io ra maruol tumapik am pangayawan, mambaal ra kaimuagan am makaimuag, am niayuk mangkinibit ra baal makalalaa' masauk.

SAGULION 6:22

Akai galama' nakakito Riso nambaal ra kaimuagan am baal ondo' napakalalaa' ra ulun ru Misir, raja' nilo am ngaangai' pagawai ru raja'.

TINGGANAI RU BANSA' 6:8

Ginio ra nanusub Tuhan ra sangulun nabi risilo. Indagu nabi no, “Koson ragitio ragu ru Tuhan i Aki Kapuuno' ru Israil, ‘Namayag Aku ramuyun intor inulipon giu' ra Misir.

TINGGANAI RU BANSA' 8:16

Alapo' boo ri Gidion ruui am karuuyan intor ra tana' kaagisan, am pinakai no koson mangukum ra tingganai-tingganai ru Sukot.