KAINGKUALAN 29:37 - Tanou Moonsoi Timugon

³⁷ Baalon ginio moonong orou buoi katuluan. Ginio ra mapasau boo ngaangai' altar no, am atan ayuk ondo' makatiu' ra altar no musiti' pataakon ra Tuhan, am atan ayuk ondo' makakambong ra altar no mausung sabap ra kaikangan ru kapasawan ru ginio.”

KAINGKUALAN 29:37 ပူးပေါင်းရင်းမြစ်များ

2 TUNUNG RU BANSA' ISRAIL 7:9

Natimung ilo buoi tulu' ngoorou koson mangiantak ra napatimpakan ra altar, am nangiantak ilo ra Pangiantakan Mangkalukub ra Raun buoi tulu' ngoorou poyo. Paat ra orou pupus nambaal ilo ra pangiantakan ru kaampusan.

KAINGKUALAN 40:10

Mopongo raginio patimpokon altar am ngaangai' kuliamos no ra luitin ra umau upacara, am ngaangai' no masauk ra totopot matulai.

YEHEZKIEL 43:20

Mangalap kou kasanganu raraa' ru sinimbalui no am papiiro' ginio ra kaapat-apat sangau pisuk ru altar, am niayuk giu' ra pisuk-pisuk ra tatanga' no, am niayuk giu' ra liput ra kiing ru altar no. Koson raginio noyo okou namasau am patimpokon altar no.

YEHEZKIEL 43:25

Moonong orou buoi tulu' ngoorou, musiti' kou mampataak sanginan kambing, sanginan sapi' gawayan, am sanginan domba gawayan koson ra taak simbalui koson mangampun ra tula. Ngaangai' bibiag no kalo najamaran.

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

IMAMAT 16:16

Kon ragitio noyo io nambaal ra upacara koson mapatulai ra Lamin Matulai Kaga' intor ra kajamalan ru ulun ru Israil am intor ra ngaangai' tula nilo. Musiti' io mambaal ra upacara ragitio tayar ru tampilon ra bokon no ra Kim ru Tuhan sabap ra Kim no soroi ra tatanga' ru pangkiman ondo' majamol.

IMAMAT 6:11

Kopongo raginio musiti' imam no mangalig ra binayang nano am magibit ra kaau mongoi ra liwar ru pangkiman, giu' ra intok ondo' timpok ru kaau no.

IMAMAT 8:11

Alap io ra sanganu intor ra umau no am patakiso' no intulu' ra rasawat ru altar am kuliamos no, am niayuk ra bisin am niayuk antulan no, koson patimpokon ngaangai' no ra Tuhan.

AGAI 2:12

Amon ru mokoondo' sangulun ondo' nangalap ra sangkinis kual intor ra taak simbalui ondo' pinataak ra Tuhan, am inibit no minuli' ralalom ru liningkom ra sukub nano, kalupus raginio sukub nano nakakambong ra ruti' kapoam rorondo' inansak, kapoam wain, kapoam umau jaitun, kapoam akanon ra atan ayuk, ngaangai' no kia masauk ra matulai niayuk?” Paat i Agai nampasaboi ra pangkuatan no, taam imam-imam no, “Kalo.”

MATIUS 23:17

Akau ulun kolondo' pangaratian am bolou! Atan kia ondo' maatang toojo? Mas no kia kapoam Baloi Tuhan ondo' mampatulai ra mas no?

MATIUS 23:19

Mumpara' boo bolou mino! Atan kia ondo' maatang toojo? Ondo' pataakon no kia kapoam altar ondo' mampatulai ra taak nano?