KAINGKUALAN 29:45 - Tanou Moonsoi Timugon

⁴⁵ Mayan Aku sumimpung ra ulun ru Israil, am masauk Aku ri Aki Kapuuno' nilo.

KAINGKUALAN 29:45 ပူးပေါင်းရင်းမြစ်များ

KASAUKAN 17:8

Manaak Aku rirun am papag muno ra tana' ragitio, intok inayanan muno raino ti koson ra ulun bansa' ru bokon. Titikop tana' ru Kanaan masauk ra longgom ru papag muno ra sabubuoi no am Aku masauk ri Aki Kapuuno' nilo.”

1 RAJA'-RAJA' 6:13

Sumoroi Aku ra ulun Kuno Israil giti ra Baloi ondo' baalon mutu, am kalo noyo iruanin Ku ilo.”

2 TUNUNG RU BANSA' ISRAIL 6:18

“Kaa', iou Aki Kapuuno', topot kia masaga' Kou mayan giti ra tana' ti ra gino ngai' ru ulun? Sotopot no titikop ru limbowon pana kalo sama' malangka' Rirun, atan pinai boo ra Baloi ondo' binaal kutu!

MAZMUR 114:2

i Jiuda nasauk ra ulun longgom ru Tuhan, am Israil masauk ra longgom Nano.

MAZMUR 68:18

Ralalom kaaparan ribu ru kurita' kuda Nano ra maayo, matong Tuhan intor ra Sinai mongoi ra intok ondo' matulai no.

KAINGKUALAN 15:17

Nagibit Kou risilo mumpos, am mapaayan risilo giu' ra gunung Muno, intok ondo' Okou, iou Tuhan, nampili' koson masauk ra ayanan Muno; Baloi ondo' binaal Muno galama'.

KAINGKUALAN 25:8

Susubo' ulun raginilo mambaal Raki' ra rondo' kim matulai maa' raginio makaayan Aku risilo.

KAINGKUALAN 29:44

Mapakapasau Aku ra Kim am altar no, am patimpokon Ku i Arun am anak-anak nano koson mangandoi Raki' ayuk koson ra imam.

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

JIRIMIA 14:9

Kua kia koson Okou ra ulun naubong, koson ra ulun tutumula' ondo' kalo makatanggang mangindangan? Maaru' maya' Kou ramon, iou Tuhan! Akai ulun Muno, pai' pangiruan ramon!’ ”

YEHEZKIEL 34:24

Aku, Tuhan masauk ri Aki Kapuuno' nilo; am sangulun raja' koson ri Daut, ulipon Kuno masauk ra ulun manguasa' risilo. Aku, Tuhan nakaindagu noyo.

YEHEZKIEL 43:7

“Okou ulun mapandai matoi, gitio noyo kurisi' turungan Kuno. Mayan Aku ragiti, tatanga' ru ulun ru Israil, am mamarinta Aku risilo ra sabubuoi no. Ulun ru Israil am raja'-raja' nilo kalo boo mampajamol ra inggalan Kuno ondo' matulai am sumamba ra sinungkalalaing, kapoam mompolobong ra baangkai ru raja' nilo ra intok ragitio.

YEHEZKIEL 43:9

Raino musiti' ilo lumonggo' sumamba ra sinungkalalaing am mapabanding ra baangkai ru raja'-raja' nilo. Amon ru baalon nilo ginio, mayan Aku ra tatanga' nilo ra sabuoi-buoi no.”

DANIL 2:11

Kitaakon muno mapagon kaga' saboi kolondo' sangulun pana makapangiou raginio, ondo' ak am dewa-dewa; am dewa-dewa no poyo kalo minayan ra gino ngai' ru ulun.”

IMAMAT 26:11

Mayan Aku ramuyun ralalom ru Kim Kuno, am kalo toojo mangimpai ramuyun.

IMAMAT 26:12

Sumbayaan Ku akau; masauk Aku ri Aki Kapuuno' min am akau masauk ra ulun Kuno.

AGAI 2:5

Paat ra akau miningkual intor ra Misir, binantu' Ku noyo koson masalok mabaya' ramuyun. Raino pana lakat poyo mabaya' Aku ramuyun. Ginio ra kalo pana malaa' kau.

JAKARIA 2:10

Indagu Tuhan, “Parimbai kano ra maansukan, akau mamagun ru Jirusalim! Mayan Aku ra tatanga' min!”

JAKARIA 8:3

Sumaguli' Aku ra Jirusalim, bandar Kuno ondo' matulai am lumayun ra giu' no. Jirusalim mauligan ra bandar ondo' gumagaya', am bulur ru Tuhan Ondo' Maayo Kaga' Kuasa' am sabiton ra bulur matulai.

UNTABAN 16:3

Nababaya' ilo minuma' ri Musa am i Arun, am indagu, “Najanjayan kau! Ngaangai' ulun ru Israil Tuhan tatangan, am Tuhan mabaya' ritakau ngaangai'. Kaa' okou Musa, kua karaa' mu inan muno masawat poyo intor ra ulun ru Tuhan?”

UNTABAN 35:34

Pai' jamali' tana' intok ayanan mino, sabap ra Aku noyo Tuhan, am mayan Aku ra tatanga' ru ulun ru Israil.”

UNTABAN 5:3

Susubo' noyo ngaangai' ulun ondo' majamol mingkual maa' raginio kalo majamalan nilo pangkiman, intok ayanan Kuno mabaya' ra ulun Kuno.”

JUANIS 14:17

Io no Ambiluo ri Aki Kapuuno', ondo' mambala' ra katapatan ri Aki Kapuuno'. Ulun ru tana' ti kalo makapangapu Riso, sabap ra kalo makakito kapoam makaulig ilo Riso. Kaa' akau makaulig Riso, sabap ra mabaya' am sumimpung Io ramuyun.

JUANIS 14:20

Masuku' orou raginio, bagu no makapandai kau ra masimpung Aku ri Ama', am akau pana masimpung Raki', mogondo' niayuk ra Aku masimpung ramuyun.

JUANIS 14:23

Taam i Jisus, “Osoi ayuk motogom Raki', sumugut io ra ragu Kuno. Tagamin io ru Ama' Kuno am matong Akai ruo sumimpung ra ulun no.

2 KORINTUS 6:16

Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.

IPISUS 2:22

Ralalom pasimpungan min ri Kristus, akau niayuk nababaya' ra ngaangai' ulun ra bokon pasaukon ra baloi ri Aki Kapuuno', ioginio randanan ru Ambiluo Nano.

SAGULION 12:11

Mampili' Tuhan ra rondo' intok ondo' masauk ra intok sumambayang Riso. Giu' no akau musiti' magibit ra ngaangai' ondo' nanusuban kuno: taak simbalui koson mapabansuk ra guang ru Tuhan am taak simbalui ra bokon, sampiopor am taak ra bokon, am taak ra luntukon ondo' binantu' min ra Tuhan.

SAGULION 7:21

Ginio ra pai' kalaa' ra bansa'-bansa' raginio. Tuhan i Aki Kapuuno' min mabaya' ramuyun; Io i Aki Kapuuno' ondo' matulai, am ondo' musiti' kalaanin.

PINAINTALANG 21:3

Korongog ku bolos mosongou intor ra takhta no, kono, “Raino i Aki Kapuuno' masimpung ra ulun. Mayan Io mabaya' risilo am masauk ilo ra ulun Nano. I Aki Kapuuno' galama' sumimpung risilo am masauk ri Aki Kapuuno' nilo.