KAINGKUALAN 29:28 - Tanou Moonsoi Timugon

²⁸ Gitio noyo kapatasan Kuno ra kalo boo makulau: Paat ra matong ulun Kuno mapataak ra taak simbalui koson makibarakat ra Tuhan, musiti' kubab am paa ru bibiag no pataakon ra imam-imam. Tampilon raginio noyo taak intor ra ulun Kuno Raki', Tuhan.

KAINGKUALAN 29:28 ပူးပေါင်းရင်းမြစ်များ

KAINGKUALAN 28:2

Baali' maayo muno i Arun ra bayang ru imam, maa' raginio makito io ra maatang kaga'.

KAINGKUALAN 29:27

“Ralalom upacara patimpokon ru imam, kubab am paa ru domba gawayan ondo' pakayon ralalom upacara patimpokon no musiti' pataakon Raki' koson taak paluntukon am pasuayon tayar ru imam-imam.

KAINGKUALAN 29:29

“Bayang ru imam longgom ri Arun musiti' patungkuson ra anak-anak nano ru matoi io, maa' raginio mabayang nilo ginio paat ra patimpokon.

IMAMAT 3:1

Paat ra sasangulun mapataak sanginan intor ra sapi' nano koson taak simbalui koson makibarakat ra Tuhan, sapi' no gawayan kapoam ruandu', kaa' kalo najamaran no.

UNTABAN 15:21

Koson ra paat kolondo' pupus, ruti' intor ra adunan kasaa' no musiti' pataakon tayar ru taak luntukon ra Tuhan.

UNTABAN 18:24

sabap ra longgom nilo, nanaak Aku noyo risilo sampiopor ondo' pataakon ru ulun ru Israil Raki' tayar ru indangan luntukon. Ginio sabap ra nambala' Aku ra ulun ru Liwi ra ilo kalo makapanungkus ra tana' giu' ra Israil.”

UNTABAN 18:29

Pataako' noyo tayar ondo' moonsoi kaga' intor ra ngaangai' ondo' maapu mino.

UNTABAN 18:8

Indagu Tuhan ri Arun, “Karaa' noyo ra ngaangai' indangan luntukon ondo' kalo sinolob ra tayar ru taak simbalui, ondo' pinataak Raki', pataakon Ku rirun. Manaak Aku rirun am papag muno ra indangan no, koson okou no ra tayar raginio ondo' inaru' ra sabuoi-buoi no.

UNTABAN 20:28

I Musa pana nangalus ra sukub ri Arun am pabayango' no ri Iliajar. Giu' ra tampak ru gunung no i Arun minatoi, am i Musa am i Iliajar pana timinuun.

UNTABAN 31:29

Pataako' noyo ngaangai' no ra Imam Iliajar koson ra taak indangan ra luntukon Raki' Tuhan.

UNTABAN 31:41

Ginio ra nangani' i Musa ra taak indangan luntukon no ri Iliajar koson ra taak ra Tuhan, koson ra nanusuban ru Tuhan.

UNTABAN 5:10

Atan ondo' pataakon ru sasangulun ra Tuhan, masauk ra ulun no galama' tatangan. Atan ondo' pataakon no ra imam ayuk, masauk ra imam no tatangan.

UNTABAN 5:9

Koson niayuk ra moonong indangan luntukon ondo' pataakon ru ulun ru Israil ra Tuhan; indangan no masauk ra imam ondo' mangapu no tatangan.

UNTABAN 6:20

Imam no pana musiti' mapataak ra ngaangai' no tayar ru taak luntukon ra Tuhan. Ngaangai' taak no mapasau am masauk ra imam tatangan, mabaya' ra kubab am paa ru domba gawayan ondo' sumugut ra aturan, masauk noyo ginio ra imam tatangan. Mopongo raginio, ulun no sala' ka boo ulun Nazir, am makainum io ra wain.

SAGULION 18:3

“Paat ra pataakon sapi' kapoam domba koson ra taak simbalui, am tampilon ra limbawo, bungul ru salura am tinai' ru bibiag no musiti' pataakon ra imam.