KAINGKUALAN 29:27 - Tanou Moonsoi Timugon

²⁷ “Ralalom upacara patimpokon ru imam, kubab am paa ru domba gawayan ondo' pakayon ralalom upacara patimpokon no musiti' pataakon Raki' koson taak paluntukon am pasuayon tayar ru imam-imam.

KAINGKUALAN 29:27 ပူးပေါင်းရင်းမြစ်များ

KAINGKUALAN 29:26

“Alapon kubab ru domba gawayan no am pataakon Raki' koson taak paluntukon. Kubab ru domba gawayan no tayar muno.

KAINGKUALAN 29:28

Gitio noyo kapatasan Kuno ra kalo boo makulau: Paat ra matong ulun Kuno mapataak ra taak simbalui koson makibarakat ra Tuhan, musiti' kubab am paa ru bibiag no pataakon ra imam-imam. Tampilon raginio noyo taak intor ra ulun Kuno Raki', Tuhan.

IMAMAT 10:15

Musiti' ulun ru Israil magibit ra paa am kubab ru bibiag no paat ra ilo mapataak ra lomok no koson ra taak akanon ra Tuhan. Tayar ragitio longgom muno am anak-anak muno ra sabuoi-buoi no, koson ra nanusuban ru Tuhan.”

IMAMAT 7:30

Musiti' ulun no galama' magibit ra taak simbalui no koson taak akanon. Musiti' io magibit ra lomok am kubab ru bibiag no, am pataakon no koson ra taak lilion ra Tuhan.

IMAMAT 7:37

Ginio noyo aturan ra taak simbalui koson mapabansuk ra guang ru Tuhan, taak simbalui koson paringkuanangan ra Tuhan, taak simbalui koson mangampun ra tula, taak simbalui koson mambayar ra kalubatan, taak simbalui ondo' pataakon paat ra patimpokon, am taak simbalui koson makibarakat ra Tuhan.

IMAMAT 9:21

Pataako' no kubab am paa ru bibiag no koson taak lilion ra Tuhan. Tayar ragitio longgom ru imam, koson ra nanusuban ri Musa.

UNTABAN 18:11

Suai raginio, ngaangai' indangan luntukon ra bokon ondo' pinataak ru ulun ru Israil Raki' masauk ra okou tatangan. Pataakon Ku ngaangai' no rirun, anak-anak muno ungkuyon am ruandu'. Aturan ragitio masauk sabuoi-buoi no. Moonong sasambaloi muno ondo' kalo najamalan makaakan raginio.

UNTABAN 6:20

Imam no pana musiti' mapataak ra ngaangai' no tayar ru taak luntukon ra Tuhan. Ngaangai' taak no mapasau am masauk ra imam tatangan, mabaya' ra kubab am paa ru domba gawayan ondo' sumugut ra aturan, masauk noyo ginio ra imam tatangan. Mopongo raginio, ulun no sala' ka boo ulun Nazir, am makainum io ra wain.

SAGULION 18:3

“Paat ra pataakon sapi' kapoam domba koson ra taak simbalui, am tampilon ra limbawo, bungul ru salura am tinai' ru bibiag no musiti' pataakon ra imam.

IBRANI 7:28

Ukum ri Musa mangaru' ra ulun ondo' kalo matanda' masauk ra Tingganai Maayo Imam. Kaa' malupus Ukum ni, nambantu' am nagibot i Aki Kapuuno' ra mampili' Io ra Anak Nano ondo' pinasauk ra kolondo' sala, masauk ra Tingganai Maayo Imam ra sabuoi-buoi no.

1 SAMUIL 9:24

Kopongo raginio nagibit ulun mangngansak no ra kual moonsoi kaga' intor ra kual ru paa am pasulungo' no ginio ri Saul. Indagu i Samuil, “Gitio noyo tayar ondo' binulian ku ra tayar muno, maa' raginio makaakan kou mabaya' ra ulun-ulun piniau no. Akan no.” Ginio ra minaya' i Saul ri Samuil nangakan paat ra orou raginio.