KAINGKUALAN 3:14 - Tanou Moonsoi Timugon

¹⁴ Indagu i Aki Kapuuno' ri Musa, “Aku noyo AKU. Gitio noyo ondo' musiti' muno paraguon risilo, ‘Io ondo' nanabit ra Io noyo AKU nanusub noyo raki' mongoi ramuyun.’

KAINGKUALAN 3:14 ပူးပေါင်းရင်းမြစ်များ

AYUP 11:7

Makarati' kou kia ra baal-baal ondo' malandom intor ri Aki Kapuuno'? Matutunan mu kia polos ru katulayan ru Io Ondo' Maayo Kaga' Kuasa'?

MAZMUR 68:4

Kaa' ulun ri Aki Kapuuno' marikamo am maansukan ra saang Nano; magigindii ilo ra maansukan.

MAZMUR 90:2

Kalo poyo sinauk Mu ngaangai' bulur, kalo poyo binangun Mu tana' ti, Okou noyo i Aki Kapuuno' ra mantilayun, i Aki Kapuuno' ra sabuoi-buoi no.

KAINGKUALAN 15:3

Tuhan noyo mapanggol tumula', Tuhan noyo inggalan Nano.

KAINGKUALAN 23:21

Iningo' noyo am gagayaa' io. Pai' guor riso sabap ra io no sinusub Kuno. Kalo mangampun io ra guor koson raginio.

KAINGKUALAN 3:13

Kaa' indagu i Musa, “Amon ru makatuum aku ra ulun ru Israil am mindagu risilo, ‘I Aki Kapuuno' ru kinamatuaan min nanusub raki'’, mangkuot ilo, ‘Osoi kia inggalan nali?’ Atan moonsoi paraguon kuno risilo?”

KAINGKUALAN 6:2

Indagu i Aki Kapuuno' ri Musa, “Aku noyo Tuhan.

KAINGKUALAN 6:3

Minintalang Aku noyo ri Abragam, ri Isak am ri Jakub koson ra i Aki Kapuuno' Ondo' Maayo Kaga' Kuasa', kaa' kalo napaulig Aku risilo ra inggalan Kuno ondo' matulai, iono Tuhan.

JISAYA 42:8

Aku noyo Tuhan, ginio noyo inggalan Kuno. Katulayan Kuno kalo pataakon Ku ra osoi-osoi pana, kapoam pangamparan Kuno ra ati-ati sinungkalalaing.

JISAYA 44:6

Tuhan ondo' namarinta am mangampin ra Israil, Tuhan Ondo' Maayo Kaga' Kuasa' mindagu, “Aku noyo ondo' kasaa' am ondo' pamupusan, i Aki Kapuuno' rondo'-rondo' no; Suai Raki', kolondo' bokon.

MATIUS 18:20

Amon ru ruo kapoam talu ngaulun tumimung ralalom inggalan Kuno, soroi Aku ra tatanga' nilono.”

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

JUANIS 8:24

Ginio sabap ra Aku minindagu ramuyun ra matoi kau ayuk ra tula mino. Amon ru kalo mangintopot kau ra ‘Aku noyo AKU’, matoi kau ayuk mabaya' ra tula mino.”

JUANIS 8:28

Indagu i Jisus risilo, “Makainsawat min Anak ru Ulun no, bagu matutunan min ra ‘Aku noyo AKU’. Aku pana kalo boo makapambaal ra atan ayuk pana sumugut ra kasagaan Kuno galama', kaa' paraguon Kuno ayuk ondo' nangilaan ri Ama' Raki'.

JUANIS 8:58

Kon ri Jisus, “Balain takamin toojo: Ra kalo poyo inanak i Abragam, ‘Soroi Aku no’.”

2 KORINTUS 1:20

Sabap Riso, i Aki Kapuuno' mindagu ra “Iou” ra moonong ondo' binantu' Nali. Ginio ra itakau mindagu ra “Amin”, sabap ri Jisus Kristus, maa' raginio urumaton takau i Aki Kapuuno'.

IBRANI 13:8

I Jisus Kristus kalo makulau, intor ra galing i, raino am ra sabuoi-buoi no.

PINAINTALANG 1:17

Paat ra nakito ku Io, pakalaub aku ra kalayam Nano koson ra ulun minatoi. Pabantaa' No boo kalindu' ra pamiris Nano raki' am indagu, “Pai' no kalaa'! Aku noyo talimpuun am Aku noyo pupus.

PINAINTALANG 1:4

Intor raki', i Juanis, posoboyon ra tulu' pasimpungan ulun Kristian giu' ra pagun ru Asia! Gama' ru aniin kau ra barakat am pabansayan ri Aki Kapuuno', ondo' soroi raino, galing i am pupus no pana. Am intor ra tulu' ambiluo ondo' soroi ra saang ru takhta Nano.

PINAINTALANG 1:8

“Aku noyo talimpuun am Aku noyo pupus,” ragu ru Tuhan, i Aki Kapuuno' Ondo' Maayo Kaga' Kuasa', ondo' soroi raino, galing i am pupus no pana.

PINAINTALANG 4:8

Moonong ru apat ilo ondo' maayag no mokoondo' onom kawo nilo sigagama', ondo' ralimbou am ralalom pana natitip ra mato. Orou-rondom kalo lumonggo' ilo marimbai: “Mapasau, mapasau, mapasau noyo Tuhan, i Aki Kapuuno' Maayo Kaga' Kuasa', ondo' galing i soroi, raino am pupus no pana soroi.”